<p><strong>ಪ್ಯಾರಿಸ್ (ಎಎಫ್ಪಿ):</strong> ಮೂರು ವರ್ಷಗಳಿಂದ ತಮ್ಮಲ್ಲಿಯೇ ಟ್ರೋಫಿ ಉಳಿಸಿಕೊಂಡಿದ್ದ ರಫೆಲ್ ನಡಾಲ್ ಈ ಸಲವೂ ಅದನ್ನು ಬಿಟ್ಟುಕೊಡಲಿಲ್ಲ. ಫ್ರೆಂಚ್ ಓಪನ್ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಿಯ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಡೇವಿಡ್ ಫೆರರ್ ಅವರನ್ನು ಮಣಿಸಿ ಸತತ ನಾಲ್ಕನೇ ವರ್ಷ ಚಾಂಪಿಯನ್ ಆದರು.<br /> <br /> ಫಿಲಿಪ್ ಚಾಟ್ರಿಯರ್ ಕೋರ್ಟ್ನಲ್ಲಿ ಭಾನುವಾರ ನಡೆದ ಫೈನಲ್ ಹಣಾಹಣಿಯಲ್ಲಿ ಸ್ಪೇನ್ನ ನಡಾಲ್ ಟ್ರೋಫಿ ಜಯಿಸಲು ಹೆಚ್ಚು ಕಷ್ಟ ಪಡಬೇಕಾಗಲಿಲ್ಲ. ಈ ಆಟಗಾರ 6-3, 6-2, 6-3ರ ನೇರ ಸೆಟ್ಗಳಿಂದ ತಮ್ಮದೇ ದೇಶದ ಡೇವಿಡ್ ಫೆರರ್ ಅವರನ್ನು ಮಣಿಸಿದರು.<br /> ರೋಲಂಡ್ ಗ್ಯಾರೋಸ್ ಕೋರ್ಟ್ನಲ್ಲಿ ನಡಾಲ್ ಎತ್ತಿ ಹಿಡಿದ ಎಂಟನೇ ಪ್ರಶಸ್ತಿ ಇದಾಗಿದೆ. 2010ರಿಂದ ಸತತವಾಗಿ ಇಲ್ಲಿ ಚಾಂಪಿಯನ್ ಆಗಿರುವ ನಡಾಲ್ಗೆ ಮೂರೂ ಸೆಟ್ಗಳಲ್ಲಿ ಅಷ್ಟೇನೂ ಪ್ರತಿರೋಧ ಎದುರಾಗಲಿಲ್ಲ. ಈ ಟೂರ್ನಿಯಲ್ಲಿ ನಡಾಲ್ ಚಾಂಪಿಯನ್ ಆಗುವ ನಿರೀಕ್ಷೆ ಹೆಚ್ಚಿತ್ತು. ಏಕೆಂದರೆ ಮೂರನೇ ಶ್ರೇಯಾಂಕದ ಈ ಆಟಗಾರ ಪ್ಯಾರಿಸ್ನಲ್ಲಿ ಆಡಿದ ಒಟ್ಟು 60 ಪಂದ್ಯಗಳಲ್ಲಿ 59ರಲ್ಲಿ ಗೆಲುವು ಸಾಧಿಸಿದ ದಾಖಲೆ ಹೊಂದಿದ್ದಾರೆ.<br /> <br /> `ನನ್ನ ಗೆಲುವಿಗೆ ಪ್ರಾರ್ಥಿಸಿ ಬೆಂಬಲ ನೀಡಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಈ ಸಾಧನೆ ಮತ್ತಷ್ಟು ಹುಮ್ಮಸ್ಸು ತುಂಬಿದೆ. ಇನ್ನಷ್ಟು ಸಾಧನೆಗೆ ಪ್ರೇರಣೆಯಾಗಿದೆ' ಎಂದು 27 ವರ್ಷದ ನಡಾಲ್ ನುಡಿದರು.<br /> <br /> <strong>ಪ್ರತಿಭಟನೆಯ ಬಿಸಿ</strong>: ಸಲಿಂಗ ವಿವಾಹವನ್ನು ಕಾನೂನು ಬದ್ಧಗೊಳಿಸಿರುವುದನ್ನು ವಿರೋಧಿಸಿ ನಡೆಸಿದ ಪ್ರತಿಭಟನೆಯ ಬಿಸಿ ಫೈನಲ್ ಪಂದ್ಯಕ್ಕೆ ತಟ್ಟಿತು. ಒಬ್ಬ ವ್ಯಕ್ತಿ ಕೋರ್ಟ್ನೊಳಕ್ಕೆ ನುಗ್ಗಿದ್ದರಿಂದ ಕೆಲ ಕಾಲ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು.<br /> <br /> <strong>ವೆಸ್ನಿನಾ ಜೋಡಿಗೆ ಪ್ರಶಸ್ತಿ</strong>: ರಷ್ಯಾದ ಎಲೆನಾ ವೆಸ್ನಿನಾ ಮತ್ತು ಎಕ್ತರೀನಾ ಮಕರೋವಾ ಜೋಡಿ ಮಹಿಳಾ ವಿಭಾಗದ ಡಬಲ್ಸ್ ಪ್ರಶಸ್ತಿ ಜಯಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್ (ಎಎಫ್ಪಿ):</strong> ಮೂರು ವರ್ಷಗಳಿಂದ ತಮ್ಮಲ್ಲಿಯೇ ಟ್ರೋಫಿ ಉಳಿಸಿಕೊಂಡಿದ್ದ ರಫೆಲ್ ನಡಾಲ್ ಈ ಸಲವೂ ಅದನ್ನು ಬಿಟ್ಟುಕೊಡಲಿಲ್ಲ. ಫ್ರೆಂಚ್ ಓಪನ್ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಿಯ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಡೇವಿಡ್ ಫೆರರ್ ಅವರನ್ನು ಮಣಿಸಿ ಸತತ ನಾಲ್ಕನೇ ವರ್ಷ ಚಾಂಪಿಯನ್ ಆದರು.<br /> <br /> ಫಿಲಿಪ್ ಚಾಟ್ರಿಯರ್ ಕೋರ್ಟ್ನಲ್ಲಿ ಭಾನುವಾರ ನಡೆದ ಫೈನಲ್ ಹಣಾಹಣಿಯಲ್ಲಿ ಸ್ಪೇನ್ನ ನಡಾಲ್ ಟ್ರೋಫಿ ಜಯಿಸಲು ಹೆಚ್ಚು ಕಷ್ಟ ಪಡಬೇಕಾಗಲಿಲ್ಲ. ಈ ಆಟಗಾರ 6-3, 6-2, 6-3ರ ನೇರ ಸೆಟ್ಗಳಿಂದ ತಮ್ಮದೇ ದೇಶದ ಡೇವಿಡ್ ಫೆರರ್ ಅವರನ್ನು ಮಣಿಸಿದರು.<br /> ರೋಲಂಡ್ ಗ್ಯಾರೋಸ್ ಕೋರ್ಟ್ನಲ್ಲಿ ನಡಾಲ್ ಎತ್ತಿ ಹಿಡಿದ ಎಂಟನೇ ಪ್ರಶಸ್ತಿ ಇದಾಗಿದೆ. 2010ರಿಂದ ಸತತವಾಗಿ ಇಲ್ಲಿ ಚಾಂಪಿಯನ್ ಆಗಿರುವ ನಡಾಲ್ಗೆ ಮೂರೂ ಸೆಟ್ಗಳಲ್ಲಿ ಅಷ್ಟೇನೂ ಪ್ರತಿರೋಧ ಎದುರಾಗಲಿಲ್ಲ. ಈ ಟೂರ್ನಿಯಲ್ಲಿ ನಡಾಲ್ ಚಾಂಪಿಯನ್ ಆಗುವ ನಿರೀಕ್ಷೆ ಹೆಚ್ಚಿತ್ತು. ಏಕೆಂದರೆ ಮೂರನೇ ಶ್ರೇಯಾಂಕದ ಈ ಆಟಗಾರ ಪ್ಯಾರಿಸ್ನಲ್ಲಿ ಆಡಿದ ಒಟ್ಟು 60 ಪಂದ್ಯಗಳಲ್ಲಿ 59ರಲ್ಲಿ ಗೆಲುವು ಸಾಧಿಸಿದ ದಾಖಲೆ ಹೊಂದಿದ್ದಾರೆ.<br /> <br /> `ನನ್ನ ಗೆಲುವಿಗೆ ಪ್ರಾರ್ಥಿಸಿ ಬೆಂಬಲ ನೀಡಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಈ ಸಾಧನೆ ಮತ್ತಷ್ಟು ಹುಮ್ಮಸ್ಸು ತುಂಬಿದೆ. ಇನ್ನಷ್ಟು ಸಾಧನೆಗೆ ಪ್ರೇರಣೆಯಾಗಿದೆ' ಎಂದು 27 ವರ್ಷದ ನಡಾಲ್ ನುಡಿದರು.<br /> <br /> <strong>ಪ್ರತಿಭಟನೆಯ ಬಿಸಿ</strong>: ಸಲಿಂಗ ವಿವಾಹವನ್ನು ಕಾನೂನು ಬದ್ಧಗೊಳಿಸಿರುವುದನ್ನು ವಿರೋಧಿಸಿ ನಡೆಸಿದ ಪ್ರತಿಭಟನೆಯ ಬಿಸಿ ಫೈನಲ್ ಪಂದ್ಯಕ್ಕೆ ತಟ್ಟಿತು. ಒಬ್ಬ ವ್ಯಕ್ತಿ ಕೋರ್ಟ್ನೊಳಕ್ಕೆ ನುಗ್ಗಿದ್ದರಿಂದ ಕೆಲ ಕಾಲ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು.<br /> <br /> <strong>ವೆಸ್ನಿನಾ ಜೋಡಿಗೆ ಪ್ರಶಸ್ತಿ</strong>: ರಷ್ಯಾದ ಎಲೆನಾ ವೆಸ್ನಿನಾ ಮತ್ತು ಎಕ್ತರೀನಾ ಮಕರೋವಾ ಜೋಡಿ ಮಹಿಳಾ ವಿಭಾಗದ ಡಬಲ್ಸ್ ಪ್ರಶಸ್ತಿ ಜಯಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
