ನಿಗೂಢ ರೋಗ 73 ಮಕ್ಕಳ ಸಾವು

ಪಟ್ನಾ (ಐಎಎನ್‌ಎಸ್): ಮಿದುಳಿನ ಉರಿಯೂತ ಹೋಲುವ ನಿಗೂಢ ರೋಗದಿಂದಾಗಿ ಬಿಹಾರದ ಮೂರು ಜಿಲ್ಲೆಗಳಲ್ಲಿ 15 ದಿನಗಳಿಂದೀಚೆಗೆ 73 ಮಕ್ಕಳು ಸಾವಿಗೀಡಾಗಿದ್ದಾರೆ.ಈ ಹಿನ್ನೆಲೆಯಲ್ಲಿ ಸರ್ಕಾರದ ಆರೋಗ್ಯ ಇಲಾಖೆ ಅಧಿಕಾರಿಗಳು ಶುಕ್ರವಾರ ತುರ್ತು ಸಭೆ ನಡೆಸಿದರು.



ಮುಜಾಫರ್‌ಪುರ ಜಿಲ್ಲೆಯಲ್ಲಿ 30 ಮಕ್ಕಳು, ಗಯಾದಲ್ಲಿ 9 ಮಕ್ಕಳು ಹಾಗೂ ಪಟ್ನಾದಲ್ಲಿ 34 ಮಕ್ಕಳು ಸಾವಿಗೀಡಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಸೋಂಕಿನಿಂದ ಬಳಲುತ್ತಿರುವ ಇನ್ನೂ ಹಲವು ಮಕ್ಕಳು ಆಸ್ಪತ್ರೆಗಳಿಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಈ ರೋಗ ಯಾವುದು ಹಾಗೂ ರೋಗದ ನಿಖರ ಕಾರಣ ಏನೆಂಬುದನ್ನು ಪತ್ತೆ ಹಚ್ಚಲು ಇನ್ನೂ ಸಾಧ್ಯವಾಗಿಲ್ಲ.