<p>ಹನುಮಂತನಗರದಲ್ಲಿ ನಮ್ಮ ಮನೆ. ಬೀದಿಯಲ್ಲಿರುವ ಮನೆಗಳ ಮಾಲೀಕರು, ಬಾಡಿಗೆದಾರರು ತಂತಮ್ಮ ಕಾರುಗಳನ್ನು ನಿಲ್ಲಿಸಲು ಅವಕಾಶ ಕಲ್ಪಿಸಿಕೊಂಡಿದ್ದಾರೆ. ಆಚೀಚೆ ಬೀದಿಗಳ ಮನೆಗಳವರು ನಮ್ಮ ಬೀದಿಯಲ್ಲಿ ಸ್ಥಳಾವಕಾಶವಿಲ್ಲವೆಂದು ಭಾವಿಸಿ ಕಾರು, ವ್ಯಾನ್ ನಿಲ್ಲಿಸುತ್ತಾರೆ. `ಬೇಡಿ, ನಾವು ಈ ರಸ್ತೆಯ ನಿರ್ವಹಣೆಗೆ ತೆರಿಗೆದಾರರು. ನಿಮ್ಮ ನಿಮ್ಮ ವಾಹನಗಳನ್ನು ನಿಮ್ಮ ಮನೆಯ ಬಳಿಯೇ ನಿಲ್ಲಿಸಿ' ಅಂತ ಪರಿಪರಿಯಾಗಿ ಹೇಳಿದ್ದಾಗಿದೆ. ಫಲ ಮಾತ್ರ ಶೂನ್ಯ.<br /> <br /> ಸದಾ ಬಾಗಿಲ ಮುಂದೆ ಅವರದೇ ವಾಹನಗಳು. ತಂದು ನಿಲ್ಲಿಸುವ ಸರ್ಕಸ್ನಲ್ಲಿ ವಿಪರೀತ ಹಾರ್ನ್ ಸದ್ದು. ಸಾಲದ್ದಕ್ಕೆ ಮನೆಯಿಂದ ಹೊರಗೆ ಹೋಗುವುದು, ಒಳ ಬರುವುದು ಬಹಳ ತ್ರಾಸವಾಯಿತು. ನಾನೊಂದು ಉಪಾಯ ಮಾಡಿದೆ.<br /> <br /> ಕಾರು ನಿಲ್ಲುತ್ತಿದ್ದ ಸ್ಥಳದಲ್ಲಿ ಹಳೆಯ ಪಂಚೆ, ಸೀರೆ ಅಥವಾ ಬೇರಾವುದೇ ಉಡುಪನ್ನು ಒಣಗಲು ಹಾಕಿದಂತೆ ಹರಡಿದೆ. ಆಗಾಗ ಅದರ ಮೇಲೆ ನೀರು ಸಿಂಪಡಿಸುವುದನ್ನು ಮರೆಯಲಿಲ್ಲ. ಹದಿನೈದು ದಿನ ನಮ್ಮ ತಂತ್ರ ಯಶಸ್ವಿಯಾಯಿತೇನೋ ಸರಿ.<br /> <br /> ಆದರೆ ಹದಿನಾರನೆ ದಿನ ಆಗಿದ್ದೇನು? ಮಧ್ಯಾಹ್ನದ ಯಾವುದೋ ಮುಹೂರ್ತದಲ್ಲಿ ಅದು ಚೋರನ ಪಾಲಾಗಿತ್ತು! ಈಗ ನಮ್ಮ ಮುತ್ತಾತನ ಹಳೆಯ ಬೈಸಿಕಲ್ಲನ್ನು ಅಲ್ಲಿ ನಿಲ್ಲಿಸಿ, ಪಾರ್ಕಿಂಗ್ ಪಡಿಪಾಲಿನಿಂದ (ತತ್ಕಾಲಕ್ಕೆ) ಪಾರಾಗಿದ್ದೇವೆ. ಅದರ ಮಾಯ ಯಾವ ಚೋರಲಗ್ನದಲ್ಲೋ ಕಾಣೆ!<br /> <br /> ಪ್ರಶ್ನೆಯೆಂದರೆ, ಕಾರು ಖರೀದಿಸುವಾಗಲೇ ಅದನ್ನು ನಿಲ್ಲಿಸಲು ಜಾಗದ ವ್ಯವಸ್ಥೆ ಬಗ್ಗೆ ಜನರೇಕೆ ಆಲೋಚಿಸುವುದಿಲ್ಲ? ಕಾರು ಅಥವಾ ಮತ್ತ್ಯಾವುದೇ ವಾಹನಗಳನ್ನು ರಿಜಿಸ್ಟರ್ ಮಾಡುವಾಗ ಸಂಬಂಧಿಸಿದ ಇಲಾಖೆಯ ಅಧಿಕಾರಿಗಳು `ನೀವು ಪಾರ್ಕಿಂಗ್ಗೆ ಸೂಕ್ತ ವ್ಯವಸ್ಥೆ ಮಾಡಿಕೊಂಡಿದ್ದೀರಾ' ಅಂತ ಕಟ್ಟುನಿಟ್ಟಾಗಿ ವಿಚಾರಿಸಬೇಕು. ವೀಕ್ಷಣೆ ನಡೆಸಬೇಕು.<br /> <br /> ಪಾರ್ಕಿಂಗ್ನಿಂದ ನೆರೆಯವರಿಗೆ, ಓಡಾಡುವವರಿಗೆ ವೃಥಾ ತೊಂದರೆಯಾಗುತ್ತದೆ ಎಂದಾದರೆ ವಾಹನ ರಿಜಿಸ್ಟರ್ ಮಾಡಲೇಬಾರದು. ಒಬ್ಬೊಬ್ಬರ ಮನೆಯ ಗೇಟಿಗೂ `ದಯಮಾಡಿ ವಾಹನ ನಿಲ್ಲಿಸಬಾರದು' ಲಗತ್ತಾಗಿರುವುದನ್ನು ಕಂಡಾಗಲೆಲ್ಲ ಇದು ಸಾಮಾನ್ಯ ಪ್ರಜ್ಞೆ ಅಲ್ಲವೆ, ಇಂಥ ಸೂಚನೆ ಅಗತ್ಯವೆ? ಅಂತ ಬೇಸರವಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹನುಮಂತನಗರದಲ್ಲಿ ನಮ್ಮ ಮನೆ. ಬೀದಿಯಲ್ಲಿರುವ ಮನೆಗಳ ಮಾಲೀಕರು, ಬಾಡಿಗೆದಾರರು ತಂತಮ್ಮ ಕಾರುಗಳನ್ನು ನಿಲ್ಲಿಸಲು ಅವಕಾಶ ಕಲ್ಪಿಸಿಕೊಂಡಿದ್ದಾರೆ. ಆಚೀಚೆ ಬೀದಿಗಳ ಮನೆಗಳವರು ನಮ್ಮ ಬೀದಿಯಲ್ಲಿ ಸ್ಥಳಾವಕಾಶವಿಲ್ಲವೆಂದು ಭಾವಿಸಿ ಕಾರು, ವ್ಯಾನ್ ನಿಲ್ಲಿಸುತ್ತಾರೆ. `ಬೇಡಿ, ನಾವು ಈ ರಸ್ತೆಯ ನಿರ್ವಹಣೆಗೆ ತೆರಿಗೆದಾರರು. ನಿಮ್ಮ ನಿಮ್ಮ ವಾಹನಗಳನ್ನು ನಿಮ್ಮ ಮನೆಯ ಬಳಿಯೇ ನಿಲ್ಲಿಸಿ' ಅಂತ ಪರಿಪರಿಯಾಗಿ ಹೇಳಿದ್ದಾಗಿದೆ. ಫಲ ಮಾತ್ರ ಶೂನ್ಯ.<br /> <br /> ಸದಾ ಬಾಗಿಲ ಮುಂದೆ ಅವರದೇ ವಾಹನಗಳು. ತಂದು ನಿಲ್ಲಿಸುವ ಸರ್ಕಸ್ನಲ್ಲಿ ವಿಪರೀತ ಹಾರ್ನ್ ಸದ್ದು. ಸಾಲದ್ದಕ್ಕೆ ಮನೆಯಿಂದ ಹೊರಗೆ ಹೋಗುವುದು, ಒಳ ಬರುವುದು ಬಹಳ ತ್ರಾಸವಾಯಿತು. ನಾನೊಂದು ಉಪಾಯ ಮಾಡಿದೆ.<br /> <br /> ಕಾರು ನಿಲ್ಲುತ್ತಿದ್ದ ಸ್ಥಳದಲ್ಲಿ ಹಳೆಯ ಪಂಚೆ, ಸೀರೆ ಅಥವಾ ಬೇರಾವುದೇ ಉಡುಪನ್ನು ಒಣಗಲು ಹಾಕಿದಂತೆ ಹರಡಿದೆ. ಆಗಾಗ ಅದರ ಮೇಲೆ ನೀರು ಸಿಂಪಡಿಸುವುದನ್ನು ಮರೆಯಲಿಲ್ಲ. ಹದಿನೈದು ದಿನ ನಮ್ಮ ತಂತ್ರ ಯಶಸ್ವಿಯಾಯಿತೇನೋ ಸರಿ.<br /> <br /> ಆದರೆ ಹದಿನಾರನೆ ದಿನ ಆಗಿದ್ದೇನು? ಮಧ್ಯಾಹ್ನದ ಯಾವುದೋ ಮುಹೂರ್ತದಲ್ಲಿ ಅದು ಚೋರನ ಪಾಲಾಗಿತ್ತು! ಈಗ ನಮ್ಮ ಮುತ್ತಾತನ ಹಳೆಯ ಬೈಸಿಕಲ್ಲನ್ನು ಅಲ್ಲಿ ನಿಲ್ಲಿಸಿ, ಪಾರ್ಕಿಂಗ್ ಪಡಿಪಾಲಿನಿಂದ (ತತ್ಕಾಲಕ್ಕೆ) ಪಾರಾಗಿದ್ದೇವೆ. ಅದರ ಮಾಯ ಯಾವ ಚೋರಲಗ್ನದಲ್ಲೋ ಕಾಣೆ!<br /> <br /> ಪ್ರಶ್ನೆಯೆಂದರೆ, ಕಾರು ಖರೀದಿಸುವಾಗಲೇ ಅದನ್ನು ನಿಲ್ಲಿಸಲು ಜಾಗದ ವ್ಯವಸ್ಥೆ ಬಗ್ಗೆ ಜನರೇಕೆ ಆಲೋಚಿಸುವುದಿಲ್ಲ? ಕಾರು ಅಥವಾ ಮತ್ತ್ಯಾವುದೇ ವಾಹನಗಳನ್ನು ರಿಜಿಸ್ಟರ್ ಮಾಡುವಾಗ ಸಂಬಂಧಿಸಿದ ಇಲಾಖೆಯ ಅಧಿಕಾರಿಗಳು `ನೀವು ಪಾರ್ಕಿಂಗ್ಗೆ ಸೂಕ್ತ ವ್ಯವಸ್ಥೆ ಮಾಡಿಕೊಂಡಿದ್ದೀರಾ' ಅಂತ ಕಟ್ಟುನಿಟ್ಟಾಗಿ ವಿಚಾರಿಸಬೇಕು. ವೀಕ್ಷಣೆ ನಡೆಸಬೇಕು.<br /> <br /> ಪಾರ್ಕಿಂಗ್ನಿಂದ ನೆರೆಯವರಿಗೆ, ಓಡಾಡುವವರಿಗೆ ವೃಥಾ ತೊಂದರೆಯಾಗುತ್ತದೆ ಎಂದಾದರೆ ವಾಹನ ರಿಜಿಸ್ಟರ್ ಮಾಡಲೇಬಾರದು. ಒಬ್ಬೊಬ್ಬರ ಮನೆಯ ಗೇಟಿಗೂ `ದಯಮಾಡಿ ವಾಹನ ನಿಲ್ಲಿಸಬಾರದು' ಲಗತ್ತಾಗಿರುವುದನ್ನು ಕಂಡಾಗಲೆಲ್ಲ ಇದು ಸಾಮಾನ್ಯ ಪ್ರಜ್ಞೆ ಅಲ್ಲವೆ, ಇಂಥ ಸೂಚನೆ ಅಗತ್ಯವೆ? ಅಂತ ಬೇಸರವಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>