ಪತ್ರಕರ್ತರ ಬಗ್ಗೆಯೂ ತನಿಖೆಯಾಗಲಿ

ಕೆಲವು ಪತ್ರಕರ್ತರ ಭ್ರಷ್ಟಾಚಾರದ ಬಗ್ಗೆಯೂ ತನಿಖೆ ನಡೆಸಬೇಕು ಅನ್ನುವ ಸಚಿವ ರೇಣುಕಾಚಾರ್ಯ ಆಗ್ರಹ  ಸಮರ್ಥನೀಯ. ಒಂದೆಡೆ ರಾಜಕಾರಣಿಗಳ ಮತ್ತು ಅಧಿಕಾರಿಗಳ ಭ್ರಷ್ಟಾಚಾರದ ಬಗ್ಗೆ ಮಾಧ್ಯಮಗಳು ರಣ ದುಂದುಬಿ ಮೊಳಗಿಸಿದ್ದರೆ, ಇನ್ನೊಂದೆಡೆ ಕೆಲ ಪತ್ರಕರ್ತರು ಗಣಿಧೂಳಿನಿಂದಲೇ ಕೋಟ್ಯಧೀಶರಾಗಿದ್ದಾರೆ.



ಭ್ರಷ್ಟಾಚಾರದ ವಿರುದ್ಧದ ಮಾಧ್ಯಮ ಹೋರಾಟವನ್ನೇ ಈ ಪತ್ರಕರ್ತರು ದುರುಪಯೋಗಪಡಿಸಿಕೊಂಡಿದ್ದಾರೆ. ಕೆಲ ಪತ್ರಕರ್ತರ ಹೆಸರು ಲೋಕಾಯುಕ್ತ ವರದಿಯಲ್ಲಿ ಉಲ್ಲೇಖ ಗೊಂಡಿರುವುದಾಗಿ ಹೇಳಲಾಗುತ್ತಿದೆ. ಸರ್ಕಾರ ಪತ್ರಕರ್ತರು ಭ್ರಷ್ಟಾಚಾರ ವಿರೋಧಿ ಹೋರಾಟವನ್ನು ಹಣಗಳಿಕೆಗೆ ದುರುಪಯೋಗಪಡಿಸಿಕೊಳ್ಳುವುದನ್ನು ತಪ್ಪಿಸಲು ತನಿಖೆಗೆ ಆದೇಶಿಸಬೇಕು.