<p><strong>ಸೋನೆಪತ್ (ಪಿಟಿಐ):</strong> ಲಂಡನ್ ಒಲಿಂಪಿಕ್ಗೆ ಭಾರಿ ಕಷ್ಟಪಟ್ಟು ಅರ್ಹತೆ ಪಡೆದ ಕುಸ್ತಿಪಟು ನರಸಿಂಗ ಪಂಚಮ್ ಯಾದವ್ ಅವರು `ಪದಕ ಕನಸಲ್ಲ; ಅದೇ ಗುರಿ~ ಎಂದು ವಿಶ್ವಾಸದಿಂದ ಹೇಳಿದ್ದಾರೆ.</p>.<p>ಅರ್ಹತೆ ಪಡೆಯುವ ಹಾದಿಯಲ್ಲಿಯೇ ಸಾಕಷ್ಟು ಸವಾಲುಗಳನ್ನು ಎದುರಿಸಿ ಗಟ್ಟಿಯಾಗಿರುವ ತಾವು ಲಂಡನ್ನಲ್ಲಿ ವಿಜಯ ವೇದಿಕೆಯ ಮೇಲೆ ಕಾಣಿಸಿಕೊಳ್ಳಲು ತಕ್ಕ ಪ್ರಯತ್ನ ಮಾಡುವುದಾಗಿ ಯಾದವ್ ಅವರು ಬುಧವಾರ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.</p>.<p>`ಪದಕ ಗೆಲ್ಲಬೇಕು. ಅದೇ ಉದ್ದೇಶ ಹಾಗೂ ಗುರಿ. ಅದರ ಹೊರತಾಗಿ ಬೇರೆ ಯಾವುದೇ ಯೋಚನೆ ಇಲ್ಲ~ ಎಂದ ಅವರು `ದೊಡ್ಡ ಕ್ರೀಡಾಕೂಟದಲ್ಲಿ ವಿಜಯ ವೇದಿಕೆಯ ಮೇಲೆ ನಿಲ್ಲುವುದು ಎಷ್ಟು ಕಷ್ಟ ಎನ್ನುವುದೂ ಗೊತ್ತು. ಜೊತೆಗೆ ಆ ಮಟ್ಟಕ್ಕೆ ಏರುವುದರ ಮಹತ್ವ ಏನೆಂದು ಕೂಡ ಅರಿತಿದ್ದೇನೆ~ ಎಂದರು.</p>.<p>`ನಿರೀಕ್ಷೆ ದೊಡ್ಡದು. ಹಾಗೆಂದು ಅನಗತ್ಯವಾಗಿ ಒತ್ತಡವನ್ನು ಹೇರಿಕೊಳ್ಳುವುದಿಲ್ಲ. ಸಹಜವಾಗಿ ಹಾಗೂ ನನ್ನ ಸಾಮರ್ಥ್ಯ ಒಗ್ಗೂಡಿಸಿ ಪೈಪೋಟಿ ನಡೆಸುತ್ತೇನೆ~ ಎಂದರು 2010ರ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಸ್ವರ್ಣ ಪದಕ ಗೆದ್ದಿದ್ದ ಯಾದವ್.</p>.<p>ಕಳೆದ ಮೇ ತಿಂಗಳಿನಲ್ಲಿ ಫಿನ್ಲೆಂಡ್ನಲ್ಲಿ ನಡೆದಿದ್ದ ಕೊನೆಯ ಒಲಿಂಪಿಕ್ ಅರ್ಹತಾ ಚಾಂಪಿಯನ್ಷಿಪ್ನಲ್ಲಿ ಗ್ರೀಸ್ನ ಓಲ್ಗೆ ಮೋಟ್ಸಲಿನ್ ಅವರನ್ನು ಸೋಲಿಸಿದ್ದ ಯಾದವ್ ಅವರು `ನನಗೆ ಸುಶೀಲ್ ಕುಮಾರ್ ಅವರೇ ಮಾದರಿ~ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೋನೆಪತ್ (ಪಿಟಿಐ):</strong> ಲಂಡನ್ ಒಲಿಂಪಿಕ್ಗೆ ಭಾರಿ ಕಷ್ಟಪಟ್ಟು ಅರ್ಹತೆ ಪಡೆದ ಕುಸ್ತಿಪಟು ನರಸಿಂಗ ಪಂಚಮ್ ಯಾದವ್ ಅವರು `ಪದಕ ಕನಸಲ್ಲ; ಅದೇ ಗುರಿ~ ಎಂದು ವಿಶ್ವಾಸದಿಂದ ಹೇಳಿದ್ದಾರೆ.</p>.<p>ಅರ್ಹತೆ ಪಡೆಯುವ ಹಾದಿಯಲ್ಲಿಯೇ ಸಾಕಷ್ಟು ಸವಾಲುಗಳನ್ನು ಎದುರಿಸಿ ಗಟ್ಟಿಯಾಗಿರುವ ತಾವು ಲಂಡನ್ನಲ್ಲಿ ವಿಜಯ ವೇದಿಕೆಯ ಮೇಲೆ ಕಾಣಿಸಿಕೊಳ್ಳಲು ತಕ್ಕ ಪ್ರಯತ್ನ ಮಾಡುವುದಾಗಿ ಯಾದವ್ ಅವರು ಬುಧವಾರ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.</p>.<p>`ಪದಕ ಗೆಲ್ಲಬೇಕು. ಅದೇ ಉದ್ದೇಶ ಹಾಗೂ ಗುರಿ. ಅದರ ಹೊರತಾಗಿ ಬೇರೆ ಯಾವುದೇ ಯೋಚನೆ ಇಲ್ಲ~ ಎಂದ ಅವರು `ದೊಡ್ಡ ಕ್ರೀಡಾಕೂಟದಲ್ಲಿ ವಿಜಯ ವೇದಿಕೆಯ ಮೇಲೆ ನಿಲ್ಲುವುದು ಎಷ್ಟು ಕಷ್ಟ ಎನ್ನುವುದೂ ಗೊತ್ತು. ಜೊತೆಗೆ ಆ ಮಟ್ಟಕ್ಕೆ ಏರುವುದರ ಮಹತ್ವ ಏನೆಂದು ಕೂಡ ಅರಿತಿದ್ದೇನೆ~ ಎಂದರು.</p>.<p>`ನಿರೀಕ್ಷೆ ದೊಡ್ಡದು. ಹಾಗೆಂದು ಅನಗತ್ಯವಾಗಿ ಒತ್ತಡವನ್ನು ಹೇರಿಕೊಳ್ಳುವುದಿಲ್ಲ. ಸಹಜವಾಗಿ ಹಾಗೂ ನನ್ನ ಸಾಮರ್ಥ್ಯ ಒಗ್ಗೂಡಿಸಿ ಪೈಪೋಟಿ ನಡೆಸುತ್ತೇನೆ~ ಎಂದರು 2010ರ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಸ್ವರ್ಣ ಪದಕ ಗೆದ್ದಿದ್ದ ಯಾದವ್.</p>.<p>ಕಳೆದ ಮೇ ತಿಂಗಳಿನಲ್ಲಿ ಫಿನ್ಲೆಂಡ್ನಲ್ಲಿ ನಡೆದಿದ್ದ ಕೊನೆಯ ಒಲಿಂಪಿಕ್ ಅರ್ಹತಾ ಚಾಂಪಿಯನ್ಷಿಪ್ನಲ್ಲಿ ಗ್ರೀಸ್ನ ಓಲ್ಗೆ ಮೋಟ್ಸಲಿನ್ ಅವರನ್ನು ಸೋಲಿಸಿದ್ದ ಯಾದವ್ ಅವರು `ನನಗೆ ಸುಶೀಲ್ ಕುಮಾರ್ ಅವರೇ ಮಾದರಿ~ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>