ಪರಮಾಣು ಇಂಧನ ವಿರೋಧಿಸಿ ರ್‍್ಯಾಲಿ

ಟೋಕಿಯೊ (ಎಪಿ): ಫುಕುಶಿಮಾ ಪರಮಾಣು ದುರಂತದ ಮೂರನೇ ವರ್ಷಾಚರಣೆ ಸಂದರ್ಭದಲ್ಲಿ ಭಾನುವಾರ  ಪರಮಾಣು ಇಂಧನದ ಬಳಕೆ ನಿಲ್ಲಿಸು­ವಂತೆ ಆಗ್ರಹಿಸಿ ಜಪಾನ್‌ನ ವಿವಿಧ ನಗರಗಳಲ್ಲಿ ಸಾವಿರಾರು ಜನ ಪ್ರತಿಭಟನೆ ನಡೆಸಿದರು.



ಫುಕುಶಿಮಾ ಪರಮಾಣು ಸ್ಥಾವರ­ದಲ್ಲಿ ಸ್ಥಗಿತಗೊಂಡಿರುವ 48 ಘಟಕಗಳ ಮರುಚಾಲನೆಗೆ ಮುಂದಾಗಿ­ರುವ ಜಪಾನ್‌ ಸರ್ಕಾರದ ಕ್ರಮವನ್ನು  ಖಂಡಿಸಿ ಈ  ಪ್ರತಿಭಟನೆ ನಡೆಯಿತು. ಅಣು ಸ್ಥಾವರಕ್ಕೆ ಚಾಲನೆ ನೀಡು­ವುದನ್ನು  ವಿರೋಧಿಸಿ ದೇಶದ ವಿವಿಧೆಡೆ­ಯಿಂದ ಕುಟುಂಬ ಸಮೇತ­ರಾಗಿ ಬಂದಿದ್ದ ಸಾವಿರಾರು ಜನರು ಬೃಹತ್‌ ರ್‍್ಯಾಲಿಯಲ್ಲಿ ಪಾಲ್ಗೊಂ­ಡಿದ್ದರು. 



ಟೋಕಿಯೊ ಉದ್ಯಾನದಲ್ಲಿ ಸೇರಿದ್ದ ಪ್ರತಿಭಟನಾ­ಕಾರರು, ಡೋಲು ಬಾರಿಸುತ್ತ, ಪರಮಾಣು ಘಟಕ ಬೇಡ ಎಂಬ ಘೋಷಣಾ ಫಲಕಗಳನ್ನು ಪ್ರದರ್ಶಿಸಿ­ದರು.   ಪರಮಾಣು ಘಟಕ­ಗಳ ಮರುಸ್ಥಾಪನೆಗೆ ಮುಂದಾಗ­ಬಾರದು ಎಂದು ಸರ್ಕಾರವವನ್ನು ಒತ್ತಾಯಿಸಿದ್ದಾರೆ.



ಆಸ್ಕರ್‌ ಪ್ರಶಸ್ತಿ ಪುರಸ್ಕೃತ ರಿಯೂಚಿ ಸಕಮೊಟೊ ಹಾಗೂ ನೊಬೆಲ್‌ ಪ್ರಶಸ್ತಿ ಪುರಸ್ಕೃತ ಲೇಖಕ ಕೆಂಝಬುರೊ ಓಯಿ ಅವರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು. 2011ರ ಮಾರ್ಚ್‌ 11ರಂದು ನಡೆದ ಈ ಘೋರ ಘಟನೆಯಿಂದಾದ ಅವಘಡವನ್ನು ಜಪಾನ್‌ ಜನತೆ ಇನ್ನೂ ಮರೆತಿಲ್ಲ ಎಂದು ಪ್ರತಿಭಟನಾಕಾರರು ದೂರಿದರು.