ಪಾವಗಡ: ಜೂಜು ದಂಧೆ ನಿರಾತಂಕ

ಪಾವಗಡ: ತಾಲ್ಲೂಕಿನಾದ್ಯಂತ ಮಟ್ಕಾಕ್ಕೆ ಪರ್ಯಾಯವಾಗಿ ಬಿಲ್ಲೆ ಆಟ, ಇಸ್ಪೀಟು, ಕೋಳಿ ಪಂದ್ಯ ಎಗ್ಗಿಲ್ಲದೆ ನಡೆಯುತ್ತಿವೆ. ಅಧಿಕಾರಿಗಳಿಗೆ ಖಚಿತ ಮಾಹಿತಿ ಇದ್ದರೂ; ಕ್ರಮ ತೆಗೆದುಕೊಳ್ಳುತ್ತಿಲ್ಲ ಎಂಬ ಆರೋಪ ಸಾರ್ವಜನಿಕ ವಲಯದಲ್ಲಿ ವ್ಯಾಪಕವಾಗಿ ಕೇಳಿ ಬರುತ್ತಿದೆ.

ತಾಲ್ಲೂಕಿನ ವೆಂಕಟಾಪುರ, ಕನ್ನಮೇಡಿ, ಹನುಮಯ್ಯನಪಾಳ್ಯ, ಜಾಜೂರಾಯನಹಳ್ಳಿ, ವೀರಮ್ಮನಹಳ್ಳಿ, ಗುಮ್ಮಘಟ್ಟ, ಪಳವಳ್ಳಿ ಸೇರಿದಂತೆ ಪಟ್ಟಣದಾದ್ಯಂತ ಅಹೋರಾತ್ರಿ ಇಸ್ಪೀಟ್ ಜೂಜು ನಡೆಯುತ್ತಿದೆ. ಇದಕ್ಕೆ ಕೆಲ ಪೊಲೀಸರು ಹಣ ಪಡೆದು ಕುಮ್ಮಕ್ಕು ನೀಡುತ್ತಿದ್ದಾರೆ ಎಂಬ ಆರೋಪವೂ ಇದೆ.

ಪಟ್ಟಣದ ಪೊಲೀಸ್ ಠಾಣೆ ಸಮೀಪ ಅಂಗಡಿಯೊಂದರ ಬಳಿ ಜೂಜುಕೋರರು ಸೇರುತ್ತಾರೆ. ಅಲ್ಲಿಂದ ತಾವು ಜೂಜಾಟಕ್ಕೆ ತೆರಳುವ ಸ್ಥಳ ನಿಗದಿಪಡಿಸಿಕೊಂಡು, ಅಂಗಡಿ ಮಾಲೀಕನಿಗೆ ತಿಳಿಸಿ ಹೋಗುತ್ತಾರೆ.

ಪೊಲೀಸ್ ಅಧಿಕಾರಿಗಳು ದಾಳಿ ನಡೆಸಲು ಮುಂದಾದರೆ ತಕ್ಷಣವೇ ಕೆಲ ಪೊಲೀಸರೇ ಅಂಗಡಿ ಮಾಲೀಕನಿಗೆ ದಾಳಿ ನಡೆಸುವ ಸೂಚನೆ ನೀಡುತ್ತಾರೆ. ಅಂಗಡಿ ಮಾಲೀಕ ಮೊಬೈಲ್ ಮೂಲಕ ಜೂಜುಕೋರರಿಗೆ ಮಾಹಿತಿ ರವಾನಿಸಿ ಅವರನ್ನು ಪಾರು ಮಾಡುತ್ತಾನೆ.

ತಾಲ್ಲೂಕಿನ ಕೃಷ್ಣಗಿರಿ, ವೆಂಕಟಾಪುರ ಗ್ರಾಮಗಳ ಹೊರ ವಲಯದಲ್ಲಿ ದಿನಕ್ಕೆ ಸುಮಾರು ₨ 50 ಲಕ್ಷದವರೆಗೂ ಜೂಜು ನಡೆಯುತ್ತದೆ. ಇಲ್ಲಿಗೆ ಆಂಧ್ರದಿಂದ ಹೆಚ್ಚಿನ ಸಂಖ್ಯೆಯ ಜೂಜುಕೋರರು ಬರುತ್ತಾರೆ. ಆಟವಾಡುವವರಿಗೆ ಸಾಲ ನೀಡಲು ಫೈನಾನ್ಸಿಯರ್ಗಳೂ ಸ್ಥಳದಲ್ಲೇ ಇರುತ್ತಾರೆ.

ಸಾವಿರಕ್ಕೆ ನೂರರಿಂದ ಇನ್ನೂರು ರೂಪಾಯಿ ಹಣ ಹಿಡಿದುಕೊಂಡು ಜೂಜುಕೋರರಿಗೆ ನೀಡುತ್ತಾರೆ. ತಿಂಡಿ, ಊಟ, ಮದ್ಯಪಾನ... ಸೇರಿದಂತೆ ಇತರೆ ಸಕಲ ಎಲ್ಲ ವ್ಯವಸ್ಥೆಯನ್ನು ಸ್ಥಳದಲ್ಲೇ ಒದಗಿಸಲಾಗುತ್ತಿದೆ.ಆಟ ಆಡಿಸುವ ವ್ಯಕ್ತಿಗಳು ಪ್ರತಿ ಆಟಕ್ಕೂ ಹಣ ಸಂಗ್ರಹಿಸಿ ಅದನ್ನು ಪೊಲೀಸರಿಗೆ ತಲುಪಿಸುತ್ತಾರೆ.

ಪಟ್ಣದಲ್ಲಿ ಪ್ರತಿ ಸೋಮವಾರ ನಡೆಯುವ ಕುರಿ ಮಾರುಕಟ್ಟೆಯಲ್ಲಿ ಬಿಲ್ಲೆ ಆಟ ನಡೆಯುತ್ತದೆ. ಈ ಬಗ್ಗೆ ‘ಪ್ರಜಾವಾಣಿ’ ವರದಿ ಪ್ರಕಟಿಸಿತ್ತು.

ಕೆಲ ದಿನ ಎಎನ್ಎಫ್ ಸಿಬ್ಬಂದಿಯನ್ನು ಮಾರುಕಟ್ಟೆಗೆ ನಿಯೋಜಿಸಿ ಬಿಲ್ಲೆ ಆಟವನ್ನು ನಿಯಂತ್ರಿಸಲಾಗಿತ್ತು. ಆದರೆ ಇದೀಗ ಮತ್ತೆ ಮಾರುಕಟ್ಟೆಯಲ್ಲಿ ಬಿಲ್ಲೆ ಆಟ ನಡೆಯುತ್ತಿದೆ.

ಕಳೆದ ಸೋಮವಾರ ಕುರಿ ಮಾರಿ 15 ಸಾವಿರ ಗಳಿಸಿದ ಬಡ ರೈತ ಹತ್ತೇ ನಿಮಿಷದಲ್ಲಿ ಬಿಲ್ಲೆ ಆಟ ಆಡಿ ಸಂಪೂರ್ಣ ಹಣ ಕಳೆದುಕೊಂಡು ಸಾರ್ವಜನಿಕವಾಗಿ ಗೋಳಾಡಿದ ಘಟನೆ ನಡೆಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾವಗಡ: ಜೂಜು ದಂಧೆ ನಿರಾತಂಕ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ