ಬಾಲಕನಿಗೆ ರಕ್ತದ ಕ್ಯಾನ್ಸರ್: ಸಹಾಯಕ್ಕೆ ಮನವಿ

ಪಿರಿಯಾಪಟ್ಟಣ: ಇಲ್ಲಿಯ ಬಡ ಆಟೋ ಚಾಲಕ ಗಣೇಶ್ ಅವರ ಪುತ್ರ 6 ವರ್ಷದ ಸಾತ್ವಿಕ್ ರಕ್ತದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದು, ಚಿಕಿತ್ಸೆಗೆ ಆರ್ಥಿಕ ಸಹಾಯ ಕೋರಿದ್ದಾರೆ.



ಆಟೋ ಚಾಲನೆಯಿಂದ ಜೀವನ ನಡೆಸುತ್ತಿರುವ ತಾಲ್ಲೂಕಿನ ದೊಡ್ಡಹರವೆಯ ಗಣೇಶ್ ಅವರಿಗೆ ಸಾತ್ವಿಕ್ ಹಾಗೂ ದೀಪ್ತಿ  ಮಕ್ಕಳಿದ್ದಾರೆ. ಸಾತ್ವಿಕ್ ರಕ್ತದ ಕ್ಯಾನ್ಸರ್‌ನಿಂದ ಬಳಲುತ್ತಿರುವ ವಿಷಯ ಪಾಲಕರನ್ನು ಕಂಗೆಡಿಸಿದೆ. ಆಟೋ ಚಾಲನೆಯಿಂದ  ಸಂಪಾದಿಸಿದ ಹಣ ಈ ಬಾಲಕನ ಆರೋಗ್ಯ ತಪಾಸಣೆಗೂ ಸಾಲುತ್ತಿಲ್ಲ. ಮಗನನ್ನು ಬೆಂಗಳೂರಿನ ಕಿದ್ವಾಯಿ ಆಸ್ಪತ್ರೆಗೆ ಸೇರಿಸಿದ್ದಾರೆ.



ಚಿಕಿತ್ಸೆಗೆ ಕನಿಷ್ಠ ರೂ. 4 ರಿಂದ 5ಲಕ್ಷದಷ್ಟು ಹಣ ಭರಿಸಬೇಕಾಗಿದ್ದು, ಮಗನ ಉಳಿವಿಗಾಗಿ ಸಮಾಜದ ಸಹಾಯಹಸ್ತ ನಿರೀಕ್ಷಿಸಿದ್ದಾರೆ. ಸಹೃದಯರ ಮತ್ತು ಸಮಾಜ ಸೇವಾ ಸಂಘಟನೆಗಳು ನೆರವು ನೀಡುವಂತೆ ಗಣೇಶ್ ಮನವಿ ಮಾಡಿದ್ದಾರೆ.



ಸಹಾಯ ಮಾಡಲಿಚ್ಛಿಸುವವರು ಕುಶಾಲನಗರ ಎಸ್‌ಬಿಎಂ ಶಾಖೆಯ ಉಳಿತಾಯ ಖಾತೆ ನಂ.54021158064ಕ್ಕೆ ಹಣ ಹಾಕಬಹುದು. ವಿವರಗಳಿಗೆ ಮೊ-9591172311 ಸಂಪರ್ಕಿಸಿ.