ಭಾರತದ ಜತೆ ಸಖ್ಯ ಮುಖ್ಯ: ಹೀನಾ ರಬ್ಬಾನಿ

ನ್ಯೂಯಾರ್ಕ್ (ಪಿಟಿಐ): ನೆರೆಹೊರೆ ರಾಷ್ಟ್ರಗಳೊಂದಿಗೆ ಸಂಬಂಧ ಸುಧಾರಿಸಿಕೊಳ್ಳುವಾಗ ಎಲ್ಲಾ ರಾಷ್ಟ್ರಗಳು ಮುಖ್ಯವೇ ಎಂದಿರುವ ಪಾಕಿಸ್ತಾನ ವಿದೇಶಾಂಗ ಸಚಿವೆ ಹಿನಾ ರಬ್ಬಾನಿ ಖರ್, ಭಾರತದೊಂದಿಗಿನ ಬಾಂಧವ್ಯ ವೃದ್ಧಿಯ ಮಹತ್ವವನ್ನು ಸರ್ಕಾರ ಕಡೆಗಣಿಸಬಾರದು ಎಂದಿದ್ದಾರೆ.



`ಭಾರತ, ಚೀನಾ, ಆಫ್ಘಾನಿಸ್ತಾನ ಮತ್ತು ಇರಾನ್‌ಗಳ ಜೊತೆ ಬಾಂಧವ್ಯ ವೃದ್ಧಿಸಿಕೊಳ್ಳುವ ಸಂದರ್ಭದಲ್ಲಿ ನಾವು ಆಯ್ಕೆಯ ಪ್ರವೃತ್ತಿ ತೋರುವುದು ಸರಿಯಲ್ಲ. ನಮಗೆ ಈ ಎಲ್ಲಾ ರಾಷ್ಟ್ರಗಳೂ ಮುಖ್ಯವೇ. ವಿಶ್ವದ ಈ ವಲಯದಲ್ಲಿ ಸ್ಥಿರತೆ ಕಾಯ್ದುಕೊಳ್ಳುವುದು ನಮ್ಮ ಉದ್ದೇಶ~ ಎಂದು ಹೇಳಿದ್ದಾರೆ.