ಮಂಗಳವಾರ, ಜೂನ್ 22, 2021
24 °C

ಭಾರತದ ಸಾಧಕಿಯರ ಕುರಿತ ಚಿತ್ರ ಬಿಡುಗಡೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ಭಾರತದ ಸಾಮಾನ್ಯ ಹಾಗೂ ಗಣ್ಯ ಮಹಿಳೆಯರ ಸಾಧನೆಯನ್ನು ಅನಾವರಣಗೊಳಿಸುವ ಕಿರುಚಿತ್ರ ಸೋಮವಾರ ಇಲ್ಲಿ ಬಿಡುಗಡೆಯಾಗಿದೆ. ಲಿಂಗ ಸಮಾನತೆ ಮತ್ತು ಮಹಿಳಾ ಸಬಲೀಕರಣಕ್ಕಾಗಿ ಶ್ರಮಿಸುತ್ತಿರುವ ವಿಶ್ವಸಂಸ್ಥೆಯ ಮಹಿಳಾ ವಿಭಾಗದ ಸಹಯೋಗದಲ್ಲಿ ಐರೋಪ್ಯ ಒಕ್ಕೂಟ ಈ ಚಿತ್ರವನ್ನು ಬಿಡುಗಡೆ ಮಾಡಿದೆ.



ಸ್ಥಳೀಯ ಮಹಿಳೆಯರಿಗೆ ಸಣ್ಣ ವ್ಯಾಪಾರ ಮಾಡಲು ಸಹಾಯ ಮಾಡುವ ಮಾವಿನ ತೋಟದ ಮಾಲಕಿ, ಅಂಧ ಪರ್ವತಾರೋಹಿ, ಮಹಿಳಾ ಹೋರಾ­ಟ­ಗಾರ್ತಿಯರ  ಜೀವನ ಕಥೆ­ಯನ್ನು ಇದು ಒಳಗೊಂಡಿದೆ. ಮೌಂಟ್‌ ಎವರೆಸ್ಟ್‌ ಪರ್ವತವನ್ನು ಏರಿದ ಪ್ರಥಮ ಭಾರತೀಯ ಮಹಿಳೆ ಬಚೇಂದ್ರಿಪಾಲ್‌, ಉತ್ತಮ ಸ್ಕೌಟ್‌ ಹುಡುಗಿ ಕಾಂಚನಾ ಗಬಾ, ರಾಷ್ಟ್ರೀಯ ಮಹಿಳಾ ಕ್ರಿಕೆಟ್‌ ತಂ­ಡ­ದ ಅಂಜುಮ್‌ ಚೋಪ್ರಾ ಅವರ ಸಂದ­ರ್ಶ­ನವನ್ನು ಈ ಚಿತ್ರ ಒಳಗೊಂಡಿದೆ.



‘ಭಾರತದ ಮಹಿಳೆಯರ ಸಾಧನೆ ಉಲ್ಲೇಖನೀಯ. ಐರೋಪ್ಯ ಒಕ್ಕೂಟದ ಚಿತ್ರ ಅಂತಹ ಮಹಿಳೆಯರಿಗೆ ಈ ಚಿತ್ರವನ್ನು ಅರ್ಪಿಸುತ್ತದೆ. ಸಮಾನತೆ­ಗಾಗಿ ಹೋರಾಡಿದ ಆ ಮಹಿಳೆಯರನ್ನು ಪ್ರೋತ್ಸಾಹಿಸಬೇಕು’ ಎಂದು ಭಾರತ ಹಾಗೂ ಭೂತಾನ್‌ನಲ್ಲಿ ಐರೋಪ್ಯ ಒಕ್ಕೂಟದ ರಾಯಭಾರಿಯಾಗಿರುವ  ಜಾವೋ ಕ್ರವಿನೊ ಹೇಳಿದ್ದಾರೆ. 



ಚಿತ್ರದಲ್ಲಿ ಸಾಧಕಿಯರ ಸಂದರ್ಶನ­ವನ್ನು ಹೆಚ್ಚು ಕೇಂದ್ರೀಕರಿಸಲಾಗಿದೆ. ಪುರುಷ ಪ್ರಧಾನ ಸಮಾಜದಲ್ಲಿ ಎಲ್ಲಾ ಒತ್ತಡಗಳ ವಿರುದ್ಧ ಹೋರಾಡಿ ಗುರಿ ಸಾಧಿಸಿದ್ದಾರೆ  ಎಂದು ನಿರ್ದೇಶಕ ರೋಹಿತ್‌ ಮೋಂಗಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.