<p><strong>ನವದೆಹಲಿ (ಪಿಟಿಐ): </strong>ಮನರಂಜನೆ ಹೆಸರಿನಲ್ಲಿ ಟಿವಿ ಚಾನೆಲ್ಗಳು, ಪ್ರಾಣಿಗಳ ಶೋಷಣೆ ನಡೆಸುತ್ತಿವೆ ಎಂದು ಹೇಳಿರುವ ಟಿವಿ ಪ್ರಸಾರ ವಿಷಯಗಳಿಗೆ ಸಂಬಂಧಿಸಿದ ದೂರುಗಳ ಮಂಡಳಿ, (ಬಿಸಿಸಿಸಿ) ಪ್ರೇಕ್ಷಕರಲ್ಲಿ ತಪ್ಪು ಕಲ್ಪನೆ ಬೀರುವ ಇಂತಹ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡದಂತೆ ಚಾನೆಲ್ಗಳಿಗೆ ಸೂಚಿಸಿದೆ.<br /> <br /> ದೆಹಲಿ ಹೈಕೋರ್ಟ್ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಎ.ಪಿ. ಷಾ ನೇತೃತ್ವದ, ಸುದ್ದಿಯೇತರ ಟಿವಿ ಚಾನೆಲ್ಗಳ ಸ್ವಯಂ ನಿಯಂತ್ರಣ ಸಂಸ್ಥೆಯಾಗಿರುವ ಬಿಸಿಸಿಸಿಯು ಕಾರ್ಯಕ್ರಮ ಪ್ರಸಾರ ಮಾಡುವ ಸಂದರ್ಭದಲ್ಲಿ ಚಾನೆಲ್ಗಳು ಅನುಸರಿಸಬೇಕಾದ ಕ್ರಮಗಳ ಕುರಿತು ಸಲಹೆಗಳ ಪಟ್ಟಿ ಸಿದ್ಧಪಡಿಸಿದೆ. <br /> <br /> ಮನರಂಜನಾ ಚಾನೆಲ್ಗಳು, ಅದರಲ್ಲೂ ರಿಯಾಲಿಟಿ ಶೋಗಳನ್ನು ನಡೆಸುತ್ತಿರುವ ಚಾನೆಲ್ಗಳು ಪ್ರಸಾರ ಮಾಡುತ್ತಿರುವ ಕಾರ್ಯಕ್ರಮಗಳು ಪ್ರಾಣಿಗಳಿಗೆ ಅಪಾಯಕಾರಿಯಾಗಿವೆ ಎಂದು ಬಿಸಿಸಿಸಿ ಹೇಳಿದೆ.<br /> `ಉದಾಹರಣೆಗೆ, ರಿಯಾಲಿಟಿ ಶೋಗಳಲ್ಲಿ ತಮಗಿರುವ ಧೈರ್ಯ /ಸಾಹಸ ಪ್ರದರ್ಶಿಸಲು ಸ್ಪರ್ಧಿಗಳು ಜೀವಂತ ಕೀಟಗಳನ್ನು ತಿನ್ನುತ್ತಾರೆ. ಇದು ನೋಡಲು ಅಸಹ್ಯಕರವಾಗಿರುವುದಲ್ಲದೇ ಆರೋಗ್ಯಕ್ಕೂ ಅಪಾಯಕಾರಿ. <br /> <br /> ಇನ್ನು ಕೆಲವು ಚಾನೆಲ್ಗಳಲ್ಲಿ ಪ್ರತಿ ವಾರ ಪ್ರಾಣಿಗಳನ್ನು ಕೊಲ್ಲಲಾಗುತ್ತಿದೆ. ಕೆಚ್ಚನ್ನು ಪ್ರದರ್ಶಿಸಲು ಸ್ಪರ್ಧಿಗಳು ಕುರಿಯ ಕಣ್ಣು ಗುಡ್ಡೆ, ಹುಳುಗಳನ್ನು ತಿನ್ನುತ್ತಾರೆ~ ಎಂದು ಮಂಡಳಿ ಹೇಳಿದೆ.ಸಂಸದೆ ಮನೇಕಾ ಗಾಂಧಿ ಅವರನ್ನು ಸಂಪರ್ಕಿಸಿ ಈ ಸಲಹಾ ಪಟ್ಟಿಯನ್ನು ಬಿಸಿಸಿಸಿ ಸಿದ್ಧಪಡಿಸಿದೆ.<br /> <br /> ವಯಸ್ಕರ ಹಾಸ್ಯ ಕಾರ್ಯಕ್ರಮ-ರಾತ್ರಿ 11ರ ನಂತರ ಪ್ರಸಾರ ಮಾಡಲು ಸೂಚನೆ: ಈ ಮಧ್ಯೆ, ದ್ವಂದ್ವಾರ್ಥವಿರುವ ಹಾಸ್ಯ ಸಂಭಾಷಣೆ ಮತ್ತು ವಯಸ್ಕರ ಹಾಸ್ಯ ಒಳಗೊಂಡ ಚಲನಚಿತ್ರ ಪ್ರಶಸ್ತಿ ಸಮಾರಂಭದಂತಹ ಕಾರ್ಯಕ್ರಮಗಳನ್ನು ರಾತ್ರಿ 11ರ ನಂತರ ಪ್ರಸಾರ ಮಾಡುವಂತೆಯೂ ಬಿಸಿಸಿಸಿ ಟಿವಿ ಚಾನೆಲ್ಗಳಿಗೆ ಸೂಚಿಸಿದೆ.<br /> <br /> ಸಾರ್ವಜನಿಕರು ನೀಡಿರುವ ದೂರಿನ ಹಿನ್ನೆಲೆಯಲ್ಲಿ ಬಿಸಿಸಿಸಿ ಈ ನಿರ್ದೇಶನ ನೀಡಿದೆ. ಕೆಲವು ಚಾನೆಲ್ಗಳು ಪ್ರಸಾರ ಮಾಡುತ್ತಿರುವ ಕಾರ್ಯಕ್ರಮಗಳು, ಮಹಿಳೆಯರಿಗೆ ಮತ್ತು ಕೆಲವು ಸಮುದಾಯಕ್ಕೆ ಅಗೌರವ ತೋರುತ್ತಿರುವುದು ಜನರಿಂದ ಬಂದಿರುವ ದೂರುಗಳನ್ನು ಪರಿಶೀಲನೆ ಮಾಡುವ ಸಂದರ್ಭದಲ್ಲಿ ಕಂಡು ಬಂದಿದೆ ಎಂದು ಬಿಸಿಸಿಸಿ ಹೇಳಿದೆ.ಬಿಸಿಸಿಸಿ ವ್ಯಾಪ್ತಿಯಲ್ಲಿ ದೇಶದ 235 ಸುದ್ದಿಯೇತರ ಚಾನೆಲ್ಗಳು ಬರುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಮನರಂಜನೆ ಹೆಸರಿನಲ್ಲಿ ಟಿವಿ ಚಾನೆಲ್ಗಳು, ಪ್ರಾಣಿಗಳ ಶೋಷಣೆ ನಡೆಸುತ್ತಿವೆ ಎಂದು ಹೇಳಿರುವ ಟಿವಿ ಪ್ರಸಾರ ವಿಷಯಗಳಿಗೆ ಸಂಬಂಧಿಸಿದ ದೂರುಗಳ ಮಂಡಳಿ, (ಬಿಸಿಸಿಸಿ) ಪ್ರೇಕ್ಷಕರಲ್ಲಿ ತಪ್ಪು ಕಲ್ಪನೆ ಬೀರುವ ಇಂತಹ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡದಂತೆ ಚಾನೆಲ್ಗಳಿಗೆ ಸೂಚಿಸಿದೆ.<br /> <br /> ದೆಹಲಿ ಹೈಕೋರ್ಟ್ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಎ.ಪಿ. ಷಾ ನೇತೃತ್ವದ, ಸುದ್ದಿಯೇತರ ಟಿವಿ ಚಾನೆಲ್ಗಳ ಸ್ವಯಂ ನಿಯಂತ್ರಣ ಸಂಸ್ಥೆಯಾಗಿರುವ ಬಿಸಿಸಿಸಿಯು ಕಾರ್ಯಕ್ರಮ ಪ್ರಸಾರ ಮಾಡುವ ಸಂದರ್ಭದಲ್ಲಿ ಚಾನೆಲ್ಗಳು ಅನುಸರಿಸಬೇಕಾದ ಕ್ರಮಗಳ ಕುರಿತು ಸಲಹೆಗಳ ಪಟ್ಟಿ ಸಿದ್ಧಪಡಿಸಿದೆ. <br /> <br /> ಮನರಂಜನಾ ಚಾನೆಲ್ಗಳು, ಅದರಲ್ಲೂ ರಿಯಾಲಿಟಿ ಶೋಗಳನ್ನು ನಡೆಸುತ್ತಿರುವ ಚಾನೆಲ್ಗಳು ಪ್ರಸಾರ ಮಾಡುತ್ತಿರುವ ಕಾರ್ಯಕ್ರಮಗಳು ಪ್ರಾಣಿಗಳಿಗೆ ಅಪಾಯಕಾರಿಯಾಗಿವೆ ಎಂದು ಬಿಸಿಸಿಸಿ ಹೇಳಿದೆ.<br /> `ಉದಾಹರಣೆಗೆ, ರಿಯಾಲಿಟಿ ಶೋಗಳಲ್ಲಿ ತಮಗಿರುವ ಧೈರ್ಯ /ಸಾಹಸ ಪ್ರದರ್ಶಿಸಲು ಸ್ಪರ್ಧಿಗಳು ಜೀವಂತ ಕೀಟಗಳನ್ನು ತಿನ್ನುತ್ತಾರೆ. ಇದು ನೋಡಲು ಅಸಹ್ಯಕರವಾಗಿರುವುದಲ್ಲದೇ ಆರೋಗ್ಯಕ್ಕೂ ಅಪಾಯಕಾರಿ. <br /> <br /> ಇನ್ನು ಕೆಲವು ಚಾನೆಲ್ಗಳಲ್ಲಿ ಪ್ರತಿ ವಾರ ಪ್ರಾಣಿಗಳನ್ನು ಕೊಲ್ಲಲಾಗುತ್ತಿದೆ. ಕೆಚ್ಚನ್ನು ಪ್ರದರ್ಶಿಸಲು ಸ್ಪರ್ಧಿಗಳು ಕುರಿಯ ಕಣ್ಣು ಗುಡ್ಡೆ, ಹುಳುಗಳನ್ನು ತಿನ್ನುತ್ತಾರೆ~ ಎಂದು ಮಂಡಳಿ ಹೇಳಿದೆ.ಸಂಸದೆ ಮನೇಕಾ ಗಾಂಧಿ ಅವರನ್ನು ಸಂಪರ್ಕಿಸಿ ಈ ಸಲಹಾ ಪಟ್ಟಿಯನ್ನು ಬಿಸಿಸಿಸಿ ಸಿದ್ಧಪಡಿಸಿದೆ.<br /> <br /> ವಯಸ್ಕರ ಹಾಸ್ಯ ಕಾರ್ಯಕ್ರಮ-ರಾತ್ರಿ 11ರ ನಂತರ ಪ್ರಸಾರ ಮಾಡಲು ಸೂಚನೆ: ಈ ಮಧ್ಯೆ, ದ್ವಂದ್ವಾರ್ಥವಿರುವ ಹಾಸ್ಯ ಸಂಭಾಷಣೆ ಮತ್ತು ವಯಸ್ಕರ ಹಾಸ್ಯ ಒಳಗೊಂಡ ಚಲನಚಿತ್ರ ಪ್ರಶಸ್ತಿ ಸಮಾರಂಭದಂತಹ ಕಾರ್ಯಕ್ರಮಗಳನ್ನು ರಾತ್ರಿ 11ರ ನಂತರ ಪ್ರಸಾರ ಮಾಡುವಂತೆಯೂ ಬಿಸಿಸಿಸಿ ಟಿವಿ ಚಾನೆಲ್ಗಳಿಗೆ ಸೂಚಿಸಿದೆ.<br /> <br /> ಸಾರ್ವಜನಿಕರು ನೀಡಿರುವ ದೂರಿನ ಹಿನ್ನೆಲೆಯಲ್ಲಿ ಬಿಸಿಸಿಸಿ ಈ ನಿರ್ದೇಶನ ನೀಡಿದೆ. ಕೆಲವು ಚಾನೆಲ್ಗಳು ಪ್ರಸಾರ ಮಾಡುತ್ತಿರುವ ಕಾರ್ಯಕ್ರಮಗಳು, ಮಹಿಳೆಯರಿಗೆ ಮತ್ತು ಕೆಲವು ಸಮುದಾಯಕ್ಕೆ ಅಗೌರವ ತೋರುತ್ತಿರುವುದು ಜನರಿಂದ ಬಂದಿರುವ ದೂರುಗಳನ್ನು ಪರಿಶೀಲನೆ ಮಾಡುವ ಸಂದರ್ಭದಲ್ಲಿ ಕಂಡು ಬಂದಿದೆ ಎಂದು ಬಿಸಿಸಿಸಿ ಹೇಳಿದೆ.ಬಿಸಿಸಿಸಿ ವ್ಯಾಪ್ತಿಯಲ್ಲಿ ದೇಶದ 235 ಸುದ್ದಿಯೇತರ ಚಾನೆಲ್ಗಳು ಬರುತ್ತವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
