ಮಹಾರಾಜರ ‘ಮರ್ಯಾದೆ’!

‘ಮೂವತ್ತು ದಿನದಲ್ಲಿ ನನಗೆ ಕನ್ನಡ ಭಾಷೆಯೇ ಮರೆತು ಹೋದಂತಾಗಿತ್ತು’ –ನಟ ರವಿಚೇತನ್ ತಮಾಷೆಗೆ ಹೀಗೆ ನುಡಿದರೂ ಅವರ ಮಾತಿನಲ್ಲಿ ಅರ್ಥವಿತ್ತು. ನಿರ್ದೇಶಕರ ಮಾತು ಕೇಳಿದವರು ತಮ್ಮ ಭಾಷೆಯನ್ನು ಒಮ್ಮೆ ಮರೆತರೂ ಅಚ್ಚರಿಯಿರಲಿಲ್ಲ. ಕನ್ನಡ, ತಮಿಳು, ಮಲಯಾಳಂ ಮತ್ತು ಇಂಗ್ಲಿಷ್ ಭಾಷೆಗಳನ್ನು ಮಿಶ್ರಣ ಮಾಡಿ ಮಾತನಾಡುವ ಕಲೆಗಾರಿಕೆ ನಿರ್ದೇಶಕ ಮಹಾರಾಜ ಅವರದು.

ಕೇರಳ ಮೂಲದವರಾದ ನಿರ್ದೇಶಕ ಮಹಾರಾಜ ತಮಿಳಿನಲ್ಲಿಯೂ ಕೆಲಸ ಮಾಡಿದವರು. ಕನ್ನಡದಲ್ಲಿ ಇದು ಅವರ ಮೊದಲ ಚಿತ್ರ. ಹೀಗಾಗಿ ಮಾತಿಗಿಳಿದಾಗ ಮೂರೂ ಭಾಷೆಗಳ ಜೊತೆಗೆ ಇಂಗ್ಲಿಷ್ ಕೂಡ ಬೆರೆತಿತ್ತು. ಅವರ ಸಿನಿಮಾ ಹೆಸರು ‘ಮರ್ಯಾದೆ’. ಅದು ‘ಮರ್ಯಾದೆ’ಯ ಹಾಡುಗಳ ಸೀಡಿ ಬಿಡುಗಡೆ ಸಮಾರಂಭ. ಸೀಡಿ ಬಿಡುಗಡೆ ಮಾಡಿದ್ದು ಮಂಗಳಮುಖಿಯರ ದಂಡು.

ಮಂಗಳಮುಖಿಯರಿಗೂ ಚಿತ್ರಕ್ಕೂ ಇರುವ ನಂಟು ಹಿರಿದು. ಚಿತ್ರದ ಕಥೆಯ ಮೂಲವಿರುವುದೇ ಮಂಗಳಮುಖಿಯರ ಬದುಕಿನ ಮೇಲೆ. ಅನಾಥ ಮಗುವನ್ನು ಸಾಕುವ ಮಂಗಳಮುಖಿಯರು, ಅವರು ಸಮಾಜದಲ್ಲಿ ಎದುರಿಸುವ ಸಮಸ್ಯೆಗಳ ಮುಖವನ್ನು ‘ಮರ್ಯಾದೆ’ ಚಿತ್ರಿಸಿದೆಯಂತೆ. ಅಂದಹಾಗೆ, ನಿಜವಾದ ಮಂಗಳಮುಖಿಯರು ಸಿನಿಮಾದಲ್ಲಿ ನಟಿಸಿದ್ದರೂ ಮುಖ್ಯಪಾತ್ರದಲ್ಲಿ ಮಂಗಳಮುಖಿಯ ವೇಷ ತೊಟ್ಟಿರುವುದು ರವಿಚೇತನ್. ‘ಸತ್ಯಾನಂದ’ ಚಿತ್ರದಲ್ಲಿನ ಅಭಿನಯ ನೋಡಿ ರವಿಚೇತನ್ ಅವರನ್ನು ಈ ಪಾತ್ರಕ್ಕೆ ಆಯ್ಕೆ ಮಾಡಲಾಗಿದೆಯಂತೆ. ಮಂಗಳಮುಖಿಯರ ನಡುವೆ ಬೆಳೆಯುವ ಅನಾಥಮಗುವಾಗಿ ಕಾಣಿಸಿಕೊಂಡಿರುವುದು ಚಿತ್ರಕ್ಕೆ ಬಂಡವಾಳವನ್ನೂ ಹೂಡಿರುವ ನಾಗರಾಜ್. ಕೆಲವು ಮಲಯಾಳಂ ಚಿತ್ರಗಳಲ್ಲಿ ನಟಿಸಿರುವ ಅವರಿಗಿದು ಕನ್ನಡದಲ್ಲಿ ಪದಾರ್ಪಣೆಯ ಸಿನಿಮಾ.

ನಟಿ ಹರ್ಷಿಕಾ ಪೂಣಚ್ಚ ಅವರಿಗೆ ನಾಯಕನಿಗೆ ಸರಿಸಮವಾದ ಪಾತ್ರ ಸಿಕ್ಕಿದೆ ಎಂಬ ಖುಷಿ. ನಿರ್ದೇಶಕರ ಭಾಷಾ ಸಮಸ್ಯೆ ಹೊರತುಪಡಿಸಿದರೆ ಬೇರೇನೂ ಸಮಸ್ಯೆ ಎದುರಾಗಲಿಲ್ಲ ಎಂದರು ಅವರು. ಕಡಿಮೆ ಅವಧಿಯಲ್ಲಿ ಚಿತ್ರದ ನಾಲ್ಕು ಹಾಡುಗಳನ್ನು ಬರೆದು ನೀಡುವ ಅವಕಾಶವನ್ನು ನಿಭಾಯಿಸಿದ ಸಂತಸ ಸಿನಿ ಸಾಹಿತಿ ಕವಿರಾಜ್ ಅವರದು.

ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಎಚ್.ಡಿ. ಗಂಗರಾಜು, ನಟರಾದ ಸುಚೇಂದ್ರಪ್ರಸಾದ್, ಲಯೇಂದ್ರ, ಮನ್ದೀಪ್ರಾಯ್, ಪ್ರದೀಪ್ ಕಾರ್ಯಕ್ರಮದಲ್ಲಿ ಹಾಜರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಾರಾಜರ ‘ಮರ್ಯಾದೆ’!

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ