<p>ನವದೆಹಲಿ (ಪಿಟಿಐ/ಐಎಎನ್ಎಸ್): ಮಹತ್ವದ ನಿರ್ಧಾರವೊಂದರಲ್ಲಿ `ಹಾಕಿ ಇಂಡಿಯಾ' ಭಾರತ ಹಾಕಿ ತಂಡದ ಮುಖ್ಯ ಕೋಚ್ ಮೈಕಲ್ ನಾಬ್ಸ್ ಅವರನ್ನು ಮಂಗಳವಾರ ವಜಾಗೊಳಿಸಿದೆ. ನಾಬ್ಸ್ ಅವರ ಮಾರ್ಗದರ್ಶದಲ್ಲಿ ಭಾರತ ತಂಡ ಇತ್ತೀಚಿನ ಟೂರ್ನಿಗಳಲ್ಲಿ ಕಳಪೆ ಪ್ರದರ್ಶನ ತೋರಿದ್ದು ಇದಕ್ಕೆ ಮುಖ್ಯ ಕಾರಣ.<br /> <br /> ಭಾರತ ಕ್ರೀಡಾ ಪ್ರಾಧಿಕಾರದೊಂದಿಗೆ (ಎಸ್ಎಐ) ಸಭೆ ನಡೆಸಿದ ಬಳಿಕ ಈ ನಿರ್ಧಾರ ಕೈಗೊಂಡಿದೆ. ನಾಬ್ಸ್ ಅವರೊಂದಿಗೆ `ಹಾಕಿ ಇಂಡಿಯಾ' ಮಾಡಿಕೊಂಡಿದ್ದ ಐದು ವರ್ಷಗಳ ಒಪ್ಪಂದ 2016ರ ರಿಯೋ ಡಿ ಜನೈರೊ ಒಲಿಂಪಿಕ್ಸ್ ಬಳಿಕ ಅಂತ್ಯಗೊಳ್ಳಬೇಕಿತ್ತು. ಆದರೆ ಪರ್ಗತ್ ಸಿಂಗ್ ಹಾಗೂ ಜೋಕಿಮ್ ಕರ್ವಾಲೊ ಸೇರಿದಂತೆ ಪ್ರಮುಖ ಮಾಜಿ ಆಟಗಾರರಿಂದ ಹೆಚ್ಚಿನ ಒತ್ತಡ ಕಾರಣ `ಹಾಕಿ ಇಂಡಿಯಾ' ಈ ಕಠಿಣ ನಿರ್ಧಾರ ತೆಗೆದುಕೊಂಡಿದೆ.<br /> <br /> ಹಾಲೆಂಡ್ನಲ್ಲಿ ನಡೆದ ವಿಶ್ವ ಹಾಕಿ ಲೀಗ್ನಲ್ಲಿ ಭಾರತ ತೀರಾ ಕಳಪೆ ಪ್ರದರ್ಶನ ನೀಡಿದ್ದು ಮಾಜಿ ಆಟಗಾರರನ್ನು ಕೆರಳಿಸಿತ್ತು. ಈ ಸೋಲಿನಿಂದಾಗಿ 2014ರ ವಿಶ್ವಕಪ್ನಲ್ಲಿ ಸ್ಥಾನ ಪಡೆಯುವ ಅವಕಾಶವನ್ನು ಸರ್ದಾರ್ ಸಿಂಗ್ ಸಾರಥ್ಯದ ತಂಡ ಕಳೆದುಕೊಂಡಿತ್ತು (ಮುಂಬರುವ ಏಷ್ಯಾ ಕಪ್ನಲ್ಲಿ ಗೆದ್ದರೆ ಮಾತ್ರ ಅರ್ಹತೆ ಪಡೆಯಲು ಕೊನೆಯ ಅವಕಾಶವಿದೆ).<br /> <br /> ನೂತನ ಕೋಚ್ ನೇಮಕವಾಗುವವರೆಗೆ ಹಾಲೆಂಡ್ನ ರೋಲೆಂಟ್ ಒಲ್ಟಮಸ್ ಅವರಿಗೆ ತಂಡದ ಜವಾಬ್ದಾರಿ ವಹಿಸಲಾಗಿದೆ. ನಾಬ್ಸ್ ಕೋಚ್ ಆಗಿದ್ದಾಗ ಒಲ್ಟಮಸ್ ಪ್ರದರ್ಶನ ವೃದ್ಧಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಅವರ ಮಾರ್ಗದರ್ಶನದಲ್ಲೇ ಬೆಂಗಳೂರಿನಲ್ಲಿ ಜುಲೈ 16ರಿಂದ ಆಗಸ್ಟ್ 16ರವರೆಗೆ ಭಾರತ ತಂಡದ ಶಿಬಿರ ನಡೆಯಲಿದೆ. ಈ ಹಿಂದಿನ ವಿದೇಶದ ಕೋಚ್ಗಳಾದ ಸ್ಪೇನ್ನ ಜೋಸ್ ಬಸ್ರಾ, ಆಸ್ಟ್ರೇಲಿಯಾದ ರಿಕಿ ಚಾರ್ಲ್ಸ್ವರ್ಥ್ ಹಾಗೂ ಜರ್ಮನಿಯ ಗೆರಾರ್ಡ್ ರಾಚ್ ಅವರನ್ನು ಕೂಡ ವಜಾಗೊಳಿಸಲಾಗಿತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು.<br /> <br /> `ತಂಡದ ಪ್ರದರ್ಶನದ ಬಗ್ಗೆ ಹಾಕಿ ಇಂಡಿಯಾ ಹಾಗೂ ಎಸ್ಎಐ ಅಧಿಕಾರಗಳು ಪರಿಶೀಲನೆ ನಡೆಸಿದರು. ತಂಡ ಸುಧಾರಣೆಯನ್ನೇ ಕಾಣುತ್ತಿಲ್ಲ ಎಂಬುದು ನಮ್ಮ ಅರಿವಿಗೆ ಬಂದಿದೆ. ತಂಡ ನಿಂತ ನೀರಿನಂತಾಗಿದೆ. ಅದು ಮುಂದಕ್ಕೆ ಹೋಗಲು ಹೊಸ ಯೋಜನೆಗಳ ಅಗತ್ಯವಿದೆ. ಈ ಕಾರಣ ನಾಬ್ಸ್ ಅವರನ್ನು ಜಬಾವ್ದಾರಿಯಿಂದ ಬಿಡುಗಡೆಗೊಳಿಸಲು ನಿರ್ಧರಿಸಿದೆವು. ಸದ್ಯ ಅವರು ಒಂದು ತಿಂಗಳ ನೋಟಿಸ್ ಅವಧಿಯಲ್ಲಿದ್ದಾರೆ' ಎಂದು `ಹಾಕಿ ಇಂಡಿಯಾ'ದ ಪ್ರಧಾನ ಕಾರ್ಯದರ್ಶಿ ನರೀಂದರ್ ಬಾತ್ರಾ ನುಡಿದರು.<br /> <br /> `ಸಭೆಯ ವೇಳೆ ಸ್ವತಃ ನಾಬ್ಸ್ ರಾಜೀನಾಮೆ ನೀಡಲು ಮುಂದೆ ಬಂದಿದ್ದರು. ಅವರ ಕೋಚಿಂಗ್ ಶೈಲಿಯಲ್ಲಿ ಕೆಲ ಸಮಸ್ಯೆಗಳಿದ್ದವು. ಒಲ್ಟಮಸ್ ಅದನ್ನು ಪತ್ತೆ ಹಚ್ಚಿದ್ದರು. ಅದನ್ನು ಸರಿಪಡಿಸಲು ನಾಬ್ಸ್ ಅವರಿಗೆ ಸಾಧ್ಯವಾಗಲಿಲ್ಲ. ಈ ಕಾರಣ ನಿರೀಕ್ಷಿತ ಫಲಿತಾಂಶ ಬರಲಿಲ್ಲ. ಪರಸ್ಪರ ಒಪ್ಪಿಗೆಯಿಂದ ಈ ನಿರ್ಧಾರಕ್ಕೆ ಬಂದಿದ್ದೇವೆ. ಸದ್ಯ ನಾಬ್ಸ್ ಆಸ್ಟ್ರೇಲಿಯಾದಲ್ಲಿದ್ದಾರೆ' ಎಂದು ಅವರು ಹೇಳಿದರು.</p>.<p>`ನೂತನ ಕೋಚ್ ನೇಮಕವಾಗುವವರೆಗೆ ಒಲ್ಟಮಸ್ ಅವರು ತಂಡದ ಮುಖ್ಯ ತರಬೇತುದಾರರಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಪ್ರದರ್ಶನ ವೃದ್ಧಿ ಮ್ಯಾನೇಜರ್ ಆಗಿಯೂ ಮುಂದುವರಿಯಲಿದ್ದಾರೆ. ಎಂ.ಕೆ.ಕೌಶಿಕ್ ದೇಶಿ ಕೋಚ್ ಆಗಿರುತ್ತಾರೆ. 2-3 ತಿಂಗಳಲ್ಲಿ ಮುಖ್ಯ ಕೋಚ್ ಆಯ್ಕೆ ಮಾಡುತ್ತೇವೆ' ಎಂದು ಬಾತ್ರಾ ವಿವರಿಸಿದರು.<br /> <br /> `ಒಂದು ತಿಂಗಳ ನೋಟಿಸ್ ಅವಧಿ ಮುಗಿದ ಮೇಲೆ ನಾಬ್ಸ್ ಅವರೊಂದಿಗಿನ ಒಪ್ಪಂದವನ್ನು ರದ್ದುಪಡಿಸಲಾಗಿದೆ. ಯಾವಾಗ ಬೇಕಾದರೂ ರದ್ದು ಮಾಡಬಹುದು ಎಂಬ ಅಂಶ ಒಪ್ಪಂದದ ಪತ್ರದಲ್ಲಿದೆ. ಒಂದು ತಿಂಗಳ ನೋಟಿಸ್ ನೀಡಿ ಈ ರೀತಿ ಮಾಡಬಹುದು. ಹಾಕಿ ಇಂಡಿಯಾದ ಶಿಫಾರಸಿನ ಮೇರೆಗೆ ಈ ಕ್ರಮ ಕೈಗೊಳ್ಳಾಗಿದೆ. ನಾಬ್ಸ್ ಅವರು ಎಸ್ಎಐನಿಂದ ವೇತನ ಪಡೆಯುತ್ತಿದ್ದರು' ಎಂದು ಭಾರತ ಕ್ರೀಡಾ ಪ್ರಾಧಿಕಾರದ ಮಹಾನಿರ್ದೇಶಕ ಜಿಜಿ ಥಾಮ್ಸನ್ ನುಡಿದರು.<br /> <br /> `ಕೌಶಿಕ್ ಅವರನ್ನು ಕೋಚ್ ಆಗಿ ನೇಮಿಸುವಂತೆ ಹಾಕಿ ಇಂಡಿಯಾ ಬರೆದಿರುವ ಶಿಫಾರಸು ಪತ್ರ ಈಗಷ್ಟೇ ನಮ್ಮ ಕೈಸೇರಿದೆ. ಈ ಬಗ್ಗೆ ಅಂತಿಮ ನಿರ್ಧಾರಕ್ಕೆ ಬರಲು ಒಂದು ವಾರ ಬೇಕು. ಇದಕ್ಕೆ ಕ್ರೀಡಾ ಸಚಿವಾಲಯದ ಅನುಮತಿ ಪಡೆಯಬೇಕು' ಎಂದೂ ಅವರು ಹೇಳಿದರು.</p>.<p><strong>`ನಾನೇ ರಾಜೀನಾಮೆ ನೀಡಿದ್ದು'</strong><br /> ನವದೆಹಲಿ (ಪಿಟಿಐ): `ನನ್ನನ್ನು ಯಾರೂ ವಜಾಗೊಳಿಸಿಲ್ಲ; ಬದಲಾಗಿ ಖುದ್ದಾಗಿ ರಾಜೀನಾಮೆ ನೀಡಿದ್ದೇನೆ. ಅನಾರೋಗ್ಯದ ಕಾರಣ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ' ಎಂದು ಮೈಕಲ್ ನಾಬ್ಸ್ ತಿಳಿಸಿದರು. `ನಾನು ಭಾರತ ಹಾಕಿ ತಂಡವನ್ನು ತುಂಬಾ ಪ್ರೀತಿಸುತ್ತೇನೆ. ಹಾಗಾಗಿ ಅದಕ್ಕೆ ಧಕ್ಕೆ ತರಲು ನಾನು ಇಷ್ಟಪಡುವುದಿಲ್ಲ. ಅನಾರೋಗ್ಯಕ್ಕೆ ಒಳಗಾಗಿರುವ ನಾನು ಪೂರ್ಣ ಗಮನ ಹರಿಸಲು ಸಾಧ್ಯವಾಗುವುದಿಲ್ಲ' ಎಂದು ಸದ್ಯ ಆಸ್ಟ್ರೇಲಿಯಾದಲ್ಲಿರುವ ಅವರು ಸುದ್ದಿ ವಾಹಿನಿಯೊಂದಕ್ಕೆ ಪ್ರತಿಕ್ರಿಯಿಸಿದ್ದಾರೆ.</p>.<p><strong>ನಾಬ್ಸ್ ಒಬ್ಬರೇ ಕಾರಣರಲ್ಲ...</strong><br /> ನಾಬ್ಸ್ ಅವರನ್ನು ವಜಾಗೊಳಿಸಿರುವುದು ಸ್ವಾಗತಾರ್ಹ. ಆದರೆ ಭಾರತ ತಂಡದ ಕಳಪೆ ಪ್ರದರ್ಶನಕ್ಕೆ ಅವರೊಬ್ಬರೇ ಕಾರಣರಲ್ಲ. ಉತ್ತಮ ವ್ಯವಸ್ಥೆ ಇರಬೇಕು. ತಳಮಟ್ಟದಲ್ಲಿಯೇ ಇಲ್ಲಿ ಸಮಸ್ಯೆ ಇದೆ. ರಾಷ್ಟ್ರೀಯ ಟೂರ್ನಿಗಳಲ್ಲಿ ಕೆಲ ತಂಡಗಳು 20-0 ಗೋಲುಗಳಿಂದ ಗೆಲ್ಲುತ್ತವೆ. ಹಾಗಾಗಿ ಸೋತ ತಂಡದ ಬಗ್ಗೆಯೂ ನಾವು ಚಿಂತಿಸಬೇಕು.<br /> <strong>-ಪರ್ಗತ್ ಸಿಂಗ್ (ಭಾರತ ತಂಡದ ಮಾಜಿ ನಾಯಕ)</strong><br /> <br /> ಕೌಶಿಕ್ ಅವರನ್ನು ಮುಖ್ಯ ಕೋಚ್ ಮಾಡಿ. ಈಗಾಗಲೇ ಅವರು ತಮ್ಮ ಸಾಮರ್ಥ್ಯ ತೋರಿಸಿದ್ದಾರೆ. ಅವರ ಮಾರ್ಗದರ್ಶನದಲ್ಲಿ ಭಾರತ ತಂಡ 1998ರ ಏಷ್ಯನ್ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದಿತ್ತು.<br /> <strong>-ಜಾಫರ್ ಇಕ್ಬಾಲ್ (ಭಾರತ ತಂಡದ ಮಾಜಿ ನಾಯಕ)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ (ಪಿಟಿಐ/ಐಎಎನ್ಎಸ್): ಮಹತ್ವದ ನಿರ್ಧಾರವೊಂದರಲ್ಲಿ `ಹಾಕಿ ಇಂಡಿಯಾ' ಭಾರತ ಹಾಕಿ ತಂಡದ ಮುಖ್ಯ ಕೋಚ್ ಮೈಕಲ್ ನಾಬ್ಸ್ ಅವರನ್ನು ಮಂಗಳವಾರ ವಜಾಗೊಳಿಸಿದೆ. ನಾಬ್ಸ್ ಅವರ ಮಾರ್ಗದರ್ಶದಲ್ಲಿ ಭಾರತ ತಂಡ ಇತ್ತೀಚಿನ ಟೂರ್ನಿಗಳಲ್ಲಿ ಕಳಪೆ ಪ್ರದರ್ಶನ ತೋರಿದ್ದು ಇದಕ್ಕೆ ಮುಖ್ಯ ಕಾರಣ.<br /> <br /> ಭಾರತ ಕ್ರೀಡಾ ಪ್ರಾಧಿಕಾರದೊಂದಿಗೆ (ಎಸ್ಎಐ) ಸಭೆ ನಡೆಸಿದ ಬಳಿಕ ಈ ನಿರ್ಧಾರ ಕೈಗೊಂಡಿದೆ. ನಾಬ್ಸ್ ಅವರೊಂದಿಗೆ `ಹಾಕಿ ಇಂಡಿಯಾ' ಮಾಡಿಕೊಂಡಿದ್ದ ಐದು ವರ್ಷಗಳ ಒಪ್ಪಂದ 2016ರ ರಿಯೋ ಡಿ ಜನೈರೊ ಒಲಿಂಪಿಕ್ಸ್ ಬಳಿಕ ಅಂತ್ಯಗೊಳ್ಳಬೇಕಿತ್ತು. ಆದರೆ ಪರ್ಗತ್ ಸಿಂಗ್ ಹಾಗೂ ಜೋಕಿಮ್ ಕರ್ವಾಲೊ ಸೇರಿದಂತೆ ಪ್ರಮುಖ ಮಾಜಿ ಆಟಗಾರರಿಂದ ಹೆಚ್ಚಿನ ಒತ್ತಡ ಕಾರಣ `ಹಾಕಿ ಇಂಡಿಯಾ' ಈ ಕಠಿಣ ನಿರ್ಧಾರ ತೆಗೆದುಕೊಂಡಿದೆ.<br /> <br /> ಹಾಲೆಂಡ್ನಲ್ಲಿ ನಡೆದ ವಿಶ್ವ ಹಾಕಿ ಲೀಗ್ನಲ್ಲಿ ಭಾರತ ತೀರಾ ಕಳಪೆ ಪ್ರದರ್ಶನ ನೀಡಿದ್ದು ಮಾಜಿ ಆಟಗಾರರನ್ನು ಕೆರಳಿಸಿತ್ತು. ಈ ಸೋಲಿನಿಂದಾಗಿ 2014ರ ವಿಶ್ವಕಪ್ನಲ್ಲಿ ಸ್ಥಾನ ಪಡೆಯುವ ಅವಕಾಶವನ್ನು ಸರ್ದಾರ್ ಸಿಂಗ್ ಸಾರಥ್ಯದ ತಂಡ ಕಳೆದುಕೊಂಡಿತ್ತು (ಮುಂಬರುವ ಏಷ್ಯಾ ಕಪ್ನಲ್ಲಿ ಗೆದ್ದರೆ ಮಾತ್ರ ಅರ್ಹತೆ ಪಡೆಯಲು ಕೊನೆಯ ಅವಕಾಶವಿದೆ).<br /> <br /> ನೂತನ ಕೋಚ್ ನೇಮಕವಾಗುವವರೆಗೆ ಹಾಲೆಂಡ್ನ ರೋಲೆಂಟ್ ಒಲ್ಟಮಸ್ ಅವರಿಗೆ ತಂಡದ ಜವಾಬ್ದಾರಿ ವಹಿಸಲಾಗಿದೆ. ನಾಬ್ಸ್ ಕೋಚ್ ಆಗಿದ್ದಾಗ ಒಲ್ಟಮಸ್ ಪ್ರದರ್ಶನ ವೃದ್ಧಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಅವರ ಮಾರ್ಗದರ್ಶನದಲ್ಲೇ ಬೆಂಗಳೂರಿನಲ್ಲಿ ಜುಲೈ 16ರಿಂದ ಆಗಸ್ಟ್ 16ರವರೆಗೆ ಭಾರತ ತಂಡದ ಶಿಬಿರ ನಡೆಯಲಿದೆ. ಈ ಹಿಂದಿನ ವಿದೇಶದ ಕೋಚ್ಗಳಾದ ಸ್ಪೇನ್ನ ಜೋಸ್ ಬಸ್ರಾ, ಆಸ್ಟ್ರೇಲಿಯಾದ ರಿಕಿ ಚಾರ್ಲ್ಸ್ವರ್ಥ್ ಹಾಗೂ ಜರ್ಮನಿಯ ಗೆರಾರ್ಡ್ ರಾಚ್ ಅವರನ್ನು ಕೂಡ ವಜಾಗೊಳಿಸಲಾಗಿತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು.<br /> <br /> `ತಂಡದ ಪ್ರದರ್ಶನದ ಬಗ್ಗೆ ಹಾಕಿ ಇಂಡಿಯಾ ಹಾಗೂ ಎಸ್ಎಐ ಅಧಿಕಾರಗಳು ಪರಿಶೀಲನೆ ನಡೆಸಿದರು. ತಂಡ ಸುಧಾರಣೆಯನ್ನೇ ಕಾಣುತ್ತಿಲ್ಲ ಎಂಬುದು ನಮ್ಮ ಅರಿವಿಗೆ ಬಂದಿದೆ. ತಂಡ ನಿಂತ ನೀರಿನಂತಾಗಿದೆ. ಅದು ಮುಂದಕ್ಕೆ ಹೋಗಲು ಹೊಸ ಯೋಜನೆಗಳ ಅಗತ್ಯವಿದೆ. ಈ ಕಾರಣ ನಾಬ್ಸ್ ಅವರನ್ನು ಜಬಾವ್ದಾರಿಯಿಂದ ಬಿಡುಗಡೆಗೊಳಿಸಲು ನಿರ್ಧರಿಸಿದೆವು. ಸದ್ಯ ಅವರು ಒಂದು ತಿಂಗಳ ನೋಟಿಸ್ ಅವಧಿಯಲ್ಲಿದ್ದಾರೆ' ಎಂದು `ಹಾಕಿ ಇಂಡಿಯಾ'ದ ಪ್ರಧಾನ ಕಾರ್ಯದರ್ಶಿ ನರೀಂದರ್ ಬಾತ್ರಾ ನುಡಿದರು.<br /> <br /> `ಸಭೆಯ ವೇಳೆ ಸ್ವತಃ ನಾಬ್ಸ್ ರಾಜೀನಾಮೆ ನೀಡಲು ಮುಂದೆ ಬಂದಿದ್ದರು. ಅವರ ಕೋಚಿಂಗ್ ಶೈಲಿಯಲ್ಲಿ ಕೆಲ ಸಮಸ್ಯೆಗಳಿದ್ದವು. ಒಲ್ಟಮಸ್ ಅದನ್ನು ಪತ್ತೆ ಹಚ್ಚಿದ್ದರು. ಅದನ್ನು ಸರಿಪಡಿಸಲು ನಾಬ್ಸ್ ಅವರಿಗೆ ಸಾಧ್ಯವಾಗಲಿಲ್ಲ. ಈ ಕಾರಣ ನಿರೀಕ್ಷಿತ ಫಲಿತಾಂಶ ಬರಲಿಲ್ಲ. ಪರಸ್ಪರ ಒಪ್ಪಿಗೆಯಿಂದ ಈ ನಿರ್ಧಾರಕ್ಕೆ ಬಂದಿದ್ದೇವೆ. ಸದ್ಯ ನಾಬ್ಸ್ ಆಸ್ಟ್ರೇಲಿಯಾದಲ್ಲಿದ್ದಾರೆ' ಎಂದು ಅವರು ಹೇಳಿದರು.</p>.<p>`ನೂತನ ಕೋಚ್ ನೇಮಕವಾಗುವವರೆಗೆ ಒಲ್ಟಮಸ್ ಅವರು ತಂಡದ ಮುಖ್ಯ ತರಬೇತುದಾರರಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಪ್ರದರ್ಶನ ವೃದ್ಧಿ ಮ್ಯಾನೇಜರ್ ಆಗಿಯೂ ಮುಂದುವರಿಯಲಿದ್ದಾರೆ. ಎಂ.ಕೆ.ಕೌಶಿಕ್ ದೇಶಿ ಕೋಚ್ ಆಗಿರುತ್ತಾರೆ. 2-3 ತಿಂಗಳಲ್ಲಿ ಮುಖ್ಯ ಕೋಚ್ ಆಯ್ಕೆ ಮಾಡುತ್ತೇವೆ' ಎಂದು ಬಾತ್ರಾ ವಿವರಿಸಿದರು.<br /> <br /> `ಒಂದು ತಿಂಗಳ ನೋಟಿಸ್ ಅವಧಿ ಮುಗಿದ ಮೇಲೆ ನಾಬ್ಸ್ ಅವರೊಂದಿಗಿನ ಒಪ್ಪಂದವನ್ನು ರದ್ದುಪಡಿಸಲಾಗಿದೆ. ಯಾವಾಗ ಬೇಕಾದರೂ ರದ್ದು ಮಾಡಬಹುದು ಎಂಬ ಅಂಶ ಒಪ್ಪಂದದ ಪತ್ರದಲ್ಲಿದೆ. ಒಂದು ತಿಂಗಳ ನೋಟಿಸ್ ನೀಡಿ ಈ ರೀತಿ ಮಾಡಬಹುದು. ಹಾಕಿ ಇಂಡಿಯಾದ ಶಿಫಾರಸಿನ ಮೇರೆಗೆ ಈ ಕ್ರಮ ಕೈಗೊಳ್ಳಾಗಿದೆ. ನಾಬ್ಸ್ ಅವರು ಎಸ್ಎಐನಿಂದ ವೇತನ ಪಡೆಯುತ್ತಿದ್ದರು' ಎಂದು ಭಾರತ ಕ್ರೀಡಾ ಪ್ರಾಧಿಕಾರದ ಮಹಾನಿರ್ದೇಶಕ ಜಿಜಿ ಥಾಮ್ಸನ್ ನುಡಿದರು.<br /> <br /> `ಕೌಶಿಕ್ ಅವರನ್ನು ಕೋಚ್ ಆಗಿ ನೇಮಿಸುವಂತೆ ಹಾಕಿ ಇಂಡಿಯಾ ಬರೆದಿರುವ ಶಿಫಾರಸು ಪತ್ರ ಈಗಷ್ಟೇ ನಮ್ಮ ಕೈಸೇರಿದೆ. ಈ ಬಗ್ಗೆ ಅಂತಿಮ ನಿರ್ಧಾರಕ್ಕೆ ಬರಲು ಒಂದು ವಾರ ಬೇಕು. ಇದಕ್ಕೆ ಕ್ರೀಡಾ ಸಚಿವಾಲಯದ ಅನುಮತಿ ಪಡೆಯಬೇಕು' ಎಂದೂ ಅವರು ಹೇಳಿದರು.</p>.<p><strong>`ನಾನೇ ರಾಜೀನಾಮೆ ನೀಡಿದ್ದು'</strong><br /> ನವದೆಹಲಿ (ಪಿಟಿಐ): `ನನ್ನನ್ನು ಯಾರೂ ವಜಾಗೊಳಿಸಿಲ್ಲ; ಬದಲಾಗಿ ಖುದ್ದಾಗಿ ರಾಜೀನಾಮೆ ನೀಡಿದ್ದೇನೆ. ಅನಾರೋಗ್ಯದ ಕಾರಣ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ' ಎಂದು ಮೈಕಲ್ ನಾಬ್ಸ್ ತಿಳಿಸಿದರು. `ನಾನು ಭಾರತ ಹಾಕಿ ತಂಡವನ್ನು ತುಂಬಾ ಪ್ರೀತಿಸುತ್ತೇನೆ. ಹಾಗಾಗಿ ಅದಕ್ಕೆ ಧಕ್ಕೆ ತರಲು ನಾನು ಇಷ್ಟಪಡುವುದಿಲ್ಲ. ಅನಾರೋಗ್ಯಕ್ಕೆ ಒಳಗಾಗಿರುವ ನಾನು ಪೂರ್ಣ ಗಮನ ಹರಿಸಲು ಸಾಧ್ಯವಾಗುವುದಿಲ್ಲ' ಎಂದು ಸದ್ಯ ಆಸ್ಟ್ರೇಲಿಯಾದಲ್ಲಿರುವ ಅವರು ಸುದ್ದಿ ವಾಹಿನಿಯೊಂದಕ್ಕೆ ಪ್ರತಿಕ್ರಿಯಿಸಿದ್ದಾರೆ.</p>.<p><strong>ನಾಬ್ಸ್ ಒಬ್ಬರೇ ಕಾರಣರಲ್ಲ...</strong><br /> ನಾಬ್ಸ್ ಅವರನ್ನು ವಜಾಗೊಳಿಸಿರುವುದು ಸ್ವಾಗತಾರ್ಹ. ಆದರೆ ಭಾರತ ತಂಡದ ಕಳಪೆ ಪ್ರದರ್ಶನಕ್ಕೆ ಅವರೊಬ್ಬರೇ ಕಾರಣರಲ್ಲ. ಉತ್ತಮ ವ್ಯವಸ್ಥೆ ಇರಬೇಕು. ತಳಮಟ್ಟದಲ್ಲಿಯೇ ಇಲ್ಲಿ ಸಮಸ್ಯೆ ಇದೆ. ರಾಷ್ಟ್ರೀಯ ಟೂರ್ನಿಗಳಲ್ಲಿ ಕೆಲ ತಂಡಗಳು 20-0 ಗೋಲುಗಳಿಂದ ಗೆಲ್ಲುತ್ತವೆ. ಹಾಗಾಗಿ ಸೋತ ತಂಡದ ಬಗ್ಗೆಯೂ ನಾವು ಚಿಂತಿಸಬೇಕು.<br /> <strong>-ಪರ್ಗತ್ ಸಿಂಗ್ (ಭಾರತ ತಂಡದ ಮಾಜಿ ನಾಯಕ)</strong><br /> <br /> ಕೌಶಿಕ್ ಅವರನ್ನು ಮುಖ್ಯ ಕೋಚ್ ಮಾಡಿ. ಈಗಾಗಲೇ ಅವರು ತಮ್ಮ ಸಾಮರ್ಥ್ಯ ತೋರಿಸಿದ್ದಾರೆ. ಅವರ ಮಾರ್ಗದರ್ಶನದಲ್ಲಿ ಭಾರತ ತಂಡ 1998ರ ಏಷ್ಯನ್ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದಿತ್ತು.<br /> <strong>-ಜಾಫರ್ ಇಕ್ಬಾಲ್ (ಭಾರತ ತಂಡದ ಮಾಜಿ ನಾಯಕ)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
