ಬುಧವಾರ, ಜೂನ್ 16, 2021
22 °C

ಯಾಸಿನ್‌್ ಬಂಟನ ಮೇಲೆ ಜೈಲಿನಲ್ಲಿ ಕೈದಿಯಿಂದ ಹಲ್ಲೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಇಂಡಿಯನ್‌ ಮುಜಾಹಿದೀನ್‌ (ಐಎಂ) ಸಹ ಸಂಸ್ಥಾ­ಪಕ ಯಾಸಿನ್‌ ಭಟ್ಕಳನ ಬೆಂಬಲಿಗ ಫಾಸಿ ಮಹಮ್ಮದ್‌್ ಮೇಲೆ ಕೈದಿ­ಯೊಬ್ಬ ಹಲ್ಲೆ ಮಾಡಿದ ಘಟನೆ ಬಿಗಿ ಭದ್ರತೆಯ ತಿಹಾರ್‌ ಜೈಲಿನಲ್ಲಿ ಶುಕ್ರವಾರ ರಾತ್ರಿ ನಡೆದಿದೆ.



ಭಯೋತ್ಪಾದಕ ಚಟುವಟಿಕೆ  ಆರೋ­ಪದ ಮೇಲೆ ಫಾಸಿ ಮಹಮ್ಮದ್‌ 2012­ರಲ್ಲಿ ಸೌದಿ ಅರೇಬಿಯಾದಿಂದ ಭಾರತಕ್ಕೆ ಹಸ್ತಾಂತರಗೊಂಡಿದ್ದ.

‘ಕೊಲೆ ಪ್ರಕರಣವೊಂದರಲ್ಲಿ ಶಿಕ್ಷೆ ಅನು­ಭವಿಸುತ್ತಿರುವ ಸಿಮ್ರಾನ್‌ ಎಂಬಾತ ಹಲ್ಲೆ ಮಾಡಿದ ಪರಿಣಾಮ ಫಾಸಿ ಮಹ­ಮ್ಮದ್‌ ಕಾಲಿಗೆ ಗಾಯ­ವಾಗಿದೆ’ ಎಂದು ಜೈಲು ಅಧಿಕಾರಿಗಳು ತಿಳಿಸಿದ್ದಾರೆ.  ದೆಹಲಿಯಲ್ಲಿ ಅಕ್ರಮ ಶಸ್ತ್ರಾಸ್ತ್ರ ಕಾರ್ಖಾನೆ ಸ್ಥಾಪನೆಗೆ ಸಂಬಂಧಿ­ಸಿದ ಪ್ರಕರಣದಲ್ಲಿ ಫಾಸಿ­ಯನ್ನು ಶನಿವಾರ ಸ್ಥಳೀಯ ನ್ಯಾಯಾ­ಲಯಕ್ಕೆ ಗಾಲಿ ಕುರ್ಚಿ­­ಯಲ್ಲಿ ಕರೆತರ­ಲಾಯಿತು.



ಆಗ ಆತ ಜೈಲಿನಲ್ಲಿ ತನ್ನ ಮೇಲಾದ ಹಲ್ಲೆ ವಿಷಯವನ್ನು ನ್ಯಾಯಾಧೀಶರಿಗೆ ತಿಳಿಸಿದ.   ಈ ವಿಷಯವಾಗಿ ವಿವರ ವರದಿ ನೀಡು­ವಂತೆ ಹೆಚ್ಚುವರಿ ಸೆಷನ್ಸ್‌ ನ್ಯಾಯಾಧೀಶ ದಯಾ ಪ್ರಕಾಶ್‌ ಜೈಲು ಅಧಿಕಾರಿಗಳಿಗೆ ಸೂಚಿಸಿದರು. ಅಲ್ಲದೇ ಫಾಸಿಗೆ  ಏಮ್ಸ್‌­ನಲ್ಲಿ ಹೆಚ್ಚಿನ ಚಿಕಿತ್ಸೆ ಕೊಡಿಸಲು ಪೊಲೀ­ಸರಿಗೆ ನಿರ್ದೇಶನ ನೀಡಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.