ಮಂಗಳವಾರ, ಏಪ್ರಿಲ್ 13, 2021
25 °C

ಯುಪಿಎ ತನಿಖೆ ಏಕಿಲ್ಲ?: ಕುಲಕರ್ಣಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ವೋಟಿಗಾಗಿ ನೋಟು ಪ್ರಕರಣದಿಂದ ಯಾರಿಗೆ ಲಾಭವಾಗಿದೆಯೋ ಅವರನ್ನು ಪೊಲೀಸರು ಏಕೆ ತನಿಖೆಗೆ ಒಳಪಡಿಸಿಲ್ಲ ಎಂದು ಈ ಹಗರಣದ ಆಪಾದನೆ ಮೇಲೆ ಬಂಧಿತರಾದ ಸುಧೀಂದ್ರ ಕುಲಕರ್ಣಿ ನ್ಯಾಯಾಲಯದಲ್ಲಿ ಶನಿವಾರ ಪ್ರಶ್ನಿಸಿದ್ದಾರೆ.



ಜಾಮೀನು ನೀಡುವಂತೆ ನ್ಯಾಯಾಲಯವನ್ನು ಕೋರಿದ ಅವರು, `ಈ ಪ್ರಕರಣದಲ್ಲಿ ಯುಪಿಎ-1 ಸರ್ಕಾರದ `ಅನೇಕರು~ ನೈಜ ಫಲಾನುಭವಿಗಳು ಮತ್ತು  ಆರೋಪಿಗಳು. ಆದರೆ ಅವರನ್ನು ತನಿಖೆ ನಡೆಸುತ್ತಿರುವ ದೆಹಲಿ ಪೊಲೀಸರು ಮುಟ್ಟಲು ಆಗಿಲ್ಲ~ ಎಂದರು.



`ನೈಜ ಫಲಾನುಭವಿಗಳು ಯಾರು ಎಂದು ಪ್ರಶ್ನಿಸಿದರೆ ಪೊಲೀಸರು ನಿರುತ್ತರರಾಗುತ್ತಾರೆ. ಏಕೆಂದರೆ ಯುಪಿಎ-1 ಸರ್ಕಾರವೇ ನಿಜವಾದ ಫಲಾನುಭವಿ. ಆ ಸರ್ಕಾರದಲ್ಲಿದ್ದ ಯಾರನ್ನೂ ಪೊಲೀಸರು ತನಿಖೆಗೆ ಒಳಪಡಿಸಿಲ್ಲ~ ಎಂದು ಸುಧೀಂದ್ರ ಕುಲಕರ್ಣಿ ಪರ ವಕೀಲರು ಆರೋಪಿಸಿದರು.



`ಸಂಸದರಿಗೆ ಆಮಿಷ ಒಡ್ಡಲು ಅಷ್ಟೊಂದು ಹಣ ಎಲ್ಲಿಂದ ಬಂತು? ಅಮರ್ ಸಿಂಗ್‌ಗೆ ಹಣ ನೀಡಿದವರು  ಯಾರು? ಪೊಲೀಸರು ಈ ಹಣದ ಜಾಡನ್ನು ಭೇದಿಸಲು ವಿಫಲರಾಗಿದ್ದಾರೆ. ಹಾಗಾಗಿ ಇದು ಈಗಲೂ ಬಗೆಹರಿಯದ ಪ್ರಶ್ನೆಯಾಗಿದೆ~ ಎಂದರು.



`ನನ್ನ ಕಕ್ಷಿದಾರರು ಮುಗ್ಧರು. ಅವರು ಹಣ ಮಾಡಿಕೊಳ್ಳಲು ಈ ಪ್ರಕರಣದಲ್ಲಿ ಭಾಗಿಯಾಗಿದ್ದರು ಎಂಬುದಕ್ಕೆ ಲವಲೇಶದ ಸಾಕ್ಷಿಯೂ ಇಲ್ಲ. ವಿಶ್ವಾಸ ಮತಗಳಿಸಲು ಸರ್ಕಾರ ಪ್ರತಿಪಕ್ಷಗಳ ಸಂಸದರನ್ನು ಖರೀದಿಸಲು ತೊಡಗಿತ್ತು. ಭ್ರಷ್ಟಾಚಾರದ ಈ ಅತಿರೇಕವನ್ನು ಬಹಿರಂಗಪಡಿಸಲು ನನ್ನ ಕಕ್ಷಿದಾರರು ಮಾಡಿದ ಪ್ರಯತ್ನ ಅದು (ಸಂಸತ್‌ನಲ್ಲಿ ಹಣದ ಕಂತೆಗಳ ಪ್ರದರ್ಶನ)~ ಎಂದು ಕುಲಕರ್ಣಿ ಪರ ವಕೀಲರು ಹೇಳಿದರು.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.