ರಂಭಾಪುರಿ ಪೀಠ: ಯುಗಮಾನೋತ್ಸವಕ್ಕೆ ತೆರೆ

ರಂಭಾಪುರಿ ಪೀಠ (ಬಾಳೆಹೊನ್ನೂರು ): ಇದೇ 12ರಿಂದ ಆರಂಭಗೊಂಡ ಜಗದ್ಗುರು ರೇಣುಕಾಚಾರ್ಯ ಜಯಂತಿ ಯುಗಮಾನೋತ್ಸವ ಹಾಗೂ ಕ್ಷೇತ್ರನಾಥ ವೀರಭದ್ರನಾಥ ಸ್ವಾಮಿ ರಥೋತ್ಸ ಕಾರ್ಯಕ್ರಮ ಭಾನುವಾರ ಭದ್ರಾ ನದಿ ತೀರದಲ್ಲಿ ಸುರಗಿ ಸಮಾರಾಧನೆಯೊಂದಿಗೆ ವೈಭವಯುತವಾಗಿ ತೆರೆಕಂಡಿತು.



ಭಾನುವಾರ ಭದ್ರಾ ನದಿ ತೀರದಲ್ಲಿ ಜಗದ್ಗುರುಗಳು ಸೋಮೇಶ್ವರ ಮಹಾಲಿಂಗ ನಂದೀಶ್ವರಿಗೆ ಪೂಜೆ ಹಾಗೂ ರುದ್ರಾಭಿಷೇಕ ಸಹಿತ ಸಾಮೂಹಿಕ  ಇಷ್ಟಲಿಂಗ ಪೂಜೆಯೊಂದಿಗೆ ಯುಗಮಾನೋತ್ಸಕ್ಕೆ ತೆರೆಬಿತ್ತು.



ನದಿ ತೀರದಲ್ಲಿ ಸುಮಾರು 3 ಸಾವಿರಕ್ಕೂ ಅಧಿಕ ಜನ ಭಾಗವಹಿಸಿ ಪೂಜೆಯಲ್ಲಿ ಪಾಲ್ಗೊಂಡು ಪ್ರಸಾದ ಪಡೆದರು. ಅಲ್ಲಿಯೇ ಭಕ್ತರಿಗೆ  ಊಟದ ವ್ಯವಸ್ಥೆ ಕಲ್ಪಿಸಲಾಗಿತ್ತು. ವಿವಿಧ ಮಠಗಳ ಶಿವಾಚಾರ್ಯರು ಇದ್ದರು.