ಶನಿವಾರ, ಜೂನ್ 19, 2021
23 °C

ಲಂಚ: ಆರೋಪಿಗಳು ಲೋಕಾಯುಕ್ತ ಬಲೆಗೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಖಾತೆ ಬದಲಾವಣೆಗೆ ರೂ. 15 ಸಾವಿರ ಲಂಚ ಕೇಳಿದ ಕೆಂಗೇರಿ ಹೋಬ­ಳಿಯ ಕಂದಾಯ ನಿರೀಕ್ಷಕಿ ಸವಿತಾ ಮತ್ತು ಅವರ ಕಚೇರಿಯಲ್ಲಿ ಸಹಾ­ಯಕ ಆಗಿ ಕೆಲಸ ಮಾಡುತ್ತಿರುವ ಎಸ್‌. ರಮೇಶ್‌ ಅವರು ಲೋಕಾ­ಯುಕ್ತ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ.



ಕೆಂಗೇರಿಯ ಕೆ.ಎ. ರಾಮಚಂದ್ರ  ಪಾಲಿಗೆ ಪಿತ್ರಾರ್ಜಿತವಾಗಿ ಬಂದಿ­­­ರುವ 10 ಗುಂಟೆ ಜಮೀನಿನ ಖಾತೆ ಬದ­ಲಾವಣೆಗೆ ಸವಿತಾ ರೂ. 20­ ಸಾವಿರ ಲಂಚ ಕೇಳಿದ್ದರು. ನಂತರ, ರೂ. 15­ ಸಾವಿರ ಲಂಚ ಕೊಟ್ಟರೆ ಕೆಲಸ ಮಾಡಿ­ಕೊಡುವುದಾಗಿ ಒಪ್ಪಿ­ಕೊಂಡಿ­ದ್ದ­ರು­.



ಲಂಚ ಕೊಡಲು ಮನಸ್ಸು ಬಾರದೆ ರಾಮ­ಚಂದ್ರ ಅವರು ಲೋಕಾಯುಕ್ತ ಪೊಲೀ­ಸರಿಗೆ ದೂರು ಸಲ್ಲಿಸಿದರು. ಸವಿತಾ ಅವರ ಬಂಧನಕ್ಕೆ ಲೋಕಾ­ಯುಕ್ತ ಪೊಲೀಸರು ಬಲೆ ಬೀಸಿದರು. ರಮೇಶ್‌ ಅವರು ಸವಿತಾ ಅವರ ಪರ­ವಾಗಿ ಬುಧವಾರ ಲಂಚ ಪಡೆ­ಯುತ್ತಿದ್ದಾಗ ಪೊಲೀಸರಿಗೆ ಸಿಕ್ಕಿಬಿದ್ದರು. ನಂತರ ಸವಿತಾ ಅವರನ್ನೂ ಪೊಲೀಸರು ಬಂಧಿಸಿದರು.



ಇವರಿಬ್ಬರನ್ನೂ ಲೋಕಾಯುಕ್ತ ವಿಶೇಷ ನ್ಯಾಯಾಲಯಕ್ಕೆ ಹಾಜರು­ಪಡಿ­ಸಲಾಯಿತು. ನ್ಯಾಯಾ­ಲಯ ಇವರನ್ನು ನ್ಯಾಯಾಂಗ ಬಂಧ­ನಕ್ಕೆ ಒಪ್ಪಿಸಿದೆ ಎಂದು ಲೋಕಾಯುಕ್ತ ಪೊಲೀಸರು ತಿಳಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.