ಬುಧವಾರ, ಮಾರ್ಚ್ 3, 2021
18 °C
ರೈಲ್ವೆ ಸಚಿವರಿಗೆ ಒಂದು ರೂಪಾಯಿ ಮನಿ ಆರ್ಡರ್‌

ಸಂಘಟನೆಗಳಿಂದ ವಿನೂತನ ಪ್ರತಿಭಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಂಘಟನೆಗಳಿಂದ ವಿನೂತನ ಪ್ರತಿಭಟನೆ

ಕೃಷ್ಣರಾಜಪೇಟೆ: ಚೆನ್ನೈ ರೈಲ್ವೆ ನಿಲ್ದಾಣ­ದಲ್ಲಿ ನಡೆದ ಬಾಂಬ್ ಸ್ಪೋಟದಲ್ಲಿ ಮೃತಪಟ್ಟ ಸಾಫ್ಟ್‌ವೇರ್ ಎಂಜಿನಿ­ಯರ್‌ ಸ್ವಾತಿ ಅವರ ಕುಟುಂಬಕ್ಕೆ ಕೇವಲ ಒಂದು ಲಕ್ಷ ರೂಪಾಯಿ ಪರಿ­ಹಾರ ಘೋಷಿಸಿರುವ ರೈಲ್ವೆ ಸಚಿವ ಮಲ್ಲಿಕಾರ್ಜುನ ಖರ್ಗೆ ಅವರ ಕ್ರಮ­ವನ್ನು ಖಂಡಿಸಿ, ಅವರಿಗೆ ತಲಾ ಒಂದು ರೂಪಾಯಿ ಮನಿ ಆರ್ಡರ್‌ ಕಳು­ಹಿಸುವ ಮೂಲಕ ತಾಲ್ಲೂಕಿನ ವಿವಿಧ ಸಂಘಟನೆಗಳ ಪದಾಧಿಕಾರಿಗಳು ಶನಿ­ವಾರ ವಿನೂತನವಾಗಿ ಪ್ರತಿಭಟನೆ ನಡೆಸಿದರು.



ಪಟ್ಟಣದ ಪ್ರಮುಖ ಅಂಚೆ ಕಚೇರಿ­ಯಲ್ಲಿ ಶನಿವಾರ ಬೆಳಿಗ್ಗೆ ಮನಿ­ಯಾರ್ಡರ್‌ ಮಾಡಿದ ಡಾ.ಕೃಷ್ಣ­ಮೂರ್ತಿ, ಎಚ್.ಬಿ. ಮಂಜುನಾಥ್‌, ಗೌಡರಾಜು, ನಟರಾಜು, ನಾಗ­ರಾಜು, ರಾಮೇಗೌಡ, ವಿಕ್ಕಿ ಮತ್ತಿತ­ರರು ರೈಲ್ವೆ ಸಚಿವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.



ಶೃಂಗೇರಿ ಬಳಿ ಅಕ್ರಮವಾಗಿ ಗೋವು­ಗಳನ್ನು ಸಾಗಿಸುವ ವೇಳೆ ಪೋಲಿಸರ ಗುಂಡಿಗೆ ಬಲಿಯಾದ ಕಬೀರ್‌ ಕುಟುಂಬಕ್ಕೆ ₨10 ಲಕ್ಷ  ಪರಿಹಾರ ನೀಡಿದೆ. ಬಾಂಬ್‌ ಸ್ಫೋಟದ ರೂವಾರಿ ಮದನಿಗೆ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಚಿಕಿತ್ಸೆ ಕೊಡಿಸಲು ಸರ್ಕಾರ ಮುಂದಾಗಿದೆ. ಧರ್ಮಾಧಾರಿತವಾಗಿ ಪರಿ­ಹಾರ ಒದಗಿಸುತ್ತಿರುವ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಕ್ರಮ ಸರಿಯಲ್ಲ ಎಂದು ಪ್ರತಿಭಟನಾಕಾರರು ದೂರಿದರು.



ಸಾಫ್ಟ್‌ವೇರ್‌ ಎಂಜಿನಿಯರ್ ಸ್ವಾತಿ ಅವರ ಕುಟುಂಬಕ್ಕೆ ಇಪ್ಪತ್ತೈದು ಲಕ್ಷ ರೂಪಾಯಿ ಮತ್ತು ಗಾಯಾಳು­ಗಳಿಗೆ ತಲಾ ಹತ್ತು ಲಕ್ಷ ರೂಪಾಯಿ ಪರಿಹಾರ ನೀಡಲು ಸರ್ಕಾರ ಮುಂದಾಗಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.