ಸೋಮವಾರ, ಜೂನ್ 14, 2021
23 °C

ಸಂಭ್ರಮದ ಪದ್ಮಾವತಿದೇವಿ ಜಾತ್ರಾ ಮಹೋತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುದ್ದೇಬಿಹಾಳ: ಪಟ್ಟಣದಲ್ಲಿ ಪದ್ಮಾವತಿದೇವಿ ಜಾತ್ರಾ ಮಹೋತ್ಸವವು ಭಕ್ತಿ, ಶ್ರದ್ಧೆಯಿಂದ ನೆರವೇರಿತು. ಬೆಳಿಗ್ಗೆ ಪಾರ್ಶ್ವನಾಥ ಬಸದಿಯಿಂದ ಆರಂಭವಾದ ಪದ್ಮಾವತಿದೇವಿ ಪಲ್ಲಕ್ಕಿ ಉತ್ಸವವು ಪಟ್ಟಣದ ಪ್ರಮುಖ ಬೀದಿಗಳ ಮೂಲಕ ಹಾಯ್ದು ಗುಡ್ಡದ ಪದ್ಮಾವತಿದೇವಿ ದೇವಸ್ಥಾನ ತಲುಪಿತು.



ಮೆರವಣಿಗೆಯುದ್ದಕ್ಕೂ ಅಹಿಂಸಾ ಪರಮೋಧರ್ಮ ಕೀ ಜೈ, ಸಿದ್ಧಾಂತ ಶಾಸ್ತ್ರಕ್ಕೆ ಜೈ, ಮಹಾವೀರನಿಗೆ ಜೈ, ಶ್ರೀ ಪದ್ಮಾವತಿದೇವಿಗೆ ಜೈ ಎನ್ನುವ ಘೋಷಣೆಗಳು ಮೊಳಗಿದವು.



ದೇವಸ್ಥಾನದ ಆವರಣದಲ್ಲಿ ನಡೆದ ಧಾರ್ಮಿಕ ಕಾರ್ಯಕ್ರಮದಲ್ಲಿ ಶಾಸಕ ಸಿ.ಎಸ್. ನಾಡಗೌಡ ನೆರವೇರಿಸಿ ಮಾತನಾಡುತ್ತ, ಜೈನ ಮುನಿಗಳು ಹೇಳಿದ ಅಹಿಂಸಾ ಪರಮೋಧರ್ಮದ ತತ್ವಗಳನ್ನು ಜಗತ್ತಿನಾದ್ಯಂತ ಅನುಸರಿಸಿದರೆ ಯುದ್ಧಗಳೇ ಇಲ್ಲವಾಗುತ್ತವೆ, ಶಾಂತಿ, ಸಮಾಧಾನ ನೆಲೆಸಿ, ನಾಡು ಸುಭಿಕ್ಷವಾಗುತ್ತದೆ ಎಂದು ಹೇಳಿದರು.



ಸಭೆಯಲ್ಲಿ ರಾಜ್ಯ ಬಿಜೆಪಿ ಉಪಾಧ್ಯಕ್ಷೆ ಮಂಗಳಾದೇವಿ ಬಿರಾದಾರ, ಪ್ರಭು ಕಡಿ, ಪ್ರಭು ದೇಸಾಯಿ, ಅರವಿಂದ ಕೊಪ್ಪ, ಅನಂತರಾಜ ಉಪಾಧ್ಯ, ಅನಿಲ ಹಜಾರೆ ಮಾತನಾಡಿದರು.



ಕಾರ್ಯಕ್ರಮದಲ್ಲಿ ಸಿ.ಎನ್.ಪಾಟೀಲ, ಪದ್ಮರಾಜ ದಂಡಾವತಿ, ಬಾಬು ಗೋಗಿ, ಗಂಗಣ್ಣ ಸುರಪುರ, ಸುಧೀರ ಹಜಾರೆ, ಭುಜಪ್ಪಶೆಟ್ಟಿ ಮುಂಡೇರಾವ, ಅಪ್ಪಾಸಾಬ ನಾಡಗೌಡ ಮೊದಲಾದವರನ್ನು ಸನ್ಮಾನಿಸಲಾಯಿತು. ಶ್ರೀ ಪದ್ಮಾವತಿದೇವಿ ಸಂಘದ ಅಧ್ಯಕ್ಷ ಶಾಂತಿನಾಥ ದಂಡಾವತಿ, ಜೈಪಾಲ ಶೆಟ್ಟಿ, ರವಿ ದಂಡಾವತಿ, ಮಾಣಿಕಚಂದ ದಂಡಾವತಿ, ರತ್ನಪ್ಪ ಮಂಕಣಿ ಉಪಸ್ಥಿತರಿದ್ದರು.



ಅಶೋಕ ಮಣಿ ಕಾರ್ಯಕ್ರಮ ನಿರೂಪಿಸಿದರು. ರಾಜು ದಂಡಾವತಿ ವಂದಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.