<p>ಮಳೆ ಮರೆಯಾಗಿ ಸೂರ್ಯ ಹೊಂಬಣ್ಣದ ಬಿಸಿಲು ಚೆಲ್ಲುವಾಗ, ಹೋಟೆಲ್ ಓಬೆರಾಯ್ನಲ್ಲಿ ಮಾತ್ರ ನಸುಕತ್ತಲೆ. ಮಿಣುಕು ದೀಪಗಳೇ ಬೆಳಕಿನ ಕುಡಿಯಾಗಿದ್ದವು.<br /> ವರ್ಲ್ಡ್ ಗೋಲ್ಡ್ ಕೌನ್ಸಿಲ್ನ `ಅಜ್ವಾ~ ಸಂಗ್ರಹದ ಬಿಡುಗಡೆ ಸಮಾರಂಭವದು. ಇಶಾ ಡಿಯೊಲ್ ಮತ್ತು ಭರತ್ ತಖ್ತಾನಿ ವೇದಿಕೆಗೆ ಜೊತೆಯಾಗಿ ಬಂದರು.<br /> <br /> ಹೊಂಬಣ್ಣದ ಶೇರ್ವಾನಿ ತೊಟ್ಟ ಭರತ್ ಕಣ್ಣಲ್ಲಿ, ಇಶಾ ಬಗ್ಗೆ ಅಭಿಮಾನದ ಮಹಾಪೂರ. ಹಸಿರು ಬಣ್ಣದ ಘಾಗ್ರಾ ಚೋಲಿಗೆ ಕೆಂಬಣ್ಣದ ದುಪ್ಪಟ್ಟಾ ಹೊದ್ದು, ನಿಂತ ಇಶಾ ಕಂಗಳಲ್ಲಿ ಪ್ರೇಮ ಪ್ರವಾಹ. ಇಬ್ಬರೂ ಒಬ್ಬರನ್ನೊಬ್ಬರು ನೋಡುತ್ತ ನಿಂತ ಕ್ಷಣ, ಕ್ಯಾಮೆರಾಗಳಿಗೆ ಕ್ಲಿಕ್ ಮಾಡುವ ಸಮಯ.<br /> <br /> `ಅಜ್ವಾ ಸಂಗ್ರಹ ಹಗುರವಾಗಿದೆ. ಸುಂದರವಾಗಿದೆ. ಸಮಕಾಲೀನಕ್ಕೆ ಸ್ಪಂದಿಸುವಂತಿದೆ. ನನ್ನ ಮದುವೆಯ ಸಂಭ್ರಮಕ್ಕೆ ದೊರೆಯುವಂತಿದ್ದರೆ...~ ಎಂದು ಎನಿಸುತ್ತಿದೆ ಎಂದು ಇಶಾ ಹೇಳಿದರು.<br /> <br /> `ನವೆಂಬರ್ 10ರಿಂದ ಮಾರುಕಟ್ಟೆಗೆ ಬಿಡುಗಡೆಯಾಗಲಿರುವ ಈ ಸುಂದರ ಸಂಗ್ರಹದಿಂದ ಒಂದಾದರೂ ಬೇಕು ಅಲ್ವಾ ಬೇಬಿ...~ ಎಂದು ಇಶಾ ಭರತ್ನತ್ತ ಕಂಗಳಲ್ಲೇ ಪ್ರಶ್ನೆಯೊಂದನ್ನೆಸೆದರು. ಭರತ್ ಅದಕ್ಕೆ `ಯಾಕಿಲ್ಲ, ಮೊದಲ ವಾರ್ಷಿಕೋತ್ಸವಕ್ಕೆ ಖಂಡಿತವಾಗಿಯೂ ಈ ಸಂಗ್ರಹದ ಒಡತಿಯಾಗುವೆ~ ಎಂಬ ಭರವಸೆಯನ್ನು ನೀಡಿದರು.<br /> <br /> ಅಜ್ವಾ ಸಂಗ್ರಹವು ಸಪ್ತಪದಿಯನ್ನು ಸಂಕೇತಿಸುವ ಮತ್ತು ಪ್ರತಿನಿಧಿಸುವ ವಿವಾಹ ಆಭರಣ ಸಂಗ್ರಹವಾಗಿದೆ. ಸಂಸ್ಕೃತದಲ್ಲಿ 7 ಎಂದರ್ಥ ಬರುವ `ಅಜ್ವಾ~ ಹೆಸರನ್ನು ಅದಕ್ಕೆಂದೇ ಆಯ್ಕೆ ಮಾಡಲಾಗಿದೆ. 70 ಗ್ರಾಂಗಳಿಂದ 300 ಗ್ರಾಮ್ಗಳವರೆಗಿನ ಚಿನ್ನದ ಸೆಟ್ಗಳು ಲಭ್ಯ. <br /> <br /> ಚಿನ್ನದ ನೆಕ್ಲೆಸ್, ಬಳೆ ಹಾಗೂ ಓಲೆಗಳು ಈ ಸಂಗ್ರಹದಲ್ಲಿರುತ್ತವೆ. ವಿಶೇಷವೆಂದರೆ ಪ್ರತಿಯೊಂದರಲ್ಲೂ `7~ರ ಮಹಾತ್ಮೆ ಇದೆ. 7 ಪದಕಗಳು, 7 ಪದರಿನ ಸರ, 7 ದಳದ ಹೂ, 7 ಸುತ್ತುಗಳು... ಹೀಗೆ ಪ್ರತಿಯೊಂದು ವಿನ್ಯಾಸವೂ 7ರ ಸುತ್ತಲೇ ಸುತ್ತುತ್ತದೆ. ಸಪ್ತಪದಿಯ ಪ್ರತಿಯೊಂದು `ಭಾಷೆ~ಯನ್ನೂ ಇದು ನೆನಪಿಸುತ್ತದೆ. <br /> <br /> ಸಪ್ತಪದಿಯ ಬಾಂಧವ್ಯದಷ್ಟೇ ಗಟ್ಟಿಯಾದ ಶಾಶ್ವತವಾದ ಪ್ರೀತಿಯನ್ನು ಇದು ತೋರಿಸುತ್ತದೆ ಎಂದು ವರ್ಲ್ಡ್ ಗೋಲ್ಡ್ ಕೌನ್ಸಿಲ್ನ ಆಭರಣಗಳ ವಿಭಾಗದ ನಿರ್ದೇಶಕ ವಿಪಿನ್ ಶರ್ಮಾ ವಿವರಿಸಿದರು. <br /> <br /> ಹೆಚ್ಚಾಗಿ ಮದುವೆಯ ಸಂಗ್ರಹವೆಂದರೆ ವಧುವಿಗೆ ಕನಿಷ್ಠ 100 ಗ್ರಾಮ್ ಚಿನ್ನವಾದರೂ ಆಪದ್ಧನವಾಗಿ ಕೊಡುವ ಸಂಪ್ರದಾಯ ಭಾರತದಲ್ಲಿದೆ. ಅದನ್ನು ಗಮನದಲ್ಲಿರಿಸಿಕೊಂಡು 70 ಗ್ರಾಮ್ಗಳಿಂದ ಈ ಸಂಗ್ರಹವನ್ನು ಬಿಡುಗಡೆಗೊಳಿಸಿದ್ದೇವೆ ಎನ್ನವುದು ವಿಪಿನ್ ಅವರ ಸಮಜಾಯಿಷಿಯಾಗಿದೆ.<br /> <br /> `ಹೆಚ್ಚಾಗಿ ವಧುವಿನ ಸಂಗ್ರಹ ಎಂದರೆ ತನ್ನ ಮದುವೆಗೆ ಮತ್ತು ಆಪ್ತೇಷ್ಟರ ಮದುವೆಗೆ ಮಾತ್ರ ತೊಡುವಂಥ ಆಭರಣಗಳಾಗಿರುತ್ತವೆ. ನಂತರ ಲಾಕರ್ನಲ್ಲಿ ಬೀಗ ಹಾಕಿ ಭದ್ರಪಡಿಸುವುದೇ ಆಗಿರುತ್ತದೆ.<br /> <br /> ಇಂಥ ಸಂಗ್ರಹದ ಬದಲಿಗೆ ವಿವಾಹದ ಸಂಗ್ರಹವನ್ನು ಪ್ರತಿನಿತ್ಯವೂ ಧರಿಸುವಂತೆ ಸಮಕಾಲೀನ ವಿನ್ಯಾಸದ ಸ್ಪರ್ಶವನ್ನು ನೀಡುವಂತೆ ಇವುಗಳನ್ನು ವಿನ್ಯಾಸಗೊಳಿಸಲಾಗಿದೆ. ಇದು ಸಂಪ್ರದಾಯ, ಸಮಕಾಲೀನಗಳ ಫ್ಯೂಶನ್ ಆಗಿದೆ~ ಎಂಬುದು ಅವರ ವಿವರಣೆ. <br /> <br /> ವಿಪಿನ್ ಮಾತು ಮುಗಿಸುವುದರಲ್ಲಿ ಇಶಾ, ಕ್ಯಾಮೆರಾಗಳೊಂದಿಗೆ ಕಣ್ಣಲ್ಲಿಯೇ ಮಾತನಾಡುತ್ತ, ಭಾವ ಭಂಗಿಗಳನ್ನು ತೋರುತ್ತಿದ್ದರು. ಭರತ್ ಕ್ಯಾಮೆರಾಗಳಿಗೊಮ್ಮೆ, ಮನದನ್ನೆಯನ್ನೊಮ್ಮೆ ಕಣ್ತುಂಬಿಸಿಕೊಳ್ಳುತ್ತಿದ್ದರು.<br /> <br /> ಈ ಸಂಗ್ರಹಗಳು ನಗರದ ಆಭರಣ್ ಜ್ಯುವೆಲ್ಲರ್ಸ್, ಸಿ.ಕೃಷ್ಣ ಚೆಟ್ಟಿ ಅಂಡ್ ಸನ್ಸ್, ಜೋಯಾ ಅಲುಕ್ಕಾಸ್, ಮಲಬಾರ್ ಗೋಲ್ಡ್, ನಿಖಾರ್ ಜ್ಯುವೆಲ್ಸ್ ಮುಂತಾದ ಮಳಿಗೆಗಳಲ್ಲಿ ನ.10ರಿಂದ `ಅಜ್ವಾ~ ಸಂಗ್ರಹ ಲಭ್ಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಳೆ ಮರೆಯಾಗಿ ಸೂರ್ಯ ಹೊಂಬಣ್ಣದ ಬಿಸಿಲು ಚೆಲ್ಲುವಾಗ, ಹೋಟೆಲ್ ಓಬೆರಾಯ್ನಲ್ಲಿ ಮಾತ್ರ ನಸುಕತ್ತಲೆ. ಮಿಣುಕು ದೀಪಗಳೇ ಬೆಳಕಿನ ಕುಡಿಯಾಗಿದ್ದವು.<br /> ವರ್ಲ್ಡ್ ಗೋಲ್ಡ್ ಕೌನ್ಸಿಲ್ನ `ಅಜ್ವಾ~ ಸಂಗ್ರಹದ ಬಿಡುಗಡೆ ಸಮಾರಂಭವದು. ಇಶಾ ಡಿಯೊಲ್ ಮತ್ತು ಭರತ್ ತಖ್ತಾನಿ ವೇದಿಕೆಗೆ ಜೊತೆಯಾಗಿ ಬಂದರು.<br /> <br /> ಹೊಂಬಣ್ಣದ ಶೇರ್ವಾನಿ ತೊಟ್ಟ ಭರತ್ ಕಣ್ಣಲ್ಲಿ, ಇಶಾ ಬಗ್ಗೆ ಅಭಿಮಾನದ ಮಹಾಪೂರ. ಹಸಿರು ಬಣ್ಣದ ಘಾಗ್ರಾ ಚೋಲಿಗೆ ಕೆಂಬಣ್ಣದ ದುಪ್ಪಟ್ಟಾ ಹೊದ್ದು, ನಿಂತ ಇಶಾ ಕಂಗಳಲ್ಲಿ ಪ್ರೇಮ ಪ್ರವಾಹ. ಇಬ್ಬರೂ ಒಬ್ಬರನ್ನೊಬ್ಬರು ನೋಡುತ್ತ ನಿಂತ ಕ್ಷಣ, ಕ್ಯಾಮೆರಾಗಳಿಗೆ ಕ್ಲಿಕ್ ಮಾಡುವ ಸಮಯ.<br /> <br /> `ಅಜ್ವಾ ಸಂಗ್ರಹ ಹಗುರವಾಗಿದೆ. ಸುಂದರವಾಗಿದೆ. ಸಮಕಾಲೀನಕ್ಕೆ ಸ್ಪಂದಿಸುವಂತಿದೆ. ನನ್ನ ಮದುವೆಯ ಸಂಭ್ರಮಕ್ಕೆ ದೊರೆಯುವಂತಿದ್ದರೆ...~ ಎಂದು ಎನಿಸುತ್ತಿದೆ ಎಂದು ಇಶಾ ಹೇಳಿದರು.<br /> <br /> `ನವೆಂಬರ್ 10ರಿಂದ ಮಾರುಕಟ್ಟೆಗೆ ಬಿಡುಗಡೆಯಾಗಲಿರುವ ಈ ಸುಂದರ ಸಂಗ್ರಹದಿಂದ ಒಂದಾದರೂ ಬೇಕು ಅಲ್ವಾ ಬೇಬಿ...~ ಎಂದು ಇಶಾ ಭರತ್ನತ್ತ ಕಂಗಳಲ್ಲೇ ಪ್ರಶ್ನೆಯೊಂದನ್ನೆಸೆದರು. ಭರತ್ ಅದಕ್ಕೆ `ಯಾಕಿಲ್ಲ, ಮೊದಲ ವಾರ್ಷಿಕೋತ್ಸವಕ್ಕೆ ಖಂಡಿತವಾಗಿಯೂ ಈ ಸಂಗ್ರಹದ ಒಡತಿಯಾಗುವೆ~ ಎಂಬ ಭರವಸೆಯನ್ನು ನೀಡಿದರು.<br /> <br /> ಅಜ್ವಾ ಸಂಗ್ರಹವು ಸಪ್ತಪದಿಯನ್ನು ಸಂಕೇತಿಸುವ ಮತ್ತು ಪ್ರತಿನಿಧಿಸುವ ವಿವಾಹ ಆಭರಣ ಸಂಗ್ರಹವಾಗಿದೆ. ಸಂಸ್ಕೃತದಲ್ಲಿ 7 ಎಂದರ್ಥ ಬರುವ `ಅಜ್ವಾ~ ಹೆಸರನ್ನು ಅದಕ್ಕೆಂದೇ ಆಯ್ಕೆ ಮಾಡಲಾಗಿದೆ. 70 ಗ್ರಾಂಗಳಿಂದ 300 ಗ್ರಾಮ್ಗಳವರೆಗಿನ ಚಿನ್ನದ ಸೆಟ್ಗಳು ಲಭ್ಯ. <br /> <br /> ಚಿನ್ನದ ನೆಕ್ಲೆಸ್, ಬಳೆ ಹಾಗೂ ಓಲೆಗಳು ಈ ಸಂಗ್ರಹದಲ್ಲಿರುತ್ತವೆ. ವಿಶೇಷವೆಂದರೆ ಪ್ರತಿಯೊಂದರಲ್ಲೂ `7~ರ ಮಹಾತ್ಮೆ ಇದೆ. 7 ಪದಕಗಳು, 7 ಪದರಿನ ಸರ, 7 ದಳದ ಹೂ, 7 ಸುತ್ತುಗಳು... ಹೀಗೆ ಪ್ರತಿಯೊಂದು ವಿನ್ಯಾಸವೂ 7ರ ಸುತ್ತಲೇ ಸುತ್ತುತ್ತದೆ. ಸಪ್ತಪದಿಯ ಪ್ರತಿಯೊಂದು `ಭಾಷೆ~ಯನ್ನೂ ಇದು ನೆನಪಿಸುತ್ತದೆ. <br /> <br /> ಸಪ್ತಪದಿಯ ಬಾಂಧವ್ಯದಷ್ಟೇ ಗಟ್ಟಿಯಾದ ಶಾಶ್ವತವಾದ ಪ್ರೀತಿಯನ್ನು ಇದು ತೋರಿಸುತ್ತದೆ ಎಂದು ವರ್ಲ್ಡ್ ಗೋಲ್ಡ್ ಕೌನ್ಸಿಲ್ನ ಆಭರಣಗಳ ವಿಭಾಗದ ನಿರ್ದೇಶಕ ವಿಪಿನ್ ಶರ್ಮಾ ವಿವರಿಸಿದರು. <br /> <br /> ಹೆಚ್ಚಾಗಿ ಮದುವೆಯ ಸಂಗ್ರಹವೆಂದರೆ ವಧುವಿಗೆ ಕನಿಷ್ಠ 100 ಗ್ರಾಮ್ ಚಿನ್ನವಾದರೂ ಆಪದ್ಧನವಾಗಿ ಕೊಡುವ ಸಂಪ್ರದಾಯ ಭಾರತದಲ್ಲಿದೆ. ಅದನ್ನು ಗಮನದಲ್ಲಿರಿಸಿಕೊಂಡು 70 ಗ್ರಾಮ್ಗಳಿಂದ ಈ ಸಂಗ್ರಹವನ್ನು ಬಿಡುಗಡೆಗೊಳಿಸಿದ್ದೇವೆ ಎನ್ನವುದು ವಿಪಿನ್ ಅವರ ಸಮಜಾಯಿಷಿಯಾಗಿದೆ.<br /> <br /> `ಹೆಚ್ಚಾಗಿ ವಧುವಿನ ಸಂಗ್ರಹ ಎಂದರೆ ತನ್ನ ಮದುವೆಗೆ ಮತ್ತು ಆಪ್ತೇಷ್ಟರ ಮದುವೆಗೆ ಮಾತ್ರ ತೊಡುವಂಥ ಆಭರಣಗಳಾಗಿರುತ್ತವೆ. ನಂತರ ಲಾಕರ್ನಲ್ಲಿ ಬೀಗ ಹಾಕಿ ಭದ್ರಪಡಿಸುವುದೇ ಆಗಿರುತ್ತದೆ.<br /> <br /> ಇಂಥ ಸಂಗ್ರಹದ ಬದಲಿಗೆ ವಿವಾಹದ ಸಂಗ್ರಹವನ್ನು ಪ್ರತಿನಿತ್ಯವೂ ಧರಿಸುವಂತೆ ಸಮಕಾಲೀನ ವಿನ್ಯಾಸದ ಸ್ಪರ್ಶವನ್ನು ನೀಡುವಂತೆ ಇವುಗಳನ್ನು ವಿನ್ಯಾಸಗೊಳಿಸಲಾಗಿದೆ. ಇದು ಸಂಪ್ರದಾಯ, ಸಮಕಾಲೀನಗಳ ಫ್ಯೂಶನ್ ಆಗಿದೆ~ ಎಂಬುದು ಅವರ ವಿವರಣೆ. <br /> <br /> ವಿಪಿನ್ ಮಾತು ಮುಗಿಸುವುದರಲ್ಲಿ ಇಶಾ, ಕ್ಯಾಮೆರಾಗಳೊಂದಿಗೆ ಕಣ್ಣಲ್ಲಿಯೇ ಮಾತನಾಡುತ್ತ, ಭಾವ ಭಂಗಿಗಳನ್ನು ತೋರುತ್ತಿದ್ದರು. ಭರತ್ ಕ್ಯಾಮೆರಾಗಳಿಗೊಮ್ಮೆ, ಮನದನ್ನೆಯನ್ನೊಮ್ಮೆ ಕಣ್ತುಂಬಿಸಿಕೊಳ್ಳುತ್ತಿದ್ದರು.<br /> <br /> ಈ ಸಂಗ್ರಹಗಳು ನಗರದ ಆಭರಣ್ ಜ್ಯುವೆಲ್ಲರ್ಸ್, ಸಿ.ಕೃಷ್ಣ ಚೆಟ್ಟಿ ಅಂಡ್ ಸನ್ಸ್, ಜೋಯಾ ಅಲುಕ್ಕಾಸ್, ಮಲಬಾರ್ ಗೋಲ್ಡ್, ನಿಖಾರ್ ಜ್ಯುವೆಲ್ಸ್ ಮುಂತಾದ ಮಳಿಗೆಗಳಲ್ಲಿ ನ.10ರಿಂದ `ಅಜ್ವಾ~ ಸಂಗ್ರಹ ಲಭ್ಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
