ಸಾಹಿತಿ ಶಂ.ಗು. ಬಿರಾದಾರ ನಿಧನ

ಮಂಗಳವಾರ, ಜೂಲೈ 23, 2019
20 °C

ಸಾಹಿತಿ ಶಂ.ಗು. ಬಿರಾದಾರ ನಿಧನ

Published:
Updated:

ವಿಜಾಪುರ: `ನಾವು ಎಳೆಯರು ನಾವು ಗೆಳೆಯರು...~ ಎಂಬ ಅತ್ಯಂತ ಜನಪ್ರಿಯ ಗೀತೆಯ ರಚನೆಕಾರ, ಹಿರಿಯ ಸಾಹಿತಿ ಶಂಕರಗೌಡ ಗುರುಗೌಡ (ಶಂ.ಗು.) ಬಿರಾದಾರ (87) ಶುಕ್ರವಾರ ಇಲ್ಲಿ ನಿಧನರಾದರು.



 ಕೆಲ ದಿನಗಳಿಂದ ತೀವ್ರ ಅಸ್ವಸ್ಥರಾಗಿದ್ದ ಅವರನ್ನು ಇಲ್ಲಿಯ ಅಲ್-ಅಮೀನ್ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿತ್ತು. ಅವರಿಗೆ ಮೂವರು ಪುತ್ರರು, ಒಬ್ಬಳು ಪುತ್ರಿ ಇದ್ದಾರೆ.



ಅವರು ಜಿಲ್ಲೆಯ ಇತರ ಸಾಹಿತಿಗಳೊಂದಿಗೆ `ಮಕ್ಕಳ ಸಾಹಿತ್ಯ ಸಂಗಮ~ ಎಂಬ ಸಂಸ್ಥೆ ಹುಟ್ಟುಹಾಕಿ, ಆ ಮೂಲಕ ಅನೇಕ ಕಾರ್ಯಕ್ರಮಗಳನ್ನು ಸಂಘಟಿಸಿ, ಮಕ್ಕಳ ಸಾಹಿತಿಗಳ ದೊಡ್ಡ ಪಡೆ ನಿರ್ಮಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.



 ಮಕ್ಕಳ ಸಾಹಿತ್ಯ ಸಂಗಮ, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು, ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿ, ಗೋಕಾಕ ಚಳವಳಿಯ ಕನ್ನಡ ಕ್ರಿಯಾ ಸಮಿತಿಯ ಉಪಾಧ್ಯಕ್ಷರಾಗಿ ಅಲ್ಲದೆ ಹಲವು ಸಂಘ-ಸಂಸ್ಥೆಗಳ ಪದಾಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು. ಅಂತ್ಯಕ್ರಿಯೆ  7ರಂದು ಶನಿವಾರ ಬೆಳಿಗ್ಗೆ 11ಕ್ಕೆ ನಗರದಲ್ಲಿ ನಡೆಯಲಿದೆ ಎಂದು ಕುಟುಂಬದವರು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry