ಸುನೀತಾ ದಾಖಲೆ ಬಾಹ್ಯಾಕಾಶ ನಡಿಗೆ

ಹ್ಯೂಸ್ಟನ್ (ಪಿಟಿಐ): ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ ಕಮಾಂಡರ್ ಆಗಿರುವ ಭಾರತೀಯ ಮೂಲದ ಗಗನಯಾತ್ರಿ ಸುನೀತಾ ವಿಲಿಯಮ್ಸ ಗುರುವಾರ 7ನೇ ಬಾರಿ ಬಾಹ್ಯಾಕಾಶ ನಡಿಗೆ ಮಾಡಿದ್ದು, ಆ ಮೂಲಕ ದಾಖಲೆ ಸೃಷ್ಟಿಸಿದ್ದಾರೆ.



ಬಹುಮುಖ್ಯವಾದ ರೇಡಿಯೇಟರ್ ವ್ಯವಸ್ಥೆಯಲ್ಲಿ ಅಮೋನಿಯಾ ಸೋರಿಕೆಯಾಗುತ್ತಿದೆಯೇ ಎಂಬುದನ್ನು ಪರಿಶೀಲಿಸಲು ಸುನೀತಾ ಫ್ಲೈಟ್ ಎಂಜಿನಿಯರ್ ಅಕಿ ಹೊಶಿಡೆ ಅವರ ಜತೆಗೂಡಿ ಈ ಬಾಹ್ಯಾಕಾಶ ನಡಿಗೆ ನಡೆಸಿದರು.