ಹಾಕಿ: ಭಾರತಕ್ಕೆ ಕಂಚು

ನವದೆಹಲಿ (ಪಿಟಿಐ): ಭಾರತದ ಬಾಲಕಿಯರ ತಂಡದವರು ಬ್ಯಾಂಕಾಕ್‌ನಲ್ಲಿ ನಡೆದ ಏಷ್ಯಾ ಕಪ್ ಹಾಕಿ ಟೂರ್ನಿಯಲ್ಲಿ (18 ವರ್ಷ ವಯಸ್ಸಿನೊಳಗಿನವರ) ಕಂಚು ಗೆದ್ದುಕೊಂಡರು.



ಮೂರನೇ ಸ್ಥಾನವನ್ನು ನಿರ್ಣಯಿಸಲು ಭಾನುವಾರ ನಡೆದ ಪಂದ್ಯದಲ್ಲಿ ಭಾರತ 2-0 ರಲ್ಲಿ ಕೊರಿಯಾ ವಿರುದ್ಧ ಜಯ ಸಾಧಿಸಿತು. ನವಜ್ಯೋತ್ ಕೌರ್ (38ನೇ ನಿಮಿಷ) ಮತ್ತು ಅನುಪಾ ಬಾರ್ಲ (49) ಅವರು ಭಾರತದ ಪರ ಗೋಲು ಗಳಿಸಿದರು. 2009 ರಲ್ಲಿ ಶಾಂಘೈನಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಭಾರತ ಐದನೇ ಸ್ಥಾನ ಪಡೆದಿತ್ತು.