<p><strong>ತುಮಕೂರು: </strong>‘ಧೂಮಪಾನ ಆರೋಗ್ಯಕ್ಕೆ ಹಾನಿಕರ’. ಬಸ್ ನಿಲ್ದಾಣ, ಶೈಕ್ಷಣಿಕ ಸಂಸ್ಥೆ, ಆಸ್ಪತ್ರೆ ಇತ್ಯಾದಿ ಸಾರ್ವಜನಿಕ ಸ್ಥಳಗಳಲ್ಲಿ ಇಂಥ ಸೂಚನೆ ಕಾಣಬಹುದು. ಆದರೆ ನಗರದಲ್ಲಿ ಎಲ್ಲಿಯೂ ಈ ಸೂಚನೆ ಪಾಲನೆಯಾಗುತ್ತಿಲ್ಲ.<br /> <br /> ಸಿಗರೇಟು ಹಾಗೂ ಇತರೆ ತಂಬಾಕು ಉತ್ಪನ್ನಗಳ ಸೇವನೆಯಿಂದ ಕ್ಯಾನ್ಸರ್ ಬರುತ್ತದೆ ಎಂದು ಭಾಷಣ ಬಿಗಿಯುವ ಅಧಿಕಾರಿಗಳು, ಜನಪ್ರತಿನಿಧಿಗಳು ಈ ಸಂಬಂಧದ ಕಾಯ್ದೆ ಅನುಷ್ಠಾನದ ಕುರಿತು ಬಾಯಿ ಬಿಡುತ್ತಿಲ್ಲ.<br /> <br /> ಭಾರತ ಒಂದರಲ್ಲೇ ಪ್ರತಿ ವರ್ಷ ಐದು ಲಕ್ಷ ಮಂದಿ ಸಿಗರೇಟು, ತಂಬಾಕು ಉತ್ಪನ್ನಗಳ ಸೇವನೆಯಿಂದ ಕ್ಯಾನ್ಸರ್ಗೆ ತುತ್ತಾಗುತ್ತಿದ್ದಾರೆ. ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ ಸುಪ್ರೀಂಕೋರ್ಟ್ ಸಾಕಷ್ಟು ಸೂಚನೆ ನೀಡಿದೆ. ಕೇಂದ್ರ, ರಾಜ್ಯ ಸರ್ಕಾರಗಳು ತಂಬಾಕು ಉತ್ಪನ್ನ, ಧೂಮಪಾನ ನಿಷೇಧ ಕಾಯ್ದೆಗಳನ್ನು ಜಾರಿಗೆ ತಂದರೂ ಪರಿಣಾಮಕಾರಿ ಅನುಷ್ಠಾನ ಕಂಡುಬರುತ್ತಿಲ್ಲ.<br /> <br /> ನೇಪಥ್ಯಕ್ಕೆ ಸರಿದ ಕಾಯ್ದೆ: ತುಮಕೂರು ನಗರದಲ್ಲಿ ಸಿಗರೇಟು, ಇತರೆ ತಂಬಾಕು ಉತ್ಪನ್ನಗಳ ನಿಷೇಧ ಕಾಯ್ದೆ (ಕೋಟ್ಪಾ) ಜಾರಿ ನೇಪಥ್ಯಕ್ಕೆ ಸರಿದಿದೆ. ಕಾಯ್ದೆ ಜಾರಿಗೆ ತರುವ ಹೊಣೆಗಾರಿಕೆಯನ್ನು ಪೊಲೀಸ್ ಇಲಾಖೆಗೆ ನೀಡಿದ್ದರೂ ಸಮರ್ಪಕವಾಗಿ ಜಾರಿಯಾಗಿಲ್ಲ. ಈಚೆಗೆ ‘ಕೋಟ್ಪಾ’ ಬಗ್ಗೆ ಪೊಲೀಸ್ ಅಧಿಕಾರಿಗಳಿಗೆ ಕಾರ್ಯಾಗಾರ ಏರ್ಪಡಿಸಿ, ಮಾಹಿತಿ ನೀಡಲಾಗಿದೆ.<br /> <br /> ಹೋಟೆಲ್, ರೆಸ್ಟೋರೆಂಟ್, ಶಾಲಾ, ಕಾಲೇಜು, ಆಸ್ಪತ್ರೆ, ಬಸ್ ನಿಲ್ದಾಣ ಇತ್ಯಾದಿ ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ನಿಷೇಧವಿದ್ದರೂ ಅದು ಪಾಲನೆಯಾಗುತ್ತಿಲ್ಲ.<br /> <br /> ಕಾನೂನು ಜಾರಿ ವಿಧಾನ: ‘ಕೋಟ್ಪಾ’ ಕಾಯ್ದೆಯಡಿ ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ಮಾಡಿದರೆ ಸಬ್ಇನ್ಸ್ಪೆಕ್ಟರ್ ಅಥವಾ ಅವರಿಗಿಂತ ಉನ್ನತ ಹುದ್ದೆಯಲ್ಲಿರುವ ಅಧಿಕಾರಿಗಳು ರೂ 200ರ ವರೆಗೆ ದಂಡ ವಿಧಿಸಬಹುದು.<br /> <br /> ಸಿಗರೇಟು ಅಥವಾ ಹೊಗೆಸೊಪ್ಪು ಕುರಿತ ಜಾಹೀರಾತು ಪ್ರದರ್ಶಿಸಿದರೆ ರೂ 1000 ದಂಡ, 2 ವರ್ಷ ಜೈಲು ಶಿಕ್ಷೆ, ಅಪರಾಧ ಪುನರಾವರ್ತನೆಯಾದರೆ ರೂ 5000 ದಂಡ, 5 ವರ್ಷ ಜೈಲು ಶಿಕ್ಷೆ ವಿಧಿಸಬಹುದು.<br /> <br /> 18 ವರ್ಷದ ಒಳಗಿನವರು ಹಾಗೂ ಶಾಲಾ ಕಾಲೇಜುಗಳ 100 ಮೀಟರ್ ವ್ಯಾಪ್ತಿಯಲ್ಲಿ ತಂಬಾಕು ಉತ್ಪನ್ನ ಮಾರಾಟ ಮಾಡಿದರೆ ರೂ 200ರ ವರೆಗೆ ದಂಡ, ಉತ್ಪಾದಕರಿಗೂ ರೂ 5000 ದಂಡ, ಎರಡು ವರ್ಷ ಜೈಲು, ಅಪರಾಧ ಮರುಕಳಿಸಿದರೆ ರೂ 10 ಸಾವಿರ ದಂಡ, 5 ವರ್ಷ ಜೈಲು ಶಿಕ್ಷೆ ವಿಧಿಸುವ ಕಾನೂನು ಜಾರಿಯಲ್ಲಿದೆ.<br /> <br /> ಕಾಣದ ಜಾಹೀರಾತು: ಸಿಗರೇಟು, ಇತರ ತಂಬಾಕು ಉತ್ಪನ್ನ ಮಾರಾಟ ಮಾಡುವ ಬಹುತೇಕ ಅಂಗಡಿಗಳಲ್ಲಿ ಕಾಯ್ದೆಯಂತೆ ಜಾಹೀರಾತು ಫಲಕ ಹಾಕದಿರುವುದು ಕಂಡುಬಂದಿದೆ. ತಂಬಾಕು ಉತ್ಪಾದಕ ಕಂಪೆನಿಗಳ ಹೆಸರಿರುವ ಫಲಕ ಹಾಕಬಾರದೆಂಬ ಕಾನೂನಿದೆ.<br /> <br /> ಆದರೆ ಯಾವೊಬ್ಬ ಮಾರಾಟಗಾರರು ಈ ಸೂಚನೆ ಪಾಲಿಸಿಲ್ಲ. ಧೂಮಪಾನ ನಿಷೇಧದ ಗುರುತನ್ನೂ ಫಲಕದಲ್ಲಿ ಪ್ರದರ್ಶಿಸಿಲ್ಲ. ಕಾಯ್ದೆ ಉಲ್ಲಂಘಿಸಿದ ಅಂಗಡಿಗಳ ವಿರುದ್ಧ ಪೊಲೀಸರು ಈವರೆಗೂ ಕ್ರಮ ಕೈಗೊಳ್ಳುವ ಪ್ರಯತ್ನ ಮಾಡಿಲ್ಲ.<br /> ಧೂಮಪಾನ ವಲಯ: 30ಕ್ಕಿಂತ ಹೆಚ್ಚು ಕೊಠಡಿ ಹೊಂದಿರುವ ಹೋಟೆಲ್, ರೆಸ್ಟೋರೆಂಟ್ಗಳಲ್ಲಿ ಧೂಮಪಾನ ವಲಯ ನಿರ್ಮಾಣ ಮಾಡಬೇಕು. ನಗರದ ಯಾವ ಹೋಟೆಲ್, ವಸತಿಗೃಹದಲ್ಲೂ ಇದು ಕಂಡುಬರುವುದಿಲ್ಲ.<br /> <br /> 200ಕ್ಕೂ ಹೆಚ್ಚು ಪ್ರಕರಣ ದಾಖಲು: ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ಮಾಡಿದವರ ವಿರುದ್ಧ ಕಳೆದ ಎರಡು ತಿಂಗಳಲ್ಲಿ 200ಕ್ಕೂ ಹೆಚ್ಚು ಪ್ರಕರಣ ದಾಖಲಿಸಲಾಗಿದೆ ಎಂದು ‘ಕೋಟ್ಪಾ’ ಜಾರಿ ನೋಡೆಲ್ ಅಧಿಕಾರಿಯೂ ಆಗಿರುವ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಆರ್.ಲಕ್ಷ್ಮಣ್ ‘ಪ್ರಜಾವಾಣಿ’ಗೆ ತಿಳಿಸಿದರು.<br /> <br /> ಮುಂದಿನ ದಿನಗಳಲ್ಲಿ ಇನ್ನಷ್ಟು ಪರಿಣಾಮಕಾರಿಯಾಗಿ ಕಾಯ್ದೆ ಅನುಷ್ಠಾನಗೊಳಿಸಿ, ತಪ್ಪಿತಸ್ಥರಿಗೆ ದಂಡ ವಿಧಿಸಲಾಗುವುದು ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು: </strong>‘ಧೂಮಪಾನ ಆರೋಗ್ಯಕ್ಕೆ ಹಾನಿಕರ’. ಬಸ್ ನಿಲ್ದಾಣ, ಶೈಕ್ಷಣಿಕ ಸಂಸ್ಥೆ, ಆಸ್ಪತ್ರೆ ಇತ್ಯಾದಿ ಸಾರ್ವಜನಿಕ ಸ್ಥಳಗಳಲ್ಲಿ ಇಂಥ ಸೂಚನೆ ಕಾಣಬಹುದು. ಆದರೆ ನಗರದಲ್ಲಿ ಎಲ್ಲಿಯೂ ಈ ಸೂಚನೆ ಪಾಲನೆಯಾಗುತ್ತಿಲ್ಲ.<br /> <br /> ಸಿಗರೇಟು ಹಾಗೂ ಇತರೆ ತಂಬಾಕು ಉತ್ಪನ್ನಗಳ ಸೇವನೆಯಿಂದ ಕ್ಯಾನ್ಸರ್ ಬರುತ್ತದೆ ಎಂದು ಭಾಷಣ ಬಿಗಿಯುವ ಅಧಿಕಾರಿಗಳು, ಜನಪ್ರತಿನಿಧಿಗಳು ಈ ಸಂಬಂಧದ ಕಾಯ್ದೆ ಅನುಷ್ಠಾನದ ಕುರಿತು ಬಾಯಿ ಬಿಡುತ್ತಿಲ್ಲ.<br /> <br /> ಭಾರತ ಒಂದರಲ್ಲೇ ಪ್ರತಿ ವರ್ಷ ಐದು ಲಕ್ಷ ಮಂದಿ ಸಿಗರೇಟು, ತಂಬಾಕು ಉತ್ಪನ್ನಗಳ ಸೇವನೆಯಿಂದ ಕ್ಯಾನ್ಸರ್ಗೆ ತುತ್ತಾಗುತ್ತಿದ್ದಾರೆ. ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ ಸುಪ್ರೀಂಕೋರ್ಟ್ ಸಾಕಷ್ಟು ಸೂಚನೆ ನೀಡಿದೆ. ಕೇಂದ್ರ, ರಾಜ್ಯ ಸರ್ಕಾರಗಳು ತಂಬಾಕು ಉತ್ಪನ್ನ, ಧೂಮಪಾನ ನಿಷೇಧ ಕಾಯ್ದೆಗಳನ್ನು ಜಾರಿಗೆ ತಂದರೂ ಪರಿಣಾಮಕಾರಿ ಅನುಷ್ಠಾನ ಕಂಡುಬರುತ್ತಿಲ್ಲ.<br /> <br /> ನೇಪಥ್ಯಕ್ಕೆ ಸರಿದ ಕಾಯ್ದೆ: ತುಮಕೂರು ನಗರದಲ್ಲಿ ಸಿಗರೇಟು, ಇತರೆ ತಂಬಾಕು ಉತ್ಪನ್ನಗಳ ನಿಷೇಧ ಕಾಯ್ದೆ (ಕೋಟ್ಪಾ) ಜಾರಿ ನೇಪಥ್ಯಕ್ಕೆ ಸರಿದಿದೆ. ಕಾಯ್ದೆ ಜಾರಿಗೆ ತರುವ ಹೊಣೆಗಾರಿಕೆಯನ್ನು ಪೊಲೀಸ್ ಇಲಾಖೆಗೆ ನೀಡಿದ್ದರೂ ಸಮರ್ಪಕವಾಗಿ ಜಾರಿಯಾಗಿಲ್ಲ. ಈಚೆಗೆ ‘ಕೋಟ್ಪಾ’ ಬಗ್ಗೆ ಪೊಲೀಸ್ ಅಧಿಕಾರಿಗಳಿಗೆ ಕಾರ್ಯಾಗಾರ ಏರ್ಪಡಿಸಿ, ಮಾಹಿತಿ ನೀಡಲಾಗಿದೆ.<br /> <br /> ಹೋಟೆಲ್, ರೆಸ್ಟೋರೆಂಟ್, ಶಾಲಾ, ಕಾಲೇಜು, ಆಸ್ಪತ್ರೆ, ಬಸ್ ನಿಲ್ದಾಣ ಇತ್ಯಾದಿ ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ನಿಷೇಧವಿದ್ದರೂ ಅದು ಪಾಲನೆಯಾಗುತ್ತಿಲ್ಲ.<br /> <br /> ಕಾನೂನು ಜಾರಿ ವಿಧಾನ: ‘ಕೋಟ್ಪಾ’ ಕಾಯ್ದೆಯಡಿ ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ಮಾಡಿದರೆ ಸಬ್ಇನ್ಸ್ಪೆಕ್ಟರ್ ಅಥವಾ ಅವರಿಗಿಂತ ಉನ್ನತ ಹುದ್ದೆಯಲ್ಲಿರುವ ಅಧಿಕಾರಿಗಳು ರೂ 200ರ ವರೆಗೆ ದಂಡ ವಿಧಿಸಬಹುದು.<br /> <br /> ಸಿಗರೇಟು ಅಥವಾ ಹೊಗೆಸೊಪ್ಪು ಕುರಿತ ಜಾಹೀರಾತು ಪ್ರದರ್ಶಿಸಿದರೆ ರೂ 1000 ದಂಡ, 2 ವರ್ಷ ಜೈಲು ಶಿಕ್ಷೆ, ಅಪರಾಧ ಪುನರಾವರ್ತನೆಯಾದರೆ ರೂ 5000 ದಂಡ, 5 ವರ್ಷ ಜೈಲು ಶಿಕ್ಷೆ ವಿಧಿಸಬಹುದು.<br /> <br /> 18 ವರ್ಷದ ಒಳಗಿನವರು ಹಾಗೂ ಶಾಲಾ ಕಾಲೇಜುಗಳ 100 ಮೀಟರ್ ವ್ಯಾಪ್ತಿಯಲ್ಲಿ ತಂಬಾಕು ಉತ್ಪನ್ನ ಮಾರಾಟ ಮಾಡಿದರೆ ರೂ 200ರ ವರೆಗೆ ದಂಡ, ಉತ್ಪಾದಕರಿಗೂ ರೂ 5000 ದಂಡ, ಎರಡು ವರ್ಷ ಜೈಲು, ಅಪರಾಧ ಮರುಕಳಿಸಿದರೆ ರೂ 10 ಸಾವಿರ ದಂಡ, 5 ವರ್ಷ ಜೈಲು ಶಿಕ್ಷೆ ವಿಧಿಸುವ ಕಾನೂನು ಜಾರಿಯಲ್ಲಿದೆ.<br /> <br /> ಕಾಣದ ಜಾಹೀರಾತು: ಸಿಗರೇಟು, ಇತರ ತಂಬಾಕು ಉತ್ಪನ್ನ ಮಾರಾಟ ಮಾಡುವ ಬಹುತೇಕ ಅಂಗಡಿಗಳಲ್ಲಿ ಕಾಯ್ದೆಯಂತೆ ಜಾಹೀರಾತು ಫಲಕ ಹಾಕದಿರುವುದು ಕಂಡುಬಂದಿದೆ. ತಂಬಾಕು ಉತ್ಪಾದಕ ಕಂಪೆನಿಗಳ ಹೆಸರಿರುವ ಫಲಕ ಹಾಕಬಾರದೆಂಬ ಕಾನೂನಿದೆ.<br /> <br /> ಆದರೆ ಯಾವೊಬ್ಬ ಮಾರಾಟಗಾರರು ಈ ಸೂಚನೆ ಪಾಲಿಸಿಲ್ಲ. ಧೂಮಪಾನ ನಿಷೇಧದ ಗುರುತನ್ನೂ ಫಲಕದಲ್ಲಿ ಪ್ರದರ್ಶಿಸಿಲ್ಲ. ಕಾಯ್ದೆ ಉಲ್ಲಂಘಿಸಿದ ಅಂಗಡಿಗಳ ವಿರುದ್ಧ ಪೊಲೀಸರು ಈವರೆಗೂ ಕ್ರಮ ಕೈಗೊಳ್ಳುವ ಪ್ರಯತ್ನ ಮಾಡಿಲ್ಲ.<br /> ಧೂಮಪಾನ ವಲಯ: 30ಕ್ಕಿಂತ ಹೆಚ್ಚು ಕೊಠಡಿ ಹೊಂದಿರುವ ಹೋಟೆಲ್, ರೆಸ್ಟೋರೆಂಟ್ಗಳಲ್ಲಿ ಧೂಮಪಾನ ವಲಯ ನಿರ್ಮಾಣ ಮಾಡಬೇಕು. ನಗರದ ಯಾವ ಹೋಟೆಲ್, ವಸತಿಗೃಹದಲ್ಲೂ ಇದು ಕಂಡುಬರುವುದಿಲ್ಲ.<br /> <br /> 200ಕ್ಕೂ ಹೆಚ್ಚು ಪ್ರಕರಣ ದಾಖಲು: ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ಮಾಡಿದವರ ವಿರುದ್ಧ ಕಳೆದ ಎರಡು ತಿಂಗಳಲ್ಲಿ 200ಕ್ಕೂ ಹೆಚ್ಚು ಪ್ರಕರಣ ದಾಖಲಿಸಲಾಗಿದೆ ಎಂದು ‘ಕೋಟ್ಪಾ’ ಜಾರಿ ನೋಡೆಲ್ ಅಧಿಕಾರಿಯೂ ಆಗಿರುವ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಆರ್.ಲಕ್ಷ್ಮಣ್ ‘ಪ್ರಜಾವಾಣಿ’ಗೆ ತಿಳಿಸಿದರು.<br /> <br /> ಮುಂದಿನ ದಿನಗಳಲ್ಲಿ ಇನ್ನಷ್ಟು ಪರಿಣಾಮಕಾರಿಯಾಗಿ ಕಾಯ್ದೆ ಅನುಷ್ಠಾನಗೊಳಿಸಿ, ತಪ್ಪಿತಸ್ಥರಿಗೆ ದಂಡ ವಿಧಿಸಲಾಗುವುದು ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
