‘ರಫ್ತು ಉತ್ತೇಜನಕ್ಕೆ ತಯಾರಿಕಾ ನೀತಿ’

ನವದೆಹಲಿ(ಪಿಟಿಐ): ಪ್ರಸಕ್ತ ಹಣಕಾಸು ವರ್ಷದಲ್ಲಿ ₨20 ಸಾವಿರ ಕೋಟಿ ರಫ್ತು ವಹಿವಾಟು ಗುರಿ ತಲುಪಲು ತಯಾ­ರಿಕಾ ವಲಯಕ್ಕೆ ಗರಿಷ್ಠ ಉತ್ತೇಜನ ನೀಡುವ ಅಗತ್ಯ ಇದೆ ಎಂದು ಕೇಂದ್ರ ಕೈಗಾರಿಕಾ ಸಚಿವ ಆನಂದ ಶರ್ಮಾ ಹೇಳಿದ್ದಾರೆ. ಒಟ್ಟಾರೆ ರಫ್ತು ವಹಿವಾಟಿನಲ್ಲಿ ತಯಾರಿಕಾ ವಲಯದ ಪಾಲು ಶೇ 75ರಷ್ಟಿದೆ. ಆದರೆ, ಇತ್ತೀಚಿನ ತಿಂಗಳುಗ ಳಲ್ಲಿ ತಯಾರಿಕಾ ವಲಯದ ಪ್ರಗತಿ ಗಣನೀ­ಯವಾಗಿ ಕುಸಿದಿದೆ.

ಜಾಗತಿಕ ಮಾರು­ಕಟ್ಟೆ ಅನಿಶ್ಚಿತತೆಯಿಂದ ರಫ್ತುದಾ ರರು ಸಹ ಸವಾಲು ಎದುರಿಸುತ್ತಿದ್ದಾರೆ ಎಂದು ಕಳವಳ ವ್ಯಕ್ತಪಡಿಸಿದರು. ತಯಾರಿಕಾ ವಲಯದ ಪ್ರಗತಿ ಅಕ್ಟೋ­ಬ­ರ್‌ನಲ್ಲಿ ಶೇ 2ಕ್ಕೆ ಕುಸಿತ ಕಂಡಿದೆ. ಕಳೆದ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಇದು ಶೇ 9.9­ರಷ್ಟಿತ್ತು. ಏಪ್ರಿಲ್‌–ನವೆಂಬರ್‌ ಅವಧಿ­ಯಲ್ಲಿ ರಫ್ತು ಶೇ 6.27ರಷ್ಟು ಹೆಚ್ಚಿದ್ದು, ₨12.64 ಲಕ್ಷ ಕೋಟಿಗೆ ಏರಿಕೆ ಕಂಡಿದೆ.

₨18.84 ಲಕ್ಷ ಕೋಟಿ ಆಮದು ವಹಿ ವಾಟು ದಾಖಲಾಗಿದೆ. ಇದರಿಂದ  ವಿತ್ತೀಯ ಕೊರತೆ ₨6.2 ಲಕ್ಷ ಕೋಟಿಗೆ ತಗ್ಗಿದೆ ಎಂದರು. ‘ತಯಾರಿಕಾ ವಲಯದ ಕೊಡುಗೆ ಯನ್ನು ‘ಜಿಡಿಪಿ’ಯ ಶೇ 25ಕ್ಕೆ ಹೆಚ್ಚಿ ಸಲು ಕೇಂದ್ರ ಸರ್ಕಾರ ‘ರಾಷ್ಟ್ರೀಯ ತಯಾರಿಕಾ ನೀತಿಯನ್ನು (ಎನ್‌ಎಂಪಿ) ಜಾರಿಗೆ ತಂದಿದೆ. ಈ ಮೂಲಕ 2022ರ ವೇಳೆಗೆ ₨1 ಕೋಟಿ ಉದ್ಯೋಗಾವಕಾಶ ಸೃಷ್ಟಿ ಅಂದಾಜು ಮಾಡಲಾಗಿದೆ’ ಎಂದು ಅವರು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.