‘ಸದಾಶಿವ ಆಯೋಗದ ವರದಿ ಜಾರಿಯಾಗಲಿ’

ದೊಡ್ಡಬಳ್ಳಾಪುರ:  ಆಂಧ್ರಪ್ರದೇಶ ಮಾದ­­ರಿ­­ಯಲ್ಲಿ ರಾಜ್ಯ­ದಲ್ಲೂ ಒಳ­ಮೀಸ­ಲಾತಿ ನೀಡಬೇಕು. ಎ.ಜೆ.­ಸದಾಶಿವ ಆಯೋ­ಗದ ವರದಿಯನ್ನು ಜಾರಿಗೆ ತರಬೇಕು ಎಂದು ಕೇಂದ್ರ ಪೆಟ್ರೋ­ಲಿಯಂ ಸಚಿವ ಎಂ.ವೀರಪ್ಪ ಮೊಯಿಲಿ ಹೇಳಿದರು.



ಅವರು ನಗರಸಭೆ ಹಾಗೂ ತಾಲ್ಲೂಕು ಆಡಳಿತದ ವತಿಯಿಂದ ನಿರ್ಮಿಸಲಾಗಿರುವ ಡಾ.ಬಾಬು ಜಗ­ಜೀವನ್‌­ರಾಮ್‌ ಅವರ ಪುತ್ಥಳಿ ಅನಾ­ವರಣ ಕಾರ್ಯಕ್ರಮದಲ್ಲಿ ಭಾಗ­ವಹಿಸಿ ಮಾತನಾಡಿದರು.



ದೇಶದ ರಾಜಕಾರಣದಲ್ಲಿ ಕೋಮು­ವಾದಿಗಳ ಗಾಳಿ ಬೀಸುತ್ತಿದೆ. ಇದನ್ನು ತಡೆಯುವ ಕೆಲಸ ಎಲ್ಲ ಹಿಂದುಳಿದ ಜನರಿಂದ ಆಗಬೇಕಿದೆ ಎಂದರು.



ಸಮಾಜ ಕಲ್ಯಾಣ ಸಚಿವ ಎಚ್‌.­ಆಂಜನೇಯ ಮಾತ­ನಾಡಿ, ‘ಚಿಕ್ಕಬಳ್ಳಾ­ಪುರ ಲೋಕಸಭಾ ಕ್ಷೇತ್ರದ ವ್ಯಾಪ್ತಿ­ಯಲ್ಲಿ ಅರ್ಧಕ್ಕೆ ನಿಂತಿರುವ ಅಂಬೇ­ಡ್ಕರ್‌ ಭವನಗಳ ನಿರ್ಮಾಣಕ್ಕೆ ಅಗತ್ಯ ಆರ್ಥಿಕ ನೆರವು ನೀಡಲಾಗುವುದು’ ಎಂದರು.



ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಶಾಸಕ ಟಿ.ವೆಂಕಟರಮಣಯ್ಯ ಮಾತ­ನಾಡಿ, ‘ಪ್ರತಿ ಹೋಬಳಿಗೆ ಒಂದು ಅಂಬೇಡ್ಕರ್‌ ಸಮುದಾಯ ಭವನ ನಿರ್ಮಾಣಕ್ಕೆ ರಾಜ್ಯ ಸರ್ಕಾರದಿಂದ ಹಣ ನೀಡಲು ಸಮಾಜ ಕಲ್ಯಾಣ ಇಲಾಖೆ ಸಚಿವರು ಒಪ್ಪಿಗೆ ನೀಡಿದ್ದಾರೆ’ ಎಂದರು.



ಶಾಸಕ ಪಿಳ್ಳಮುನಿಶಾಮಪ್ಪ, ವಿಧಾನ ಪರಿಷತ್‌ ಸದಸ್ಯ  ಧರ್ಮ­ಸೇನ್‌, ಮಾಜಿ ಸದಸ್ಯ ಡಾ.ಎಲ್‌.­ಹನುಮಂತಯ್ಯ, ಆರ್‌.ಜಿ.­ವೆಂಕಟಾ­ಚಲಯ್ಯ, ಜಿ.ಪಂ.ಮಾಜಿ ಅಧ್ಯಕ್ಷ ಸಿ.ಡಿ.ಸತ್ಯ­ನಾರಾಯಣಗೌಡ, ರಾಷ್ಟ್ರೀ­ಯ ಪರಿಶಿಷ್ಟ ಜಾತಿ ಆಯೋಗದ ಸಂಚಾ­ಲಕ ಡಾ.ಎಂ.ಪರಮೇಶ್‌, ನಗರ ಕಾಂಗ್ರೆಸ್‌ ಬ್ಲಾಕ್‌ ಸಮಿತಿ ಅಧ್ಯಕ್ಷ ತಿ.ರಂಗರಾಜು, ಕಾರ್ಯದರ್ಶಿ ಡಿ.ವಿ.ಅಶ್ವ­ತ್ಥಪ್ಪ, ಜಿ.ಲಕ್ಷ್ಮೀಪತಿ, ಕೆಪಿಸಿಸಿ ಸದಸ್ಯ ಎಂ.ಜಿ.ಶ್ರೀನಿವಾಸ್‌ ಮತ್ತಿತರರು ಭಾಗವಹಿಸಿದ್ದರು.