ಶನಿವಾರ, ಫೆಬ್ರವರಿ 27, 2021
27 °C

‘ಸಮಾಜಕ್ಕೆ ಜೈನ ತತ್ವಗಳು ಅಗತ್ಯ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ಸಮಾಜಕ್ಕೆ ಜೈನ ತತ್ವಗಳು ಅಗತ್ಯ’

ಬೆಳಗಾವಿ: ‘ಮಾನವೀಯ ಮೌಲ್ಯ­ಗಳನ್ನು ಎತ್ತಿಹಿಡಿದು, ಅಹಿಂಸೆಯ ಮಾರ್ಗದಲ್ಲಿ ನಡೆಯುತ್ತಿರುವ ಜೈನ ಧರ್ಮ ಶ್ರೇಷ್ಠ ಧರ್ಮವಾಗಿದೆ. ಇಂದಿನ ಕುಲುಷಿತ ಸಮಾಜ ತಿದ್ದಲು ಜೈನ ಧರ್ಮದ ತತ್ವಗಳು ಅಗತ್ಯ’ ಎಂದು ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಕುಲಪತಿ ಡಾ. ಹಿ.ಚಿ.ಬೋರಲಿಂಗಯ್ಯ ಮಂಗಳವಾರ ಇಲ್ಲಿ ಹೇಳಿದರು.



‘ಜೈನ ಧರ್ಮದಲ್ಲಿ ಯಕ್ಷ –ಯಕ್ಷಿಯರು, ಪ್ರೇರಣೆ–-ಪರಿಕಲ್ಪನೆ’ ವಿಷಯ ಕುರಿತು ಹಂಪಿ ಕನ್ನಡ ವಿಶ್ವ­ವಿದ್ಯಾ­ಲಯದ ಅಭೇರಾಜ ಬಲ್ಡೋಟ ಜೈನ ಸಂಸ್ಕೃತಿ ಅಧ್ಯಯನ ಪೀಠದ ಸಹಯೋಗದಲ್ಲಿ ಇಲ್ಲಿನ ಭರತೇಶ ಶಿಕ್ಷಣ ಸಂಸ್ಥೆಯಲ್ಲಿ ಹಮ್ಮಿ­ಕೊಂಡಿರುವ ರಾಷ್ಟ್ರೀಯ ವಿಚಾರ­ಸಂಕಿರಣವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.



ಆಶಯ ಭಾಷಣ ಮಾಡಿದ ಡಾ. ಹಂಪ ನಾಗರಾಜಯ್ಯ, ‘ಯಕ್ಷ –ಯಕ್ಷಿಯರು ಜೈನ ಧರ್ಮಕ್ಕೆ ಸೀಮಿತವಾಗಿಲ್ಲ. ಬೌದ್ಧ ಧರ್ಮ ಸೇರಿದಂತೆ ಎಲ್ಲ ಧರ್ಮದಲ್ಲೂ ನಾವು ಯಕ್ಷ –ಯಕ್ಷಿಯರನ್ನು  ಕಾಣಬಹುದು’ ಎಂದು  ಹೇಳಿದರು.



‘ಜಿನ ಶಾಸನದ ದೇವ –ದೇವತಿ­ಯರು ಎಂದು ಗುರುತಿಸಿ­ಕೊಂಡಿರುವ ಯಕ್ಷ–ಯಕ್ಷಿಯರ ಇತಿಹಾಸ ದೊಡ್ಡ­ದಾಗಿದೆ. ಜೈನ ಧರ್ಮದಲ್ಲಿ ತೀರ್ಥಂಕರ­ರಂತೆ ಯಕ್ಷ – ಯಕ್ಷಿಯರಿಗೂ ಹೆಚ್ಚಿನ ಪ್ರಾತಿನಿಧ್ಯ ನೀಡಲಾಗಿದೆ’ ಎಂದು ಅವರು ಹೇಳಿದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.