‘ಐ ಲವ್ ಮನಿ’ ಪುಸ್ತಕವನ್ನು ಪ್ರಕಟಿಸಿದ್ದ ‘ಸಾವಣ್ಣ ಪ್ರಕಾಶನ’ದ ಹೊಸ ಪುಸ್ತಕ ‘101’. ಜೋಜಿ ವಲ್ಲಿ ಅವರ ‘ಹಾರ್ಟ್ಸ್ ಆನ್ ಫೈರ್’ ಕೃತಿಯ ಕನ್ನಡರೂಪವಿದು. ಶೀರ್ಷಿಕೆಯೇ ಹೇಳುವಂತೆ, ಈ ಪುಸ್ತಕದಲ್ಲಿ ನೂರಾ ಒಂದು ನೀತಿಕಥೆಗಳಿವೆ. ಏಕಾಗ್ರತೆ, ಕಾಳಜಿ, ಸವಾಲು, ಸಾಮಾನ್ಯಜ್ಞಾನ, ಸಾವು, ಅಹಂ, ಸೌಂದರ್ಯ, ಮಹತ್ವಾಕಾಂಕ್ಷೆ, ನಂಬಿಕೆ, ಪ್ರಾರ್ಥನೆ, ಆತ್ಮಸಾಕ್ಷಿ, ತ್ಯಾಗ- ಹೀಗೆ, ದೈನಿಕದ ಹಲವು ಸಂಗತಿಗಳೇ ಇಲ್ಲಿ ಪುಟ್ಟ ಪುಟ್ಟ ಕಥೆಗಳಾಗಿವೆ. ಎಲ್ಲ ಕಥೆಗಳಲ್ಲಿನ ಸಾಮಾನ್ಯ ಅಂಶ ಬೆರಗು. ರಾಮಸ್ವಾಮಿ ಹುಲುಕೋಡು ಅವರ ಸರಳ ಅನುವಾದ ಓದಿಸಿಕೊಳ್ಳುವಂತಿದೆ.
