ಲಂಡನ್(ಪಿಟಿಐ): ‘ಉಕ್ಕಿನ ಮಹಿಳೆ’ ಎಂದು ಕರೆಸಿಕೊಂಡಿದ್ದ ಬ್ರಿಟನ್್ ಮಾಜಿ ಪ್ರಧಾನಿ ಮಾರ್ಗರೇಟ್್ ಥ್ಯಾಚರ್ ಅವರು ಕೇಶವಿನ್ಯಾಸಕ್ಕೆ ಹೆಚ್ಚಿನ ಗಮನ ಕೊಡುತ್ತಿದ್ದರಂತೆ.
1984ರಲ್ಲಿ ಅವರು 120 ಬಾರಿ ಬ್ಯೂಟಿ ಪಾರ್ಲರ್ಗೆ ಭೇಟಿ ನೀಡಿದ್ದರು ಎನ್ನುವುದು ಅವರ ದಿನಚರಿ ನೋಡಿದರೆ ತಿಳಿಯುತ್ತದೆ.
ಕೇಶಾಲಂಕಾರ, ದಿರಿಸು ಹಾಗೂ ಟ್ರೇಡ್ಮಾರ್ಕ್ ಕೈಚೀಲಗಳಿಂದ ಪ್ರಸಿದ್ಧಿ ಪಡೆದಿದ್ದ ಥ್ಯಾಚರ್, 1979ರಿಂದ 1990ರವರೆಗೆ ಪ್ರಧಾನಿಯಾಗಿದ್ದರು. ಥ್ಯಾಚರ್ ಜೀವನ ಶೈಲಿ ಬಹಿರಂಗಪಡಿಸುವ ದಿನಚರಿ ಯಲ್ಲಿ ಅವರ ಕೇಶವಿನ್ಯಾಸದ ಬಗ್ಗೆಯೂ ಪ್ರಸ್ತಾಪವಿದೆ.
25 ಮೀನುಗಾರರ ಬಂಧನ
ಕೊಲಂಬೊ(ಐಎಎನ್ಎಸ್): ಶ್ರೀಲಂಕಾ ನೌಕಾಪಡೆ ಭಾರತದ 25 ಮೀನುಗಾರರನ್ನು ಶುಕ್ರವಾರ ಬಂಧಿಸಿದೆ.
ಇದರೊಂದಿಗೆ ಡಿಸೆಂಬರ್ನಿಂದ ಈವರೆಗೆ ಬಂಧನಕ್ಕೊಳಗಾದ ಭಾರತದ ಮೀನುಗಾರರ ಸಂಖ್ಯೆ 180ಕ್ಕೆ ಏರಿದೆ. ಈ ಪ್ರಕರಣ ಭಾರತ ಹಾಗೂ ಶ್ರೀಲಂಕಾ ನಡುವೆ ಮತ್ತಷ್ಟು ಆತಂಕ ಸೃಷ್ಟಿಸಿದೆ.
ಸೋನಿಯಾ ಮನವಿ
ನ್ಯೂಯಾರ್ಕ್ (ಪಿಟಿಐ): ನವದೆಹಲಿಯಲ್ಲಿ 1984ರಲ್ಲಿ ನಡೆದ ಸಿಖ್ ವಿರೋಧಿ ದಂಗೆಗೆ ಸಂಬಂಧಿಸಿದಂತೆ ತಮ್ಮ ವಿರುದ್ಧ ಹೂಡಲಾಗಿರುವ ಮಾನವಹಕ್ಕು ಉಲ್ಲಂಘನೆ ಮೊಕದ್ದಮೆಯನ್ನು ವಜಾಗೊಳಿಸಬೇಕೆಂದು ಕೋರಿ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಅಮೆರಿಕ ನ್ಯಾಯಾಲಯದ ಮೊರೆ ಹೋಗಲಿದ್ದಾರೆ. ಫೆಬ್ರುವರಿ 7ರಂದು ನ್ಯೂಯಾರ್ಕ್ನ ಜಿಲ್ಲಾ ನ್ಯಾಯಾಲಯದಲ್ಲಿ ಈ ಸಂಬಂಧ ಸೋನಿಯಾ ಅರ್ಜಿ ಸಲ್ಲಿಸಲಿದ್ದಾರೆ.
ಬಾಲ ಆರೋಪಿಗೆ ಜಾಮೀನು
ಮೆಲ್ಬರ್ನ್(ಪಿಟಿಐ): ಭಾರತೀಯ ವಿದ್ಯಾರ್ಥಿ ಮೇಲೆ ಹಲ್ಲೆ ನಡೆಸಿದ ಆರೋಪದ ಮೇಲೆ ಬಂಧಿಸಲಾಗಿದ್ದ ಬಾಲ ಆರೋಪಿಗೆ ಆಸ್ಟ್ರೇಲಿಯಾ ನ್ಯಾಯಾಲಯ ಷರತ್ತು ಬದ್ಧ ಜಾಮೀನು ನೀಡಿದೆ.
‘ತನಿಖೆಯಲ್ಲಿ ಪೊಲೀಸರೊಂದಿಗೆ ನೆರವಾಗುತ್ತೇನೆ ಹಾಗೂ ಇತರ ಆರೋಪಿಗಳೊಂದಿಗೆ ಸೇರುವುದಿಲ್ಲ’ ಎಂದು ಆರೋಪಿ ಹೇಳಿಕೆ ನೀಡಿದ ನಂತರ ಬಾಲ ನ್ಯಾಯಾಲಯ ಜಾಮೀನು ನೀಡಿದೆ. ಉದ್ದೇಶ ಪೂರ್ವಕವಾಗಿಯೇ ಇತರ ದುಷ್ಕರ್ಮಿಗಳೊಂದಿಗೆ ಸೇರಿ ಹಲ್ಲೆ ನಡೆಸಿದ ಆರೋಪ ಈತನ ಮೇಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.