2ಜಿ ಪ್ರಕರಣ: 29ಕ್ಕೆ ವಿಚಾರಣೆ

ಹಿಂದೂ ನಿರಾಶ್ರಿತರ ಸ್ಥಿತಿ: ವರದಿಗೆ ಸೂಚನೆ
ನವದೆಹಲಿ (ಪಿಟಿಐ): ಹಿಂಸಾಚಾರ ಹಿನ್ನೆಲೆ ಪಾಕಿಸ್ತಾನವನ್ನು ತೊರೆದು ಬಂದಿರುವ, `ಶೋಚನೀಯ ಸ್ಥಿತಿಯಲ್ಲಿ ಬದುಕುತ್ತಿರುವ' ಸುಮಾರು 500 ಹಿಂದೂ ನಿರಾಶ್ರಿತರರ ಬಗೆಗೆ ವರದಿ ನೀಡುವಂತೆ ಕೇಂದ್ರ ಹಾಗೂ ದೆಹಲಿ ಸರ್ಕಾರವನ್ನು ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗ ಕೋರಿದೆ.

ಹಿಂಸಾಚಾರಕ್ಕೆ ಬೇಸತ್ತು ಪಾಕಿಸ್ತಾನ ತೊರೆದು ಬಂದಿದ್ದಾರೆ ಎನ್ನಲಾದ ಸುಮಾರು 500 ಹಿಂದುಗಳ ದುಃಸ್ಥಿತಿಯ ಮೇಲೆ ಬೆಳಕು ಚೆಲ್ಲಿದ ಮಾಧ್ಯಮವೊಂದರ ವರದಿಯ ಆಧಾರದ ಮೇಲೆ ಸ್ವಯಂ ಪ್ರೇರಿತವಾಗಿ ಪರಿಶೀಲನೆ ಕೈಗೆತ್ತಿಕೊಂಡಿರುವುದಾಗಿ ಎನ್‌ಎಚ್‌ಆರ್‌ಸಿ ತಿಳಿಸಿದೆ. `ಭಾರತಕ್ಕೆ ಬಂದಿರುವ ಪಾಕ್ ಹಿಂದೂಗಳ ಶೋಚನೀಯ ಸ್ಥಿತಿ ಕುರಿತು ವರದಿ ನೀಡುವಂತೆ ಗೃಹ ಮತ್ತು ವಿದೇಶಾಂಗ ಕಾರ್ಯದರ್ಶಿಗಳಿಗೆ ಹಾಗೂ ದೆಹಲಿ ಮುಖ್ಯಕಾರ್ಯದರ್ಶಿಗೆ ನೋಟಿಸ್ ಜಾರಿಗೊಳಿಸಿದೆ.