ಆಡೋಣು ಬಾರ

ಮಕ್ಕಳಿಗೆ ಆಡಲು ಅಂಗಳವಿಲ್ಲ. ಹೆಂಗಳೆಯರು ರಂಗೋಲಿ ಬಿಡಿಸಲು ಅಂಗಳವಿಲ್ಲ. ಹಿರಿಯರು ಕುಳಿತು ಹರಟಲು ಅಂಗಳವಿಲ್ಲ. ತಾರು ರಸ್ತೆಯನ್ನೇ ಅಂಗಳ ಮಾಡಿಕೊಂಡ ಚಿಣ್ಣರು.

ಇಂಥ ಮಕ್ಕಳಿಗೊಂದು ಆಟದ ಲೋಕ ಕಲ್ಪಿಸಲು ಕೆಎಂಡಬ್ಲ್ಯೂ ವಿದ್ಯಾನಿಕೇತನ ಮುಂದಾಗಿದೆ.  ಭಾನುವಾರ ಮಹಾಲಕ್ಷ್ಮೀಪುರದಲ್ಲಿ ‘ಆಡೋಣು ಬಾರ’ ಎಂಬ ವಿಶಿಷ್ಟ ಆಟಗಳ ಮೇಳ ಆಯೋಜಿಸಿದೆ.

ನಗರದ ಮಕ್ಕಳಿಗೆ ಪರಿಚಯವೇ ಇಲ್ಲದ ಮರೆತುಹೋದ ಹಳ್ಳಿಯ ಆಟಗಳನ್ನು ಇಲ್ಲಿ ಪರಿಚಯಿಸಲಾಗುತ್ತಿದೆ. ಒಳಾಂಗಣ ಆಟದಲ್ಲಿ ಮರಳ ಮನೆ ಆಟ, ಬಳೆಚೂರು ಆಟ, ಗೊರವಯ್ಯನ ಆಟ, ಹಳಗುಣಿ ಮನೆಯಾಟ, ಚೌಕಾಬಾರ, ಮಣ್ಣುಗೊಂಬೆ, ಅಜ್ಜಿ ಕಥೆ, ಕಾಗದ ದೋಣಿ ಆಟ, ಕಳ್ಳ ಪೊಲೀಸ್, ಹಾವು ಏಣಿ ಆಟ, ಒಗಟು, ಅವಲಕ್ಕಿ ಬುವಲಕ್ಕಿ ಆಟ, ರಿಂಗ್ ಆಟ, ಬಿಲ್ಲು ಆಟ.. ಇತ್ಯಾದಿ ಇರುತ್ತವೆ.

ಸ್ಥಳ: 12ನೇ ಅಡ್ಡ ರಸ್ತೆ, 4ನೇ ಮುಖ್ಯ ರಸ್ತೆ, ಪಶ್ಚಿಮ ಕಾರ್ಡ್ ರಸ್ತೆ, ಮಹಾಲಕ್ಷ್ಮಿಪುರಂ. ಬೆಳಿಗ್ಗೆ 10ರಿಂದ. ಮಾಹಿತಿಗೆ : 2349 3451