ಇಂದಿನಿಂದಲೇ ಶಿವಮೊಗ್ಗ, ದಾವಣಗೆರೆ, ಚಿತ್ರದುರ್ಗ ಜಿಲ್ಲೆಯಲ್ಲಿ ಜಾರಿ.

ಶಿವಮೊಗ್ಗ: ರಾಜ್ಯದಲ್ಲಿ ಹಾಲಿನ ದರ ಹೆಚ್ಚಳದ ಹಿನ್ನೆಲೆಯಲ್ಲಿ ಶಿವಮೊಗ್ಗ ಸಹಕಾರಿ ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ ನಿಯಮಿತ (ಶಿಮೂಲ್) ಕೂಡ ಲೀಟರ್‌ಗೆ ` 2 ಏರಿಕೆ ಮಾಡಿದೆ. ಈ ಪರಿಷ್ಕೃತ ದರ ಫೆ. 15ರಿಂದಲೇ ಶಿಮೂಲ್ ವ್ಯಾಪ್ತಿಯ ಶಿವಮೊಗ್ಗ, ದಾವಣಗೆರೆ ಹಾಗೂ ಚಿತ್ರದುರ್ಗ ಜಿಲ್ಲೆಗಳಲ್ಲಿ ಜಾರಿಗೆ ಬರಲಿದೆ. ಪರಿಷ್ಕರಣೆಗೊಂಡಿರುವ ಹೆಚ್ಚುವರಿ ` 2 ಅನ್ನು ಸಂಪೂರ್ಣವಾಗಿ ಹಾಲು ಉತ್ಪಾದಕರಿಗೆ ಫೆ. 15ರಿಂದಲೇ ನೀಡಲಾಗುತ್ತಿದ್ದು,

ಗ್ರಾಮೀಣ ಮಟ್ಟದಲ್ಲಿ ಹಾಲು ಶೇಖರಣೆಯ ಪ್ರಸ್ತುತ ದರವನ್ನು ` 15.20ಗಳಿಂದ ` 17.20ಗೆ ಹೆಚ್ಚಿಸಲಾಗಿದೆ.ಪರಿಷ್ಕೃತ ದರ ಪಟ್ಟಿ ಪ್ರತಿ ಲೀಟರ್‌ಗೆ ಈ ಕೆಳಗಿನಂತಿದೆ. ಟೋನ್ಡ್ ಹಾಲು: ` 21, ಶುಭಂ ಹಾಲು: ` 24, ಹೋಮೊಜಿನೈಸ್ಡ್ ಶುಭಂ ಹಾಲು: ` 25, ಹೋಮೊಜಿನೈಸ್ಡ್ ಹಸುವಿನ ಹಾಲು (250 ಮಿಲಿ ಸ್ಕಾಚೇಟ್‌ಗೆ): ` 6.50, ಮೊಸರು (500ಗ್ರಾಂ): ` 13, ಮೊಸರು (200 ಗ್ರಾಂ): ` 6.50 ಹಾಗೂ ಮಜ್ಜಿಗೆ (200ಗ್ರಾಂ) ` 6 ನಿಗದಿಪಡಿಸಲಾಗಿದೆ.

ಪರಿಷ್ಕೃತಗೊಂಡ ದರಗಳು ಮುದ್ರಿತಗೊಂಡ ಪಾಲಿಥಿನ್ ಫಿಲ್ಮ್ ಶಿಮೂಲ್‌ಗೆ ಪೂರೈಕೆಯಾಗುವವರೆಗೂ ಹಳೆಯ ದರ ಮುದ್ರಿತವಾಗಿರುವ ಪಾಲಿಥಿನ್ ಫಿಲ್ಮ್‌ನಲ್ಲೇ ಹಾಲನ್ನು ಪ್ಯಾಕ್ ಮಾಡಿ, ಮಾರುಕಟ್ಟೆಗೆ ಪೂರೈಕೆ ಮಾಡಲಾಗುವುದು. ಗ್ರಾಹಕರು ಸಹಕರಿಸಬೇಕು ಎಂದು ಶಿಮೂಲ್ ಅಧ್ಯಕ್ಷ ಡಿ.ಜಿ. ಷಣ್ಮುಖ ಪಾಟೀಲ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.