ನವದೆಹಲಿ/ಚೆನ್ನೈ (ಪಿಟಿಐ): ಇಸ್ರೊದ ಅಂತರಿಕ್ಷ್- ದೇವಾಸ್ ನಡುವಿನ ವಿವಾದಾತ್ಮಕ ಒಪ್ಪಂದ ಕುರಿತು ಪ್ರಧಾನಿ ಮೌನ ಮುರಿದು ಸ್ಪಷ್ಟನೆ ನೀಡಬೇಕು ಎಂದು ಬಿಜೆಪಿ ಒತ್ತಾಯಿಸಿದೆ.ಆದರೆ `ಇದು ಕಾನೂನಿಗೆ ಸಂಬಂಧಪಟ್ಟ ವಿಷಯವಾಗಿದ್ದು, ರಾಜಕೀಯಕ್ಕೆ ಬಳಸಿಕೊಳ್ಳಬಾರದು~ ಎಂದು ಕಾಂಗ್ರೆಸ್ ಹೇಳಿದೆ.
ಇಸ್ರೊ- ದೇವಾಸ್ ಹಗರಣ ಬೆಳಕಿಗೆ ಬರುತ್ತಿದ್ದಂತೆಯೇ ಪ್ರಧಾನಿ ಎರಡು ಉನ್ನತಾಧಿಕಾರ ಸಮಿತಿಗಳನ್ನು ತನಿಖೆಗೆ ರಚನೆ ಮಾಡಿದ್ದಾರೆ. ಈ ಸಮಿತಿಗಳು ನೀಡಿರುವ ವರದಿಗಳ ಬಗ್ಗೆ ಮಾಹಿತಿ ಇಲ್ಲ. ಜತೆಗೆ ಪ್ರಧಾನಿ ಸಹ ಮೌನಕ್ಕೆ ಶರಣಾಗಿದ್ದಾರೆ ಎಂದು ಬಿಜೆಪಿ ವಕ್ತಾರೆ ನಿರ್ಮಲಾ ಸೀತಾರಾಮನ್ ಚೆನ್ನೈನಲ್ಲಿ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಕೋಲ್ಕತ್ತ ವರದಿ (ಐಎಎನ್‌ಎಸ್): ಇಸ್ರೊ-ದೇವಾಸ್ ಹಗರಣದ ತನಿಖೆ ನಡೆಸಿರುವ ಸಮಿತಿಗಳ ವರದಿ ಬಗ್ಗೆ ಟೀಕೆ ಮಾಡಲು ಮಾಧವನ್ ನಾಯರ್ ಸ್ವತಂತ್ರರು. ಸರ್ಕಾರ ಇದೇ ರೀತಿ ನಡೆದುಕೊಳ್ಳಬೇಕು ಎಂದು ತಾಕೀತು ಮಾಡುವ ಅಧಿಕಾರ ಅವರಿಗೆ ಇಲ್ಲ ಎಂದು ಕಾಂಗ್ರೆಸ್ ವಕ್ತಾರ ಅಭಿಷೇಕ್ ಮನು ಸಿಂಘ್ವಿ ಹೇಳಿದ್ದಾರೆ.
