ನವದೆಹಲಿ (ಪಿಟಿಐ): ಮೇ 7ರಂದು ನಡೆಯಲಿರುವ ಎಂಟನೇ ಹಂತದ ಲೊಕಸಭೆ ಚುನಾವಣೆಗಾಗಿ ಶನಿವಾರ ಚುನಾವಣಾ ಆಯೋಗವು ಅಧಿಸೂಚನೆ ಹೊರಡಿಸಿದೆ.
ನಾಮಪತ್ರ ಸಲ್ಲಿಸಲು ಏಪ್ರಿಲ್ 19 ಕೊನೆಯ ದಿನ. ಏಪ್ರಿಲ್ 21ರಂದು ಪರಿಶೀಲನೆ ನಡೆಯಲಿದ್ದು, ನಾಮಪತ್ರ ಹಿಂಪಡೆಯಲು ಅಂತಿಮ ದಿನ ಏಪ್ರಿಲ್ 23.
ಈ ಸುತ್ತಿನಲ್ಲಿ ಆಂಧ್ರ ಪ್ರದೇಶದ 25, ಉತ್ತರ ಪ್ರದೇಶದ 15, ಬಿಹಾರದ 7, ಪಶ್ಚಿಮ ಬಂಗಾಳದ 6, ಉತ್ತರಾಖಂಡದ 5, ಹಿಮಾಚಲ ಪ್ರದೇಶದ 4 ಹಾಗೂ ಜಮ್ಮು ಮತ್ತು ಕಾಶ್ಮೀರದ 2 ಕ್ಷೇತ್ರಗಳು ಸೇರಿ ಒಟ್ಟು 64 ಕ್ಷೇತ್ರಗಳಲ್ಲಿ ಮತದಾನ ನಡೆಯಲಿದೆ.