ಕಾಂಗ್ರೆಸ್ ಕಟ್ಟಿದ್ದು ಸಿದ್ದನಂಜಪ್ಪ; ಒಡೆದಿದ್ದು ಶಿವಪ್ಪ

ಆದರೆ, ರಾಷ್ಟ್ರಮಟ್ಟದಲ್ಲಿ ಉಂಟಾದ ರಾಜಕೀಯ ಬದಲಾವಣೆ ಅವರ ಪಕ್ಷಕ್ಕೆ ಅನುಕೂಲಕರವಾಯಿತು.ಆ ಕಾಲದಲ್ಲಿ ರಾಷ್ಟ್ರಮಟ್ಟದಲ್ಲಿ ಕಾಂಗ್ರೆಸ್‌ ವಿರುದ್ಧದ ಅಲೆ ಕಾಣಿಸಿಕೊಂಡಿದ್ದರಿಂದ ಸಾಕಷ್ಟು ಹೆಸರು ಮಾಡಿಕೊಂಡಿದ್ದ, ಇಲ್ಲಿನ ಕಾಂಗ್ರೆಸ್‌ ಅಭ್ಯರ್ಥಿ ಹಾರನಹಳ್ಳಿ ರಾಮಸ್ವಾಮಿ ಚುನಾವಣೆಯಲ್ಲಿ ಸೋಲು ಅನುಭವಿಸಬೇಕಾಯಿತು.

ಆ ಸಲ ಕಣದಲ್ಲಿ ಇದ್ದವರು ಇವರಿಬ್ಬರು ಮಾತ್ರ. ಒಟ್ಟು ಚಲಾವಣೆಯಾದ ಮತಗಳಲ್ಲಿ ಶೇ 57.20 ರಷ್ಟನ್ನು ಶಿವಪ್ಪ ಪಡೆದಿದ್ದರು. ಸ್ವತಂತ್ರ ಪಾರ್ಟಿಯ ಅಭ್ಯರ್ಥಿಯಾಗಿ ಆಯ್ಕೆಯಾಗಿದ್ದ ಶಿವಪ್ಪ ಅವರಿಗೆ ದೀರ್ಘಕಾಲದವರೆಗೆ ಆ ಪಕ್ಷದಲ್ಲಿ ಉಳಿಯಲು ಸಾಧ್ಯವಾಗಲಿಲ್ಲ. 1970ರ ದಶಕದ ಆರಂಭದಲ್ಲಿ ಇಂದಿರಾ ಗಾಂಧಿ ಅವರು ಬ್ಯಾಂಕ್‌ ರಾಷ್ಟ್ರೀಕರಣ, ರಾಜಧನ ರದ್ದತಿ ಮುಂತಾದ ಕೆಲವು ದಿಟ್ಟ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಾಗಿ ಬಂತು. ಇದರಿಂದಾಗಿ ಸರ್ಕಾರಕ್ಕೇ ಕುತ್ತು ಬರುವ ಸಂದರ್ಭದಲ್ಲಿ, ಅವಿಶ್ವಾಸ ನಿರ್ಣಯ ಮಂಡನೆಯಾದಾಗ ಶಿವಪ್ಪ ಕಾಂಗ್ರೆಸ್‌ ಪರ ಮತ ನೀಡಿದರು. ಆ ಬಾರಿ ಸರ್ಕಾರ ಉಳಿದುಕೊಂಡಿತ್ತು. ಇದಕ್ಕೆ ಪ್ರತಿಯಾಗಿ ಮುಂದಿನ (1977) ಚುನಾವಣೆಯಲ್ಲಿ ಶಿವಪ್ಪ ಅವರಿಗೆ ಹಾಸನ ಕ್ಷೇತ್ರದಿಂದ ಕಾಂಗ್ರೆಸ್‌ ಟಿಕೆಟ್‌ ಲಭಿಸಿದ್ದಲ್ಲದೆ, ಆ ಚುನಾವಣೆಯಲ್ಲೂ ಜಯ ಗಳಿಸಿದರು.

ಆ ಕಾಲದಲ್ಲಿ ಜಿಲ್ಲಾ ಕೇಂದ್ರ ಹಾಸನಕ್ಕಿಂತ ಚನ್ನರಾಯಪಟ್ಟಣವೇ ಜಿಲ್ಲೆಯ ರಾಜಕೀಯದ ಶಕ್ತಿ ಕೇಂದ್ರವಾಗಿತ್ತು. ಅನೇಕ ಮುಖಂಡರು ಅಲ್ಲಿಂದಲೇ ಮೇಲೆದ್ದು ಬಂದಿದ್ದರು. ಶಿವಪ್ಪ ಅವರೂ ಚನ್ನರಾಯಪಟ್ಟಣದ, ನುಗ್ಗೆ ಹಳ್ಳಿಯವರು. ಎರಡು ಅವಧಿಗೆ ಸಂಸದರಾಗಿದ್ದರೂ ಜಿಲ್ಲೆಗೆ ಶಿವಪ್ಪ ಅವರು ಸದಾ ನೆನಪಿನಲ್ಲಿಡಬಹುದಾದ ಕಾಣಿಕೆ ಕೊಟ್ಟಿಲ್ಲ ಎಂದು ಅವರ ಅವಧಿಯನ್ನು ಕಂಡಿರುವ ಜಿಲ್ಲೆಯ ಹಿರಿಯರು ಹೇಳುತ್ತಾರೆ.