ನವದೆಹಲಿ (ಪಿಟಿಐ): ಭಾರತದ ಆದಿತ್ಯ ಮಾನ್‌ (66 ಕೆ.ಜಿ. ವಿಭಾಗ) ಮತ್ತು ಆಶೀಶ್‌ (63 ಕೆ.ಜಿ) ಉಕ್ರೇನ್‌ನ ಕೀವ್‌ನಲ್ಲಿ ನಡೆಯುತ್ತಿರುವ ಎಐಬಿಎ ಜೂನಿಯರ್‌ ವಿಶ್ವ ಬಾಕ್ಸಿಂಗ್‌ ಚಾಂಪಿಯನ್‌ಷಿಪ್‌ನ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು.
ಆದರೆ ಭಾರತದ ಇನ್ನೊಬ್ಬ ಬಾಕ್ಸರ್‌ ವಿಷ್ಣು ದಯಾನಂದ್‌ ಚಾಯಲ್‌ (57 ಕೆ.ಜಿ. ವಿಭಾಗ) ಪ್ರೀ ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋಲು ಅನುಭವಿಸಿದರು.
ಆದಿತ್ಯ ಮೊದಲ ಸುತ್ತಿನಲ್ಲಿ ಹಂಗರಿಯ ಲಾಜ್ಲೊ ಕೊಜಾಕ್‌ ಅವರನ್ನು ಮಣಿಸಿದರೆ, ಪ್ರೀ ಕ್ವಾರ್ಟರ್‌ ಫೈನಲ್‌ನಲ್ಲಿ ಅಮೆರಿಕದ ಜೇವಿಯರ್‌ ಎಸ್ಟ್ರಾಡಾ ವಿರುದ್ಧ ಗೆಲುವು ಪಡೆದರು.
