ನ್ಯೂಯಾರ್ಕ್ (ಪಿಟಿಐ): ಲಿಬಿಯಾ ದಲ್ಲಿ ಮುಅಮ್ಮರ್ ಗಡಾಫಿ ಅಧಿಕಾರದಲ್ಲಿ ಇರುವಷ್ಟು ಸಮಯವೂ ನ್ಯಾಟೊ ಪಡೆಗಳು ತಮ್ಮ ಕಾರ್ಯಾಚರಣೆ ಮುಂದುವರಿಸಲಿವೆ ಮತ್ತು ಗಡಾಫಿ ಒಳಗೊಂಡ ಲಿಬಿಯಾದ ಭವಿಷ್ಯ ‘ಊಹಿಸಲೂ ಆಗದಂತಹ ಮಾತು’ ಎಂದು ಅಮೆರಿಕ, ಫ್ರಾನ್ಸ್ ಮತ್ತು ಬ್ರಿಟನ್ಗಳು ಹೇಳಿವೆ.‘ಗಡಾಫಿ ಅಧಿಕಾರದಲ್ಲಿದ್ದಷ್ಟು ಸಮಯವೂ ನ್ಯಾಟೊ ತನ್ನ ಕಾರ್ಯಾಚರಣೆ ಮುಂದುವರಿಸಬೇಕು, ಇದರಿಂದ ನಾಗರಿಕರ ಜೀವ ರಕ್ಷಣೆಯಾಗುತ್ತದೆ ಮತ್ತು ಈ ಪ್ರದೇಶದಲ್ಲಿ ಒತ್ತಡ ನಿರ್ಮಾಣವಾಗುತ್ತದೆ’ ಎಂದು ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ, ಫ್ರಾನ್ಸ್ ಅಧ್ಯಕ್ಷ ನಿಕೊಲಸ್ ಸರ್ಕೋಜಿ ಮತ್ತು ಬ್ರಿಟಿಷ್ ಪ್ರಧಾನಿ ಡೇವಿಡ್ ಕ್ಯಾಮರಾನ್ ಅವರು ಮೂರು ಅಂತರರಾಷ್ಟ್ರೀಯ ಪತ್ರಿಕೆಗಳಲ್ಲಿ ಬರೆದ ಜಂಟಿ ಲೇಖನದಲ್ಲಿ ತಿಳಿಸಿದ್ದಾರೆ.