ಹುಬ್ಬಳ್ಳಿ: ಮಾಹಿತಿ ತಂತ್ರಜ್ಞಾನದ ಲೋಕಕ್ಕೆ ಪ್ರವೇಶಿಸಿದ ಅಕಾಡೆಮಿಗಳು ಹಾಗೂ ಸರ್ಕಾರಿ ಸಂಸ್ಥೆಗಳ ಸಾಲಿಗೆ ಸೇರಲು ರಾಜ್ಯ ಜಾನಪದ ಅಕಾಡೆಮಿ ಕೂಡ ಸಿದ್ಧವಾಗಿದೆ.
ಅಕಾಡೆಮಿಯ ಕಾರ್ಯಕ್ರಮಗಳು, ಯೋಜನೆಗಳ ಮತ್ತಿತರ ಮಾಹಿತಿಗಳು ಬೆರಳ ತುದಿಯಲ್ಲಿ ಸಿಗುವಂತೆ ಮಾಡುವ ಉದ್ದೇಶದಿಂದ ವೆಬ್ಸೈಟ್ ಸಿದ್ಧವಾಗುತ್ತಿದ್ದು ಅಕ್ಟೋಬರ್ ಮೊದಲ ವಾರದಲ್ಲಿ ಆರಂಭವಾಗಲಿದೆ.
`ರಾಜ್ಯ ಗಣಕ ಪರಿಷತ್ ವೆಬ್ಸೈಟ್ನ ವಿನ್ಯಾಸ ಮಾಡಿದ್ದು ಶೀರ್ಷಿಕೆ ನೀಡುವುದು ಸೇರಿದಂತೆ ಅಂತಿಮ ಸಿದ್ಧತೆಗಳು ನಡೆಯುತ್ತಿವೆ~ ಎಂದು ಅಕಾಡೆಮಿ ರಿಜಿಸ್ಟ್ರಾರ್ ಬಿ.ಎನ್. ಪರಡ್ಡಿ `ಪ್ರಜಾವಾಣಿ~ಗೆ ತಿಳಿಸಿದರು.