ಬೆಂಗಳೂರು: ಬೆಂಗಳೂರು ಜಲಮಂಡಳಿಯ 12 ಜೆಟ್ಟಿಂಗ್ ಮತ್ತು 2 ಸಕ್ಕಿಂಗ್ ಯಂತ್ರಗಳು ಇದೇ ಸೋಮವಾರ (ಡಿ. 16) ಈಶಾನ್ಯ-–3ರ ಉಪ ವಿಭಾಗದ ಆರ್.ಟಿ.ನಗರ, ಸಂಜಯನಗರ, ನ್ಯೂ ಬಿಇಎಲ್ ರಸ್ತೆ, ಆನಂದ ನಗರ, ಗಂಗಾ ನಗರ ಮತ್ತು ನೈರುತ್ಯ–-4ರ ಉಪವಿಭಾಗ ಜೆ.ಪಿ.ನಗರ-–1, ಜಯನಗರ 4ನೇ ‘ಟಿ’ ಹಂತ, ಜಯನಗರ 4ನೇ ಹಂತ, ಹೊಂಬೇಗೌಡ ನಗರ ಉಪ ವಿಭಾಗ ವ್ಯಾಪ್ತಿಯ ಪ್ರದೇ ಶಗಳಲ್ಲಿ ಒಳಚರಂಡಿ ಮಾರ್ಗಗಳ ನಿರ್ವಹಣಾ ಕಾರ್ಯಾಚರಣೆ ನಡೆಸಲಿವೆ.
ಈ ಪ್ರದೇಶಗಳ ಒಳಚರಂಡಿ ಮಾರ್ಗಗಳಲ್ಲಿ ಅಡಚಣೆಗಳಿದ್ದಲ್ಲಿ ಜೆಟ್ಟಿಂಗ್ ಯಂತ್ರಗಳ ಸೇವೆಗೆ ಈಶಾನ್ಯ-–3ರ ಉಪ ವಿಭಾಗದ ಸಹಾಯಕ ಕಾರ್ಯ ನಿರ್ವಾಹಕ ಎಂಜಿನಿಯರ್ ವೇಣುಗೋಪಾಲ್ (98454 44025) ಮತ್ತು ನೈರುತ್ಯ-–4ರ ಉಪ ವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ರಾಜೀವ್ (99455 18971) ಅವರನ್ನು ಸಂಪರ್ಕಿಸಬಹುದು ಎಂದು ಜಲಮಂಡಳಿಯು ಪ್ರಕಟಣೆಯಲ್ಲಿ ತಿಳಿಸಿದೆ.