ನವದೆಹಲಿ(ಪಿಟಿಐ): ಮಹಿಳಾ ಸಹೋದ್ಯೋಗಿ ಮೇಲೆ ಅತ್ಯಾಚಾರ ಎಸಗಿದ ಆರೋಪದ ಮೇಲೆ ‘ತೆಹೆಲ್ಕಾ’ ಪ್ರಧಾನ ಸಂಪಾದಕ ತರುಣ್ ತೇಜ್ಪಾಲ್ ಅವರನ್ನು ಗೋವಾ ಪೊಲೀಸರು ವಶಕ್ಕೆ ತೆಗೆದುಕೊಂಡ ಬೆನ್ನ ಹಿಂದೆಯೇ ‘ತೆಹೆಲ್ಕಾ ಸಮೂಹದ’ ಕುರಿತು ಹಲವು ಮಾಹಿತಿಗಳು ಹೊರಬಿದ್ದಿವೆ.
‘ತೆಹೆಲ್ಕಾ ಹೋಲ್ಡಿಂಗ್’ನ ಒಟ್ಟಾರೆ ಸಾಲ ಒಟ್ಟು ಸಂಪತ್ತಿ ಗಿಂತಲೂ ಹೆಚ್ಚಿದೆ. ಕಂಪೆನಿ ಸೇವಾ ತೆರಿಗೆಯನ್ನೂ ಪಾವತಿಸಿಲ್ಲ ಎಂಬ ಮಾಹಿತಿಯನ್ನು ಲೆಕ್ಕಪತ್ರ ಪರಿಶೋಧ ಕರು ಹೊರಗೆಡವಿದ್ದಾರೆ. ಬಂಡವಾಳ ಹೂಡಿಕೆಗೆ ಸಂಬಂಧಿಸಿದಂತೆ ಕಾರ್ಪೊ ರೇಟ್ ವ್ಯವಹಾರಗಳ ಸಚಿವಾಲಯ ನಿಗದಿಪಡಿಸಿರುವ ಹಲವು ನಿಯಮ ಗಳನ್ನೂ ಕಂಪೆನಿ ಉಲ್ಲಂಘಿಸಿದೆ. ತೆಹೆಲ್ಕಾ ಸಮೂಹ ನಡೆಸಿರುವ ಹಲವು ಹಣಕಾಸು ವಹಿವಾಟು ಸಹ ಸಂಶಯಕ್ಕೆ ಎಡೆಮಾಡಿಕೊಡು ವಂತಿದೆ’ ಎಂದೂ ಮೂಲಗಳು ಹೇಳಿವೆ. ಆದರೆ, ಈ ಕುರಿತು ತನಿಖಾಧಿಕಾರಿಗಳಿಂದ ಯಾವುದೇ ಅಧಿಕೃತ ಹೇಳಿಕೆ ಹೊರ ಬಿದ್ದಿಲ್ಲ.
ಕಂಪೆನಿ ವ್ಯವಹಾರಗಳ ಸಚಿವಾಲಯದ ಬಳಿ ಇರುವ ಮಾಹಿತಿ ಪ್ರಕಾರ, ತೆಹೆಲ್ಕಾ ಸಮೂಹ ₨13 ಕೋಟಿಯಷ್ಟು ಸಾಲ ಹೊಂದಿದೆ. ₨26 ಲಕ್ಷ ಸೇವಾ ತೆರಿಗೆ ಪಾವತಿ ಬಾಕಿ ಉಳಿಸಿಕೊಂಡಿದೆ.