ನ್ಯೂಯಾರ್ಕ್ (ಪಿಟಿಐ): ದಕ್ಷಿಣ ಧ್ರುವ ದ ಅಂಟಾರ್ಟಿಕ್ ಸಾಗರದ ಮಂಜು ಗಡ್ಡೆ ಅಡಿ ಇದೇ ಮೊದಲ ಬಾರಿಗೆ ಅಳಿವೆ ಯೊಂದು (ನದಿಮುಖ) ಪತ್ತೆಯಾಗಿದೆ.
ಪಶ್ಚಿಮ ಅಂಟಾರ್ಕ್ಟಿಕ್ ಮಂಜು ಗಡ್ಡೆಯ ದಪ್ಪ ಪದರಿನ ಅಡಿ ಈ ಅಳಿವೆಯನ್ನು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.
ನದಿಯ ಸಿಹಿ ನೀರು ಮತ್ತು ಸಾಗರದ ಉಪ್ಪು ನೀರು ಸೇರುವ ಈ ನದಿಮುಖಜ ಪ್ರದೇಶಲ್ಲಿಯ ಪರಿಸರದಲ್ಲಿ ಒಂದೇ ಪ್ರಭೇದಕ್ಕೆ ಸೇರಿದ ವಿಚಿತ್ರ ಜಲಚರಗಳೂ ಇರುವ ಸಾಧ್ಯತೆ ಇದೆ ಎಂದು ವಿಜ್ಞಾನಿ ಗಳು ಶಂಕಿಸಿದ್ದಾರೆ.
ಒಂದು ಕಿ.ಮೀ ಅಗಲ ಮತ್ತು ಏಳು ಮೀಟರ್ ಆಳದ ಈ ನದಿ ಗಳು ಸಾಗರವನ್ನು ಸೇರುವಲ್ಲಿ ಮಾತ್ರ ಸ್ವಲ್ಪ ಮಟ್ಟಿಗೆ ತೆರೆದುಕೊಂಡಿದ್ದು, ಗುಪ್ತ ಗಾಮಿನಿಯಂತೆ ಹರಿಯುತ್ತವೆ.
ನ್ಯೂಜಿಲೆಂಡ್ನ ವಿಕ್ಟೋರಿಯಾ ವಿ.ವಿ ಯ ಹೌ ಹೊರ್ಗಾನ್ ನೇತೃತ್ವದ ವಿಜ್ಞಾನಿಗಳ ತಂಡ ಈ ಅಳಿವೆಯನ್ನು ಪತ್ತೆ ಹಚ್ಚಿದೆ.