ಊಟಿ (ತಮಿಳುನಾಡು) (ಪಿಟಿಐ): ಇಲ್ಲಿನ ಪ್ರವಾಸಿ ತಾಣಗಳಲ್ಲಿ ಬೇಟೆಗಾಗಿ ಅಲೆಯುತ್ತಿರುವ ನರಭಕ್ಷಕ ಹುಲಿ ಕಳೆದ ಕೆಲವು ದಿನಗಳಲ್ಲಿ ಇಬ್ಬರು ಮಹಿಳೆಯರು ಸೇರಿದಂತೆ ಮೂವರನ್ನು ಹತ್ಯೆ ಮಾಡಿದೆ.
ದೊಡ್ಡ ಬೆಟ್ಟ ಪ್ರವಾಸಿ ತಾಣಕ್ಕೆ ಪ್ರವೇಶ ನಿಲ್ಲಿಸಲಾಗಿದ್ದು, ಇಲ್ಲಿನ 3 ಪಂಚಾಯಿತಿಗಳಿಗೆ ಸೇರಿದ 45 ಶಾಲೆಗಳಿಗೆ 2 ದಿನ ರಜೆ ಘೋಷಿಸಲಾಗಿದೆ. ಕಳೆದ ಐದು ದಿನಗಳಿಂದ ದೊಡ್ಡಬೆಟ್ಟ ವ್ಯಾಪ್ತಿಯ 25 ಕಿ.ಮೀ ಸುತ್ತ ಮುತ್ತಲ ಪ್ರದೇಶ
ಗಳಲ್ಲಿ ಓಡಾಡುತ್ತಿರುವ ಹುಲಿಯನ್ನು ಸೆರೆಹಿಡಿಯಲು ಮೂರು ವಿಶೇಷ ತಂಡ ರಚಿಸಲಾಗಿದೆ ಎಂದು ನೀಲಗಿರಿಸ್ ಜಿಲ್ಲೆಯ ಜಿಲ್ಲಾಧಿಕಾರಿ ಪಿ.ಶಂಕರ್ ತಿಳಿಸಿದ್ದಾರೆ.