ನಾಟ್ಯಶ್ರುತಿ ವಾರ್ಷಿಕೋತ್ಸವ
`ನಾಟ್ಯಶ್ರುತಿ~ ಸಂಸ್ಥೆಯು ಇತ್ತೀಚೆಗೆ ತನ್ನ ಹತ್ತನೇ ವಾರ್ಷಿಕೋತ್ಸವವನ್ನು ಕೋರಮಂಗಲದಲ್ಲಿನ ಸೇಂಟ್ ಫ್ರಾನ್ಸಿಸ್ ಸ್ಕೂಲ್ ಸಭಾಂಗಣದಲ್ಲಿ ಸಂಭ್ರಮದಿಂದ ಆಚರಿಸಿತು. ಸಂಸ್ಥೆಯ ಎಲ್ಲ ವಿದ್ಯಾರ್ಥಿ-ವಿದ್ಯಾರ್ಥಿನಿಯರು ಅದರಲ್ಲಿ ಭಾಗವಹಿಸಿದ್ದರು.
ಕರ್ನಾಟಕ ಶಾಸ್ತ್ರೀಯ ಸಂಗೀತದ ಹಾಡುಗಾರ್ತಿ ಹಾಗೂ ಭರತನಾಟ್ಯ ಕಲಾವಿದೆಯೂ ಆಗಿರುವ ಸುಮಿತ್ರಾ ನಿತಿನ್ ಸ್ಥಾಪಿಸಿದ ಸಂಸ್ಥೆ `ನಾಟ್ಯಶ್ರುತಿ~. ಸುಮಿತ್ರಾ ಆಕಾಂಕ್ಷಿ ವಿದ್ಯಾರ್ಥಿಗಳಿಗೆ ನೃತ್ಯ ಹಾಗೂ ಸಂಗೀತ ಎರಡನ್ನೂ ಕಲಿಸುತ್ತಾರೆ.
| ಸೂಚನೆ ನಗರದಲ್ಲಿ ಇಂದು ಹಾಗೂ ಸಾಂಸ್ಕೃತಿಕ ಮುನ್ನೋಟಕ್ಕೆ ಕಾರ್ಯಕ್ರಮಗಳ ವಿವರಗಳನ್ನು ನಿಗದಿತ ದಿನಕ್ಕಿಂತ ಕನಿಷ್ಠ ಎರಡು ದಿನ ಮುಂಚೆ ಕಳುಹಿಸಬೇಕು. ಅಗತ್ಯವಿದ್ದಲ್ಲಿ ಪೂರಕ ಚಿತ್ರಗಳನ್ನೂ ಕಳುಹಿಸಬಹುದು. ನುಡಿ ಅಥವಾ ಬರಹ ತಂತ್ರಾಂಶ ಉಪಯೋಗಿಸಿ. ಇ- ಮೇಲ್ ಮೂಲಕವೂ ವಿವರಗಳನ್ನು ಕಳುಹಿಸಬಹುದು. ಮೆಟ್ರೊ ಇ-ಮೇಲ್: metropv@prajavani.co.in -ಸಂ |
ಮೂವತ್ತಕ್ಕೂ ಹೆಚ್ಚು ವಿದ್ಯಾರ್ಥಿ-ವಿದ್ಯಾರ್ಥಿನಿಯರು ಸಂಪೂರ್ಣ ಸಮನ್ವಯದೊಂದಿಗೆ ತಂಡಗಳಲ್ಲಿ ಪ್ರದರ್ಶಿಸಿದ ನೃತ್ಯ ಪ್ರಸಂಗಗಳು ಕಣ್ಣು ಕಿವಿಗಳಿಗೆ ಹಬ್ಬವನ್ನುಂಟು ಮಾಡಿದವು. ಹಾಡುಗಾರಿಕೆಯನ್ನು ಕಲಿಯುತ್ತಿರುವ ಮಕ್ಕಳು `ನಮ ರಾಮಾಯಣ~, `ಜಗದಾನಂದಕರ~, `ಧರಣಿ ತೆಲುಸುಕೊಂಟಿ~ ಮೊದಲಾದ ಜನಪ್ರಿಯ ಕೀರ್ತನೆಗಳನ್ನು ಹಾಡಿ ಸಭಿಕರನ್ನು ರಂಜಿಸಿದರು.
ನೃತ್ಯ ಕಲಾವಿದರು ಪುಷ್ಪಾಂಜಲಿ, ಅಲರಿಪ್ಪು ದೇವರನಾಮ ಮತ್ತು ಉತ್ತುಕ್ಕಡು ವೆಂಕಟಕವಿಯ ಸಪ್ತರತ್ನ `ಜಟಾಧರ ಶಂಕರ~ವನ್ನು ಲಾಲಿತ್ಯಪೂರ್ಣವಾಗಿ ಪ್ರಯೋಗಿಸಿದರು. ಹಿರಿಯ ಗುರುಗಳಾದ ವಿದುಷಿ ನೀಲಾ ರಾಮ್‌ಗೋಪಾಲ್ ಮತ್ತು ಗುರು ಬಿ ಭಾನುಮತಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.