ಬಂಕ್ ಸಿಬ್ಬಂದಿಯೊಂದಿಗೆ ಗ್ರಾಹಕರ ವಾಗ್ವಾದ

ಆಯ್ದ ಗ್ರಾಹಕರಿಗೆ ಮಾತ್ರ ಹೆಚ್ಚು ಪೆಟ್ರೋಲ್ ನೀಡುವುದು ಮತ್ತು ವೇಗದ ಸೇವೆ ಒದಗಿಸದಿರುವುದರ ಹಿನ್ನೆಲೆಯಲ್ಲಿ ಗ್ರಾಹಕರು ಸಿಬ್ಬಂದಿಯೊಂದಿಗೆ ಮಾತಿನ ಚಕಮಕಿ ನಡೆಸಿದರು.

`ಪೆಟ್ರೋಲ್ ಬೆಲೆಯಲ್ಲಿ ರೂ 7.50 ಹೆಚ್ಚಳವಾಗುತ್ತದೆ ಎಂಬ ಸುದ್ದಿ ಪ್ರಕಟಗೊಂಡ ಕೂಡಲೇ ಬಂಕ್ ಮಾಲೀಕರು ಕೃತಕ ಅಭಾವ ಸೃಷ್ಟಿಸುತ್ತಿದ್ದಾರೆ. ಬೆಳಗಾದರೆ ಹೆಚ್ಚಿನ ದರಕ್ಕೆ ಪೆಟ್ರೋಲ್ ಮಾರಾಟ ಮಾಡಬಹುದು ಎಂಬ ಲೆಕ್ಕಾಚಾರ ಬಂಕ್ ಮಾಲೀಕರದು. ಈ ಧೋರಣೆ ಸಲ್ಲದು. ಗ್ರಾಹಕರ ಹಿತ ಕಾಪಾಡಬೇಕಾದ ಗುರುತರ ಜವಾಬ್ದಾರಿ ಬಂಕ್ ಮಾಲೀಕರ ಮೇಲಿದೆ~

-ಎಚ್.ಬಿ. ವೀರೇಶ್‌ಕುಮಾರ್, ಹೊನ್ನಾಳಿ 

`ಪೆಟ್ರೋಲ್ ಬೆಲೆಯಲ್ಲಿ ಇಷ್ಟೊಂದು ಹೆಚ್ಚಳ ಹಿಂದೆಂದೂ ಆಗಿರಲಿಲ್ಲ. ದ್ವಿಚಕ್ರ ವಾಹನಗಳನ್ನು ಮನೆಯಲ್ಲಿ ನಿಲ್ಲಿಸಿ ಬೈಸಿಕಲ್ ತುಳಿಯುವುದೇ ಒಳ್ಳೆಯದು. ಅದ್ದರಿಂದ ಆರೋಗ್ಯವನ್ನೂ ಕಾಪಾಡಿಕೊಳ್ಳಬಹುದು~

- ಯು.ಬಿ. ಜಯಪ್ಪ, ಹೊನ್ನಾಳಿ