`ಇಪಿಎಫ್ಒ~ನಲ್ಲಿ ಸಕ್ರಿಯವಾಗಿಲ್ಲದ ಖಾತೆಗಳಲ್ಲಿ ರೂ. 15 ಸಾವಿರ ಕೋಟಿಗಳಷ್ಟು ಹಣ ಇದೆ. ಈ ಮೊತ್ತವನ್ನು ಬೇರೆಡೆ ಹೂಡಿಕೆ ಮಾಡಿ ಲಾಭ ಪಡೆಯಲಾಗುತ್ತಿದೆ. ಆದರೆ, ಈ ಹೂಡಿಕೆಯಿಂದ ಬರುವ ಲಾಭವನ್ನು ಸಕ್ರಿಯವಾಗಿರುವ ಖಾತೆಗಳಿಗೆ ಹಂಚಿಕೆ ಮಾಡುವ ಬಗ್ಗೆ ಇದುವರೆಗೆ ಯಾವುದೇ ನಿರ್ಧಾರಕ್ಕೆ ಬರಲಾಗಿಲ್ಲ. 36 ತಿಂಗಳುಗಳಿಗಿಂತ ಹೆಚ್ಚಿನ ಅವಧಿಗೆ ಸದಸ್ಯರಿಂದ ಯಾವುದೇ ಕೊಡುಗೆ ಸ್ವೀಕರಿಸದ ಪ್ರಕರಣಗಳನ್ನು ಸಕ್ರಿಯವಾಗಿಲ್ಲದ ಖಾತೆಗಳೆಂದು ಪರಿಗಣಿಸಲಾಗುತ್ತಿದೆ.