ನವದೆಹಲಿ (ಪಿಟಿಐ): ಮಿಥಾಲಿ ರಾಜ್ ಅವರು ಸೆಪ್ಟೆಂಬರ್ 26ರಿಂದ ಅಕ್ಟೋಬರ್ 7ರವರೆಗೆ ಶ್ರೀಲಂಕಾದಲ್ಲಿ ನಡೆಯಲಿರುವ ಮಹಿಳೆಯರ ಟ್ವೆಂಟಿ-20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ.
ಭಾರತ ತಂಡ ಈ ಟೂರ್ನಿಯಲ್ಲಿ `ಎ~ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಇದರಲ್ಲಿ ಇಂಗ್ಲೆಂಡ್, ಆಸ್ಟ್ರೇಲಿಯಾ ಹಾಗೂ ಪಾಕಿಸ್ತಾನ ತಂಡಗಳಿವೆ. ತನ್ನ ಮೊದಲ ಪಂದ್ಯದಲ್ಲಿ ಸೆ.27ರಂದು ಕಾಂಗರೂ ಪಡೆಯನ್ನು ಎದುರಿಸಲಿದೆ.
ತಂಡ ಇಂತಿದೆ: ಮಿಥಾಲಿ ರಾಜ್ (ನಾಯಕಿ), ಹರ್ಮನ್ಪ್ರೀತ್ ಕೌರ್ (ಉಪನಾಯಕಿ), ಸುಲಕ್ಷಣಾ ನಾಯ್ಕ, ಜೂಲನ್ ಗೋಸ್ವಾಮಿ, ಪೂನಮ್ ರಾವುತ್, ಗೌಹಾರ್ ಸುಲ್ತಾನಾ, ಎಕ್ತಾ ಬಿಸ್ತ್, ಅರ್ಚನಾ ದಾಸ್, ಎನ್.ನಿರಂಜನಾ, ಮೋನಾ ಮೇಶ್ರಾಮ್, ಶುಭಲಕ್ಷ್ಮಿ ಶರ್ಮ, ಅನುಜಾ ಪಾಟೀಲ್, ರೋಷನಾರಾ ಪರ್ವೀನ್ ಹಾಗೂ ಅಮಿತ್ ಶರ್ಮ.