ಮುಂಬೈ 2ನೇ ‘ಪ್ರಾಮಾಣಿಕ ನಗರ’

ವಾಷಿಂಗ್ಟನ್‌ (ಪಿಟಿಐ): ವಿಶ್ವದ ಅತಿ ಪ್ರಾಮಾಣಿಕ ನಗರಗಳ ಪೈಕಿ ಮುಂಬೈಗೆ ಎರಡನೇ ಸ್ಥಾನ ದೊರಕಿರುವುದರಿಂದ ಭಾರತದ ವಾಣಿಜ್ಯ ರಾಜಧಾನಿಯ  ಕಿರಿಟಕ್ಕೆ ಈಗ ಮತ್ತೊಂದು ಗರಿ.

ಫಿನ್ಲೆಂಡ್‌ ರಾಜಧಾನಿ ಹೆಲ್ಸಿಂಕಿ ಪ್ರಾಮಾ­ಣಿಕ ನಗರಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಇದ್ದರೆ, ಪೋರ್ಚು­ಗಲ್‌ ರಾಜಧಾನಿ ಲಿಸ್ಬನ್‌ ಕೊನೆಯ ಸ್ಥಾನ­ದಲ್ಲಿದೆ ಎಂದು ಸಮೀಕ್ಷಾ ವರದಿ­ಯೊಂದು ತಿಳಿಸಿದೆ.

ನಾಲ್ಕು ಉಪಖಂಡಗಳ ವಿವಿಧ ಮಹಾನಗರಗಳಲ್ಲಿ ನೂರಾರು ಜನರನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಹಣದ ಪರ್ಸ್‌ಗಳನ್ನು ಬೀಳಿಸಿ ಎಷ್ಟು ಜನರು ಪ್ರಾಮಾಣಿಕವಾಗಿ ವಾಪಸ್‌ ಮಾಡಿ­ದ್ದಾರೆ ಎಂಬುದನ್ನುಪರಿಶೀಲಿಸಲಾಗಿದೆ.