ಕ್ರೈಸ್ಟ್ ಯನಿರ್ವಸಿಟಿಯಲ್ಲಿ ಇತ್ತೀಚೆಗೆ ನಡೆದ ‘ಹಾಟ್‌ಕಾಂಪ್’ ಆಹಾರ ಉತ್ಸವದಲ್ಲಿ ಎಂ.ಎಸ್. ರಾಮಯ್ಯ ಹೋಟೆಲ್ ಮ್ಯಾನೇಜ್‌ಮೆಂಟ್ ಕಾಲೇಜಿನ ವಿದ್ಯಾರ್ಥಿಗಳಾದ ಜಿಬಿನ್ ಥಾಮಸ್ ಮತ್ತು ಕೀರ್ತನಾ ಗಣೇಶ್ ಅವರನ್ನು ‘ಚಾಂಪ್ಸ್’ ಎಂದು ಘೋಷಿಸಲಾಯಿತು.
ಆಶು ಭಾಷಣ, ರಸಪ್ರಶ್ನೆ, ಕೇಸ್ ಸ್ಟಡಿ ಮತ್ತು ಸಂದರ್ಶನಗಳಲ್ಲಿ ಈ ಜೋಡಿ ಇತರ ಎಲ್ಲ ಕಾಲೇಜುಗಳ ತಂಡಕ್ಕಿಂತ ಹೆಚ್ಚು ಅಂಕ ಗಳಿಸಿತು. ಪ್ರಾಡಕ್ಟ್ ಲಾಂಚ್ ಸ್ಪರ್ಧೆಯಲ್ಲಿ ‘ಮಲಬಾರ್ ಕೋಲಾ’ ಎಂಬ ವಿಶೇಷ ಪೇಯ ಮಾರ್ಕೆಟಿಂಗ್ ಮಾಡಿ ಈ ಜೋಡಿ ತೀರ್ಪುಗಾರರ ಮೆಚ್ಚುಗೆ ಗಳಿಸಿತು. ಇದರೊಂದಿಗೆ ಹಲವು ಟ್ರೋಫಿಗಳನ್ನು ರಾಮಯ್ಯ ಕಾಲೇಜು ತಂಡ ತನ್ನದಾಗಿಸಿಕೊಂಡಿತು.
