ನಗರಕ್ಕೆ ಕಾವೇರಿ ನೀರು ಸರಬರಾಜು
ಬೆಂಗಳೂರು, ಅ. 18 - ಕಳೆದ ಕೆಲವು ವರ್ಷಗಳಿಂದ ಕುಡಿಯಲು ಸಾಕಷ್ಟು ನೀರು ದೊರಕದೆ ಬವಣೆ ಪಡುತ್ತಿರುವ ಬೆಂಗಳೂರು ನಗರಕ್ಕೆ ಕಾವೇರಿಯಿಂದ ನೀರು ತರುವ ಯೋಜನೆಗೆ ರಾಜ್ಯ ಸರಕಾರವು ಇಂದು ಆಡಳಿತ ಮಂಜೂರಾತಿಯನ್ನಿತ್ತಿದೆ.
ಸುಮಾರು 68 ಮೈಲಿ ದೂರದಿಂದ 72 ಇಂಚುಗಳಷ್ಟು ವ್ಯಾಸದ ಬೃಹತ್ ಕೊಳವೆಯಲ್ಲಿ ಹರಿದು ಬರಲಿರುವ ಕಾವೇರಿಯ ನೀರು ಬೆಂಗಳೂರು ನಗರದ ನೀರಿನ ಸಮಸ್ಯೆಯನ್ನು ಶಾಶ್ವತವಾಗಿ ನಿವಾರಿಸುವುದೆಂದು ನಿರೀಕ್ಷಿಸಲಾಗಿದೆ.
