ನ್ಯೂಯಾರ್ಕ್ (ಪಿಟಿಐ): ನ್ಯಾಯಾಲಯಗಳು ಅಪರಾಧಿಗಳಿಗೆ ಜೈಲು ಶಿಕ್ಷೆ ಅಥವಾ ಕಠಿಣ ಶಿಕ್ಷೆ ವಿಧಿಸುವುದು ಸಾಮಾನ್ಯ. ಆದರೆ, ಇದಕ್ಕೆ ಅಪವಾದ ಎಂಬಂತೆ ಇಲ್ಲೊಂದು ನ್ಯಾಯಾಲಯ ಭಾರತೀಯ ಮೂಲದ ಪತ್ನಿ ಪೀಡಕನಿಗೆ ಜೈಲು ಶಿಕ್ಷೆಯ ಬದಲಾಗಿ `ಸಮುದಾಯ ಸೇವೆ~ಯ ಶಿಕ್ಷೆ ನೀಡುವ ಮೂಲಕ ಗಮನ ಸೆಳೆದಿದೆ.
ಪತ್ನಿಯನ್ನು ಮನೆ ಕೆಲಸದವಳಂತೆ ನಡೆಸಿಕೊಂಡ ಮತ್ತು ಅವಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ 34 ವರ್ಷದ ವಿಶಾಲ್ ಜಗೋಟಾನಿಗೆ ಸ್ಥಳೀಯ ನ್ಯಾಯಾಲಯ 220 ಗಂಟೆಗಳ ಕಾಲ ಸಮುದಾಯ ಸೇವೆ ಮತ್ತು ಮೂರು ವರ್ಷಗಳ ಪರೀಕ್ಷಣಾ ಅವಧಿಯಶಿಕ್ಷೆ ನೀಡಿದೆ.
